02nd Jul2018

ປກສ ເມືອງໄຊເຊດຖາ ສຸມໃສ່ຫັນເອົາກຳລັງລົງກໍ່ສ້າງຮາກຖານ ເພື່ອຮັບປະກັນຄວາມສະຫງົບ ໃນປີທ່ອງທ່ຽວລາວ 2018

by somchan

ເມືອງໄຊເສດຖາ ເປັນເມືອງໜຶ່ງໃນຈຳນວນ 4 ເມືອງໃນ ຂອງນະຄອນຫຼວງວຽງຈັນ ທີ່ມີການພັດທະນາ ຢ່າງຮອບດ້ານ ແລະ ຕໍ່ເນື່ອງ ເປັນຕົ້ນແມ່ນພື້ນຖານໂຄງລ່າງ ທາງດ້ານເສດຖະກິດ, ລະບົບເສັ້ນທາງ ຄົມມະນາຄົມຂົນສົ່ງ, ລະບົບໂທລະຄົມມະນາຄົມ ການສື່ສານ, ລະດັບວັດທະນະທຳ-ສັງຄົມ, ທີ່ຢູ່ອາໃສ, ການປ້ອງກັນຊາດ-ປ້ອງກັນຄວາມສະຫງົບ ແລະ ອື່ນໆ ເຮັດໃຫ້ ເມືອງໄຊເຊດຖາ ມີຄວາມສະຫງົບ ມີຄວາມເປັນລະບຽບຮຽບຮ້ອຍ, ເສດຖະກິດ ມີການເຕີບໂຕຢ່າງໄວວາ, ເຮັດໃຫ້ຊີວິດການເປັຍຢູ່ຂອງປະຊາຊົນນັບມື້ນັບດີຂື້ນ, ຄຽງຄູ່ກັນນີ້ກໍ່ປະສະຈາກບໍ່ໄດ້ບັນຫາຫຍໍ້ທໍ້ຕ່າງໆ ທີ່ເປັນອຸປະສັກກົດໝ່ວງຖ່ວງດຶງ ແລະ ສິ່ງທ້າທາຍຕໍ່ການຄຸ້ມຄອງ, ການປົກປັກຮັກສາ ແລະ ການສ້າງສາພັດທະນາຢູ່ໃນເມືອງໄຊເຊດຖາ ໃນໄລຍະຜ່ານມາ ເຊັ່ນບັນຫາການເຄື່ອນໄຫວໂຄສະນາສ້າງຄວາມແຕກແຍກຄວາມສາມັກຄີຂອງພວກຄົນບໍ່ດີ, ບັນຫາຂໍ້ຂັດແຍ່ງທາງດ້ານທີ່ດິນ, ບັນຫາປຸ້ນຈີ້ຊິງຊັບ, ລັກຊັບ, ຢາເສບຕິດ, ນັກເລງອັນຕະພານກຸ່ມແກ້ງກວນເມືອງ ແລະ ອື່ນໆທີ່ນັບມື້ມີຫຼາຍເລ່ລ່ຽມ, ຫຼາຍວິທີການ, ພ້ອມທັງມີການນຳໃຊ້ອາວຸດ, ພາຫະນະ ແລະ ອຸປະກອນເຕັກນິກທັນສະໄໝເຂົ້າໃນການເຄື່ອນໄຫວກະທຳຜິດ.

ພັທ ຄຳເກິ່ງ ຈັນສຸລິມາດ ຫົວໜ້າກອງບັນຊາການປກສເມືອງໄຊເຊດຖາ ໄດ້ໃຫ້ຮູ້ວ່າ ຜ່ານມາກຳລັງ ປກສ ເມືອງໄຊເຊດຖາໄດ້ສຸມໃສ່ເຮັດໜ້າທີ່ຕ້ານ, ສະກັດກັ້ນແລະແກ້ໄຂ ສະພາບການເຄື່ອນໄຫວຂອງພວກຄົນບໍ່ດີ ແລະ ປະກົດການຫຍໍ້ທໍ້ຕ່າງໆຢ່າງທັນການ ເພື່ອສ້າງເງື່ອນໄຂເອື້ອອຳນວຍທາງດ້ານຄວາມສະຫງົບປອດໄພໃຫ້ແກ່ການສ້າງສາພັດທະນາເສດຖະກິດ-ສັງຄົມຂອງເມືອງ ໂດຍສະເພາະໃນໄລຍະຕົ້ນປີ 2018 ນີ້ ແມ່ນໄດ້ສຸມໃສ່ຫັນເອົາກຳລັງລົງກໍ່ສ້າງຮາກຖານການເມືອງ ຢູ່ບັນດາກຸ່ມບ້ານ ແລະ ບ້ານໃນທົ່ວເມືອງໄຊເຊດຖາ ເພື່ອຈັດຕັ້ງປະຕິບັດແຜນການຫັນລົງກໍ່ສ້າງຮາກຖານການເມືອງ ຕິດພັນກັບການຈັດສັນຄວາມບໍ່ເປັນລະບຽບຮຽບຮ້ອຍໃນນະຄອນຫຼວງວຽງຈັນຂອງກະຊວງ ປກສ ແລະ ຈັດຕັ້ງປະຕິບັດມະຕິຂອງຄະນະບໍລິຫານງານພັກນະຄອນຫຼວງວຽງຈັນກ່ຽວກັບວຽກງານ 3 ຫຼຸດ 3 ເພີ່ມຂະບວນການ ແນ່ໃສ່ເພື່ອຮອງຮັບໃຫ້ແກ່ການຕ້ອນຮັບແຂກ ແລະ ນັກທ່ອງທ່ຽວໃນປີທ່ອງທ່ຽວລາວ 2018.

 

Off

Comments are closed.