13th Feb2019

ປກສ ເມືອງສີສັດຕະນາກ ກັກຕົວພວກຄ້າຂາຍ ຢາເສບຕິດໄດ້ 3 ຄົນ

by somchan

ໃນວັນທີ 25 ມັງກອນ 2019 ນີ້ ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງສີສັດຕະນາກ ໄດ້ລົງແກ້ໄຂເປົ້າໝາຍ ເສບ ແລະ ຄ້າຂາຍຢາເສບຕິດຢູ່ບ້ານພັກແຫ່ງໜຶ່ງ ເຂດບ້ານຄຳຮຸ່ງ ເມືອງໄຊທານີ ສາມາດກັກຕົວຜູ້ຕ້ອງຫາໄດ້ 3 ຄົນ ພ້ອມຂອງກາງມີ ຢາໄອສ໌ 29 ຖົງໃຫ່ຍ ເທົ່າກັບ 29 ກິໂລ, ເຮໂລອິນ 3 ແທ່ງ 1 ກວ່າກິໂລ, ຄັນຊາ 1 ຖົງ ໜັກ 545,5 g , ແປ້ງຜົງສີຂາວ 1 ຖົງ ໜັກ 362,5 g, ຢາບ້າ 7,545 ເມັດ ແລະ ປືນສັ້ນ 1 ກະບອກ ພ້ອມລູກປືນຈຳນວນ 7 ລູກ, ຜູ້ຕ້ອງຫາທັງ 3 ຄົນມີ: ນາງ ສາຍຝົນ ອາຍຸ 33 ປີ ປະຊາຊົນ ພັກເຊົາຢູ່ ບ້ານຄຳຮຸ່ງ ເມືອງໄຊທານີ, ນາງ ຕຸລາຄຳ ອາຍຸ 36 ປີ ປະຊາຊົນ ພັກເຊົາຢູ່ບ້ານ ວຽງຈະເລີນ ເມືອງໄຊເສດຖາ ແລະ ນາງ ພວງແກ້ວ ອາຍຸ 34 ປີ ປະຊາຊົນ ພັກເຊົາຢູ່ ບ້ານໂພນພະເນົາ ເມືອງໄຊເສດຖາ.

ຜ່ານການສືບສວນ-ສອບສວນ ຂອງເຈົ້າໜ້າທີ່ ພວກກ່ຽວໄດ້ຮັບສາລະພາບວ່າ ຂອງກາງຢາເສບຕິດ

ທີ່ເຈົ້າໜ້າທີ່ຢຶດໄດ້ນັ້ນແມ່ນເປັນຂອງພວກກ່ຽວແທ້ ເຊິ່ງໄດ້ຮ່ວມກັນເຄື່ອນໄຫວໃນການຄ້າຂາຍ ແລະ ຂົນສົ່ງຢາເສບຕິດ ເພື່ອເອົາມາຂາຍ ໃຫ້ພວກມົວສຸມຢາເສບຕິດໃນຂອບເຂດບ້ານຂອງຕົນ.

ປະຈຸບັນເຈົ້າໜ້າທີ່ພວມດຳເນີນຄະດີຕາມລະບຽບກົດໝາຍ.

Off

Comments are closed.