28th Nov2018

ປກສ ແຂວງອຸດົມໄຊ ກັກຕົວເປົ້າໝາຍ ຄ້າ-ຂາຍ ຢາເສບຕິດ ພ້ອມຂອງກາງ ຢາບ້າ 210,000 ກວ່າເມັດ

by somchan

ໃນວັນທີ 18 ພະຈິກ 2018 ນີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ສາມາດກັກຕົວເປົ້າໝາຍຄ້າ-ຂາຍຢາເສບຕິດ ໄດ້ 2 ຄົນ ພ້ອມຢຶດຢາເສບຕິດ ປະເພດຢາບ້າ 210,000 ກວ່າເມັດ ໃນຄະນະທີ່ພວກກ່ຽວກຳລັງນັດຊື້-ຂາຍຢາເສບຕິດຢູ່ຄີວລົດໂດຍສານ ເຂດບ້ານນາເລົາ ເມືອງໄຊ ແຂວງອຸດົມໄຊ ຜູ້ຕ້ອງຫາຄື: ທ້າວ ປາໄຊວ້າ ຫຼື ໝູ ອາຍຸ 28 ປີ ຢູ່ບ້ານນ້ຳຖ້ວມ ເມືອງນ້ຳບາກ ແຂວງຫຼວງພະບາງ ແລະ ທ້າວ ເພັງຢາ ອາຍຸ 24 ປີ ບ້ານວັງໄຮ ເມືອງໄຊ ແຂວງອຸດົມໄຊ.

ຜ່ານການສືບສວນ-ສອບສວນຂອງເຈົ້າໜ້າທີ່ທັງສອງຮັບສາລະພາບວ່າ ຢາບ້າຈຳນວນດັ່ງກ່າວແມ່ນຂອງຕົນເອງແທ້ ເຊິ່ງໄດ້ຕິດຕໍ່ຊື້ນຳພວກຮ່ວມຂະບວນການນຳກັນ ເພື່ອຈະນຳໄປຂາຍຕໍ່ ເຊິ່ງໄດ້ນັດສົ່ງໃຫ້ຄູ່ຮ່ວມຂະບານການຢູ່ຄິວລົດ ເຂດບ້ານນາເລົາ ເມືອງໄຊ ແຂວງອຸດົມໄຊ ແຕ່ບໍ່ທັນໄດ້ສົ່ງ ຖືກເຈົ້າໜ້າທີ່ຕຳຫຼວດກັກຕົວໄດ້ກ່ອນ.

ປະຈຸບັນເຈົ້າໜ້າທີ່ຕຳຫຼວດພວມດຳເນີນຄະດີຕໍ່ພວກກ່ຽວຕາມລະບຽບກົດໝາຍ.

Off

Comments are closed.