14th Mar2019

ປກສ ເມືອງນາຊາຍທອງ ນະຄອນຫຼວງວຽງຈັນ ໄດ້ກັກຕົວພວກຄ້າຂາຍຢາເສບຕິດ ໄດ້ 3 ຄົນ ພ້ອມຂອງກາງຢາເສບຕິດ ຫຼາຍລາຍການ

by somchan

ຫວ່າງບໍ່ດົນມານີ້ ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງນາຊາຍທອງ ນະຄອນຫຼວງວຽງຈັນ ໄດ້ກັກຕົວພວກຄ້າຂາຍຢາເສບຕິດ ໄດ້ 3 ຄົນ ພ້ອມຂອງກາງຢາເສບຕິດປະເພດຢາບ້າ 102 ມັດ ກັບ 3 ຖົງ ຫຼື ເທົ່າກັບ ສອງແສນກວ່າເມັດ ຢາໄອ 1,5 ກິໂລກຣາມ, ລົດໃຫ່ຍ 1 ຄັນ ແລະ ຂອງກາງອື່ນໆອີກຈຳນວນໜຶ່ງ ພວກຕ້ອງຫາມີຄື: ທ້າວ ສົມບັດ ຫຼື ບັດ ອາຍຸ 62 ປີ ຢູ່ບ້ານນາຄູນ, ທ້າວ ພອນ ຫຼື ພູ ອາຍຸ 56 ປີ ພັກເຊົ່າຢູ່ບ້ານ ນາຄູນ ເມືອງນາຊາຍທອງ ນະຄອນຫຼວງວຽງຈັນ ແລະ ທ້າວ ວຽງເພັດ ອາຍຸ 60 ປີ ຢູ່ບ້ານໂນນແກ້ວ ເມືອງສີໂຄດຕະບອງ ນະຄອນຫຼວງວຽງຈັນ.

ຜ່ານການສືບສວນ-ສອບສວນຂອງເຈົ້າໜ້າທີ່ ພວກກ່ຽວທັງ 3 ຄົນ ໄດ້ໃຫ້ການຮັບສາລະພາບວ່າ ໄດ້ຮ່ວມກັນຄ້າຂາຍຢາເສບຕິດ ແລະ ຂອງກາງທີ່ທາງເຈົ້າໜ້າທີ່ຍຶດມາໄດ້ແມ່ນເປັນຂອງພວກກ່ຽວແທ້ ປະຈຸບັນເຈົ້າໜ້າທີ່ພວມດຳເນີນຄະດີ ຕາມກົດໝາຍ.

ຂ່າວຍັງໃຫ້ຮູ້ຕື່ມວ່າ: ໃນໄລຍະດຽວກັນນີ້ ເຈົ້າໜ້າທີ່ ຕຳຫຼວດ ສະກັດກັ້ນ ແລະຕ້ານຢາເສບຕິດ ປກສແຂວງສະຫັວນະເຂດ ໄດ້ຈັບຕົວພວກ ເຄື່ອນໄຫວຄ້າຂາຍຢາເສບຕິດ ປະເພດຢາບ້າ ຢູ່ຕາມສາຍທາງເລກທີ 9 ຂອບເຂດ ບ້ານສະໜູນ ເມືອງພະລານໄຊ ແຂວງສະຫັວນະເຂດ ສາມາດກັກຕົວເປົ້າໝາຍໄດ້ 2 ຄົນ ພ້ອມຍືດ ຂອງກາງ ຢາບ້າ  ຈຳນວນ 59 ມັດ ເທົ່າກັບ 118,000 ເມັດ , ລົດກະບະວີໂກ້ 1 ຄັນ, ລົດຈັກ 1ຄັນ ,ປືນປະດິດສັ້ນ 1ກະບອກ, ພ້ອມລູກກະສຸນ 1ລູກ ແລະໂທລະສັບ 4 ໜ່ວຍ ເປົ້າໝາຍທັງສອງຄົນຄື: ທ້າວ ວຽງແກ້ວ ປັນຍາ ອາຍຸ 22 ປີ, ທ້າວ ຄຳຫຼ້າ ອິນທະວົງສາ ອາຍຸ 32 ປີ ທັງສອງຢູ່ບ້ານ ຄຳສີດາ ເມືອງຈຳພອນ ແຂວງສະຫັວນນະເຂດ.

ຜ່ານການ ສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ ຢາບ້າແລະເຄື່ອງຂອງກາງ ເປັນຂອງຜູ້ກຽ່ວແທ້ ປັດຈຸບັນ ຄະດີດັ່ງກ່າວຍັງສືບສວນຫາຜູ້ຮ່ວມຂະບວນການ ມາລົງໂທດຕາມລະບຽບກົດ

ໝາຍບ້ານເມືອງຕໍ່ໄປ.

 

 

 

Comments are closed.