08th Jan2020

ປກສ ແຂວງ ອັດຕະປື ສືກສາອົບຮົມປະຊາຊົນ ລັກລອບຂຸດຄົ້ນແຮ່ທາດ,ຫີນອ່ອນ

by somchan

ໃນວັນທີ 6 ມັງກອນ 2020 ພະແນກຕຳຫຼວດສິ່ງແວດລ້ອມ ແຂວງອັດຕະປື ໄດ້ສືກສາອົບຮົມປະຊາຊົນ ທີ່ລັກລອບຂຸດຄົ້ນແຮ່ທາດ ຫີນອ່ອນ ໂດຍບໍ່ຖືກຕ້ອງຕາມກົດໝາຍ ຈຳນວນ 5 ຄົນ ຄື: ທ້າວ ສວຍ ອາຍຸ 50 ປີ, ທ້າວ ອິງ ອາຍຸ 43 ປີ, ທ້າວ ໃໝ່ ອາຍຸ 35 ປີ ແລະ ທ້າວ ທັນເຫຼັກ ອາຍຸ 40 ປີ,ທັງໝົດນີ້ ແມ່ນປະຊາຊົນຢູ່ບ້ານ ສົມໂຄດ ເມືອງ ໄຊເສດຖາ ແຂວງ ອັດຕະປື.

ຮອ ເຂັມເພັດ ແກັວຫານາມ ຫົວໜ້າກອງສືບສວນ-ສອບສວນ ພະແນກຕຳຫຼວດສິ່ງແວດລ້ອມ ແຂວງອັດຕະປືໃຫ້ຮູ້ວ່າ: ໃນວັນທີ 4 ມັງກອນ 2020 ພວກກ່ຽວທັງໝົດ 5 ຄົນ ໄດ້ນຳກັນນຳເອົາອຸປະກອນ ໄປລັກຂຸດຄົ້ນບໍ່ແຮ່ ຫີນອ່ອນ ຢູ່ເຂດບໍ່ຫີນຫາດ 2 ເຊີ່ງຢູ່ໃນຂົງເຂດການສຳປະທານຂອງບໍລິສັດ ພັດທະນາຫີນປະເສີດ ລາວ-ຈີນ ດັ່ງນັ້ນເຈົ້າໜ້າທີຈື່ງໄດ້ນຳຕົວມາດຳເນີນການສືກສາອົບຮົມ ເພື່ອໃຫ້ພວກກ່ຽວຮັບຮູ້ເຂົ້າໃຈ ຕໍ່ລະບຽບກົດໝາຍ ແລະ ບໍ່ໃຫ້ມີການລະເມີດອີກ.

Off

Comments are closed.