26th Sep2018

ປກສ ແຂວງສະຫວັນນະເຂດ ຍຶດຂອງກາງຢາບ້າ 200,000 ເມັດ

by somchan

ໃນວັນທີ 17 ກັນຍາ 2018 ນີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງສະຫວັນນະເຂດ ໄດ້ສົມທົບກັບເຈົ້າໜ້າທີ່ວິຊາສະເພາະ ແຂວງກວາງຈິ ແຫ່ງສາທາລະນະລັດສັງຄົມນິຍົມ ຫວຽດນາມ ປະຕິບັດແຜນການສະກັດກັ້ນ ແກ້ໄຂການເຄື່ອນໄຫວຊື້-ຂາຍຢາເສບຕິດ ປະເພດ ( ຢາບ້າ ) ຢູ່ເສັ້ນທາງເລກ 9 ຂອບເຂດ ເມືອງເຊໂປນ ແຂວງສະຫວັນນະເຂດ ສາມາດຈັບຕົວເປົ້າ ໝາຍກະທຳຜິດໄດ້ 2 ຄົນ ຄື ທ້າວ ທົງໄຊ ອາຍຸ 34 ປີ ຢູ່ບ້ານໂນນສົມບູນ ແລະ ທ້າວ ລຳພອນ ອາຍຸ 42 ປີ ຢູ່ບ້ານນາໜອງຜື ພວກກ່ຽວທັງສອງຢູ່ເມືອງ ສອງຄອນ ແຂວງສະຫວັນນະເຂດ ພ້ອມຢາບ້າ 33 ແພັກ ກັບ 01 ມັດ ລວມ 200,000 ເມັດ ແລະ ລົດໃຫ່ຍ 01 ຄັນ.

ຜ່ານການສືບສວນ-ສອບສວນເບື້ອງຕົ້ນ ພວກກ່ຽວໃຫ້ການວ່າ ຢາບ້າຈຳນວນດັ່ງກ່າວເປັນຂອງພວກກ່ຽວແທ້ ແລະ ໄດ້ຮັບມາຈາກຜູ້ຮ່ວມຂະບວນການ ປະຈຸບັນຄະດີດັ່ງກ່າວ ຍັງຢູ່ໃນຂັ້ນຕອນສືບສວນ-ສອບສວນ ຂະຫຍາຍຜົນຫາຜູ້ຮ່ວມຂະບວນການມາລົງໂທດຕາມກົດໝາຍ.

Off

Comments are closed.