10th Oct2019

ແຜນປ້ອງກັນງານບຸນຊ່ວງເຮືອປະເພນີ ປະຈຳປີ 2019

by somchan

ໃນວັນທີ 10 ຕຸລາ 2019, ພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ໄດ້ຊີ້ນຳ ແລະ ເນັ້ນໜັກໃຫ້ຄະນະຮັບຜິດຊອບປ້ອງກັນງານບຸນອອກພັນສາປະວໍລະນາ ແລະ ບຸນຊ່ວງເຮືອປະເພນີ ປະຈຳປີ 2019 ຢູ່ທີ່ນະຄອນຫຼວງວຽງຈັນ, ໃຫ້ເອົາໃຈໃສ່ຊີ້ນຳບັນຊາພະນັກງານ-ນັກຮົບ ສຸມໃສ່ປະຕິບັດໜ້າທີ່ວິຊາສະເພາະດ້ວຍຄວາມຮັບຜິດຊອບສູງ,

ສຳລັບກອງບັນຊາການ ປກສ ນະຄອນຫຼວງວຽງຈັນ ຈັດຕັ້ງກຳລັງປ້ອງກັນຄວາມສະຫງົບ ປະຈຳການຢູ່ພາຍໃນງານບຸນຈຳນວນ 120 ສະຫາຍ ເພື່ອປະສານສົມທົບກັບກຳລັງ ປກຊ – ປກສ ເມືອງຈັນທະບູລີ ແລະ ພາກສ່ວນ ທີ່ກ່ຽວຂ້ອງ ປະຕິບັດໜ້າທີ່ໃນການປ້ອງກັນເວນຍາມນັບແຕ່ວັນທີ 10-14 ຕຸລາ, ພ້ອມທັງໄດ້ຈັດເປັນແຜນງານ ແລະ ແບ່ງຄວາມຮັບຜິດຊອບໃຫ້ແຕ່ລະກຳລັງເລົ່າລົບວິຊາສະເພາະ ລົງເຄື່ອນໄຫວປ້ອງກັນເວນຍາມ ຕິດຕາມສະພາບການຢູ່ແຕ່ລະຈຸດພາຍໃນງານບຸນດ້ວຍຄວາມຮັບຜິດຊອບ, ນອກນີ້ຍັງໄດ້ສົມທົບກັບບັນດາໜ່ວຍກູ້ໄພປະຈຳການຄອຍເຫດຕະຫຼອດ 24 ຊົ່ວໂມງ, ທັງນີ້ກໍ່ເພື່ອຮັບປະກັນໃຫ້ແກ່ແຂກທັງພາຍໃນ ແລະ ຕ່າງປະເທດ, ບັນດາທ່ານຜູ້ນຳພັກ-ລັດ ປະຊາຊົນບັນດາເຜົ່າ ທີ່ເຂົ້າມາທ່ຽວຊົມໃນງານຕະຫຼາດນັດ, ງານບຸນຊ່ວງເຮືອປະເພນີປະຈຳປີ 2019 ນີ້, ໃຫ້ມີບັນຍາກາດເບີກບານມ່ວນຊື່ນ ແລະ ຮັກສາໄດ້ຄວາມສະຫງົບ ປອດໄພໂດຍພື້ນຖານ.

 

Comments are closed.