12th Feb2020

ປກສ ແຂວງ ໄຊຍະບູລີ ກັກຕົວຜູ້ຖືກຫາ 2 ຄົນ ພ້ອມຂອງກາງ ຢາໄອສ໌ 2,000 g

by somchan

ວັນທີ 01 ກຸມພາ 2020 ເຈົ້າໜ້າທີ່ ພະແນກຕຳຫຼວດ ສະກັດກັ້ນ ແລະ ຕ້ານຢາເສບຕິດ ຫ້ອງຕຳຫຼວດ ປກສ ແຂວງໄຊຍະບູລີ ໄດ້ໃຫ້ຮູ້ວ່າ: ໄດ້ຮັບແຫຼ່ງຂ່າວ ຈາກພົນລະເມືອງດີ ວ່າມີກຸ່ມຄົນບໍ່ດີ ໄດ້ນຳເອົາຢາເສບຕິດ ປະເພດຢາໄອສ໌ ເຄື່ອນໄຫວ ຄ້າ – ຂາຍ ຢູ່ເທດສະບານແຂວງ ໄຊຍະບູລີ

ຈຶ່ງໄດ້ນຳໜ່ວຍງານວິຊາສະເພາະ ອອກຕິດຕາມເປົ້າໝາຍ ຈົນສາມາດກັກຕົວຜູ້ຖືກຫາໄດ້ 02 ຄົນຄື: ທ້າວ ຄໍາໝັ້ນ ອາຍຸ 33 ປີ, ຢູ່ບ້ານ ທ່ານາ ແລະ ທ້າວ ສີສົມພອນ ອາຍຸ 25 ປີ ຢູ່ບ້ານ ໂນນສະຫວັນ ທັງສອງຢູ່ເມືອງໄຊຍະບູລີ ແຂວງໄຊຍະບູລີ ພ້ອມທັງຍຶດຂອງກາງ ຢາໄອສ໌ ຈໍານວນ 02 ຖົງ ນໍ້າໜັກ 2.000 g, ລົດຈັກ 01 ຄັນ ຍີ່ຫໍ້ຮອນດາເວບ, ສີດໍາແດງ, ໝາຍເລກທະບຽບ ຈຍ 8969 ໄຊຍະບູລີ, ລົດເກັງ 01 ຄັນ ຍີ່ຫໍ້ຮຸນໄດ ສີປອນເງິນ ໝາຍເລກທະບຽນ ກສ 8978 ກໍາແພງນະຄອນ ໂທລະສັບມືຖື 04 ເຄື່ອງ.

ປັດຈຸບັນ, ຄະດີດັ່ງກ່າວ ແມ່ນພວມຢູ່ໃນຂັ້ນຕອນ ດຳເນີນການສືບສວນ – ສອບສວນ ຂອງເຈົ້າໜ້າທີ່ ເພື່ອຂະຫຍາຍຜົນຫາກຸ່ມແກ້ງທີ່ຮ່ວມຂະບວນການດຽວກັນ ມາດຳເນີນຄະດີ ຕາມລະບຽບກົດໝາຍ.

Comments are closed.