25th Jun2018

ປກສ ແຂວງຈຳປະສັກ ເຊື່ອມຊືມມະຕິກອງ ປະຊຸມຄົບຄະນະບໍລິຫານງານສູນກາງພັກ ຄັ້ງທີ 6 ສະໄໝທີ 10 ແລະ ເຜີຍແຜ່ ສະພາບຊາຍແດນ ລາວ-ກຳປູເຈຍ.

by somchan

ວັນທີ 15 ມິຖຸນາ 2018 ນີ້ ກອງບັນຊາການ ປກສ ແຂວງຈຳປະສັກ ໄດ້ເຊື່ອມຊືມມະຕິກອງປະຊຸມຄົບ ຄະນະບໍລິຫານງານສູນກາງພັກ ຄັ້ງທີ 6 ສະໄໝທີ 10 ແລະ ເຜີຍແຜ່ເອກະສານກ່ຽວກັບສະພາບການ ຊາຍແດນ ລາວ-ກຳປູເຈຍ ຢູ່ທີ່ສະໂມສອນ ຂອງກອງບັນຊາການ. ໂດຍໃຫ້ກຽດແຜ່ເຜີຍ ເອກະສານຂອງ ພົນຈັດຕະວາ ສີພັນ ວົງເຮືອງຄຳ ຄະນະປະຈຳພັກແຂວງ ຫົວໜ້າກອງບັນຊາການ ປກສ ແຂວງ ຈຳປາສັກ, ມີຄະນະພັກກອງບັນຊາການ, ຄະນະຫ້ອງ, ພະແນກ, ພະນັກງານ-ນັກຮົບ ຈາກບັນດາຫ້ອງອ້ອມຂ້າງກອງບັນຊາການເຂົ້າຮ່ວມ.

ທ່ານຫົວໜ້າກອງບັນຊາການ ປກສ ແຂວງ ໄດ້ຍົກໃຫ້ເຫັນການຈັດຕັ້ງປະຕິບັດກອງປະຊຸມຄົບຄະນະບໍລິຫານງານສູນກາງພັກ ຜ່ານມາເຫັນວ່າປະເທດຊາດ ຍັງຮັກສາໄດ້ສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍທາງດ້ານສັງຄົມ, ການພັດທະນາເສດຖະກິດ-ສັງຄົມ ກໍມີການຂະຫຍາຍຕົວຢ່າງຕໍ່ເນື່ອງ.

ພ້ອມນັ້ນ, ທ່ານຍັງໄດ້ຍົກໃຫ້ເຫັນປະຫວັດຄວາມເປັນມາ ຂອງສາຍພົວພັນລະຫວ່າງສອງຊາດ ລາວ-ກຳປູເຈຍ ນັບແຕ່ໄລຍະຕໍ່ສູ້ກູ້ຊາດ ຈົນມາຮອດປະຈຸບັນ ຍົກໃຫ້ເຫັນສະພາບການ ແລະ ບັນຫາຕ່າງໆທີ່ເກີດຂຶ້ນຢູ່ຕາມຊາຍແດນ ແລະ ຍຸດທະສາດຕ່າງໆໄດ້ຢ່າງເລິກເຊິ່ງ.

Off

Comments are closed.