08th Oct2019

ປກສ ເມືອງຈັນທະບູລີ ກະກຽມປ້ອງກັນ ໃນໄລຍະບຸນອອກພັນສາປະວໍລະນາ ແລະ ບຸນຊ່ວງເຮືອ ປະຈຳປີ 2019.

by somchan

ພັນໂທ ຊຽງພັນ ອິນທະປັນຍາ ຮັກສາການ ຫົວໜ້າກອງບັນຊາການ ປກສ ເມືອງຈັນທະບູລີ ໄດ້ໃຫ້ສຳພາດວ່າ: ເພື່ອເປັນການຮັກສາຄວາມສະຫງົບ ຄວາມເປັນລະບຽບຮຽບຮ້ອຍໃນໄລຍະບຸນອອກພັນສາປະວໍລະນາ ແລະ ບຸນຊ່ວງເຮືອປະເພນີທີ່ທ່າວັດຈັນ ປະຈຳປີ 2019 ນີ້

ເຈົ້າໜ້າທີ່ ປກສ ເມືອງຈັນທະບູລີ ໄດ້ມີການວາງແຜນການ ແລະ ກະກຽມປ້ອງກັນເຊິ່ງໃນນັ້ນຈະເລີ່ມເຂົ້າປະຕິບັດໜ້າທີ່ນັບຕັ້ງແຕ່ວັນທີ 10-14 ຕຸລາ 2019 ນີ້ມີກຳລັງທັງໝົດ 1 ພັນກວ່າຄົນ ໃນນັ້ນມາຈາກພາກສ່ວນຕ່າງໆເຊັ່ນ: ປກສ ເມືອງຈັນທະບູລີ, ທະຫານເມືອງຈັນທະບູລີ, ປກສ ນະຄອນຫຼວງວຽງຈັນ, ທະຫານນະຄອນຫຼວງວຽງຈັນ, ຊາວໜຸ່ມນັກຮຽນທີ່ມາຈາກບັນດາໂຮງຮຽນມໍປາຍ ເຂົ້າຮ່ວມປ້ອງກັນພາຍໃນງານບຸນດັ່ງກ່າວ ເພື່ອຮັກສາຄວາມສະຫງົບຄວາມເປັນລະບຽບຮຽບຮ້ອຍ.

ນອກຈາກນີ້ຍັງໄດ້ແບ່ງຈຸປະຈຳການຄອຍເຫດ 24 ຊົ່ວໂມງ ຢູ່ 2 ຈຸດຄື: ຈຸດກອງບັນຊາການ ປກສ ເມືອງຈັນທະບູລີ ແລະ ຢູ່ຈຸດກອງບັນຊາການທະຫານເມືອງ ແລະ ຈຸດຍ່ອຍຢູ່ບັນດາ ປກສ ກຸ່ມທົ່ວເມືຶອງ ກໍລະນີສຸກເສີມປະຊາຊົນສາມາດເຂົ້າແຈ້ງຄວາມໄດ້ຢູ່ຈຸດບັນຊາລວມຂອງອະນຸກຳມະການປ້ອງກັນທີ່ຜາມໄຊ (ທ່າວັດຈັນ).

Comments are closed.