20th Nov2018

ປກສ ແຂວງສະຫວັນນະເຂດ ມ້າງຄະດີຄ້າ ຂາຍຢາເສບຕິດ ພ້ອມຢືດຂອງກາງຢ້າບ້າ 30 ມັດ

by somchan

ເມື່ອບໍ່ດົນມານີ້ ເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດ ສາມາດມ້າງຄະດີ ລັກລອບຂາຍ ຢາເສບຕິດໄດ້ 1 ລາຍ ສາມາດກັກຜູ້ຕ້ອງຫາ ໄດ້ 1 ຄົນ ພ້ອມຂອງກາງ ຢາເສບຕິດ 30 ມັດ ເທົ່າກັບ 60,000 ເມັດ ຜູ້ກະທຳຜິດຊື່ທ້າວ ຫຼຽນ ລາດສະວົງ ອາຍຸ 30ປີ ຢູ່ບ້ານຫາດຊາຍຄຳ ເມືອງປາກກະດີງ ແຂວງບໍລິຄຳໄຊ.

 

ຕໍ່ກັບລາຍຄະດີດັ່ງກ່າວ ເຈົ້າໜ້າທີ່ໄດ້ລາຍງານໃຫ້ຮູ້ວ່າ:ໃນວັນທີ່ 8 ພະຈິກ 2018 ນີ້ ເຈົ້າໜ້າທີ່ພະແນກສະກັດກັ້ດ ແລະ ຕ້ານຢາເສບຕິດ ປກສ ແຂວງ ສະຫວັນນະເຂດ ໄດ້ຮັບແຈ້ງຈາກພົນລະເມືອງດີວ່າ:ມີກຸ່ມຄົນບໍ່ດີ ຈຳນວນໜຶ່ງ ກຳລັງເຄືອນໄຫວ ຄ້າຂາຍຢາເສບຕິດ ຢູ່ຂອບເຂດສາຍທາງ ເລກ 13 ໃຕ້ ລະຫວ່າງທ່າແຂກເຊໂນ ຂອບເຂດບ້ານເຄືອເຂົາກາດ ເມືອງໄຊບູລີ ແຂວງສະຫວັນນະເຂດ ເມື່ອໄດ້ຮັບຂ່າວດັ່ງກ່າວແລ້ວ ທາງເຈົ້າໜ້າ ທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ຈື່ງໄດ້ຈັດກຳລັງວິຊາສະເພາະລົງພິສູດແຫຼ່ງຂ່າວ, ເມືອເຫັນວ່າມີມູນຄວາມຈິງ, ຈືງສົມທົບກັບພາກສ່ວນທີ່ກ່ຽວຂ້ອງ ເພື່ອມ້າງລາຍຄະດີດັ່ງກ່າວ ມາຮອດ ເວລາປະມານ 9:30 ຂອງວັນທີ່ 9 ພະຈິກ 2018 ຈື່ງສາມາດກັກຕົວເປົ້າໝາຍໄດ້ 1 ຄົນ, ຊື່ ທ້າວ ຫຼຽນ ລາດສະວົງ ອາຍຸ 30 ປີ ຢູ່ບ້ານຫາດຊາຍຄຳ ເມືອງປາກກະດີງ ແຂວງ ບໍລິຄຳໄຊ ພ້ອມຂອງກາງຢາເສບຕິດ 30 ມັດ ເທົ່າກັບ 60,000 ເມັດ, ໂທລະສັບ 1 ໜ່ວຍ, ຜ່ານການສືບສວນ-ສອບສວນຂອງເຈົ້າໜ້າທີ່ ຜູ້ກ່ຽວຮັບສາລະພາບວ່າ: ຢາບ້າຈຳນວນດັ່ງກ່າວເປັນຂອງຜູ້ກ່ຽວແທ້ ແມ່ນໄດ້ຮັບມາຈາກເພື່ອນຮ່ວມຂະບວນການດຽວກັນ ຢູ່ຂອບເຂດບ້ານຫາດຊາຍຄຳ ເມືອງ ປາກກະດີງ ແຂວງບໍລິຄຳໄຊ ປະຈຸບັນຄະດີດັ່ງກ່າວ ພວມຢູ່ໃນຂັ້ນຕອນການສອບສວນຂອງເຈົ້າໜ້າທີ່ ເພື່ອຂະຫຍາຍຜົນທີ່ໄປ-ທີ່ມາ ແລະ ຕິດຕາມຈັບຕົວຜູ້ຮ່ວມຂະບວນການ ມາດຳເນີນຄະດີຕາມກົດໝາຍ.

Off

Comments are closed.