05th Aug2019

ປະກາດເລື່ອນຊັ້ນຂັ້ນນາຍພົນ ກະຊວງປ້ອງກັນຄວາມສະຫົງບ

by somchan

ກະຊວງປ້ອງກັນຄວາມສະຫງົບ ໄດ້ປະກາດການເລື່ອນຊັ້ນຂັ້ນນາຍພົນ ໃຫ້ນາຍຕຳຫຼວດຂັ້ນສູງ ໃນວັນທີ 5 ສີງຫາ ໂດຍການເປັນກຽດເຂົ້າຮ່ວມຂອງ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫົງບ, ມີຄະນະພັກ-ຄະນະນຳ, ພະນັກງານຫຼັກແຫຼ່ງກົມກອງອ້ອມຂ້າງ ກະຊວງປ້ອງກັນຄວາມສະຫງົບເຂົ້າຮ່ວມ.

ພົນຕີ ວັນທອງ ກອງມະນີ ຫົວໜ້າກົມໃຫຍ່ການເມືອງປ້ອງກັນຄວາມສະຫົງບ ໄດ້ຜ່ານລັດຖະດຳລັດຂອງປະທານປະເທດ ວ່າດ້ວຍການເລື່ອນຊັ້ນນາຍຕຳຫຼວດ ຊັ້ນພົຈວ ຂຶ້ນ ພົຕ ໃນນີ້ ໄດ້ເລື່ອນ ພົຈວ ທອງເຫຼັກ ມັງໜໍ່ເມກ ຫົວໜ້າກົມໃຫຍ່ຕຳຫຼວດ ກະຊວງປ້ອງກັນຄວາມສະຫົງບ ຂຶ້ນເປັນຊັ້ນ ພົຕ, ໃຫ້ກຽດປະດັບຊັ້ນໂດຍ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫົງບ, ໂອກາດດຽວກັນນີ້ ທ່ານຍັງໄດ້ສະແດງຄວາມ ຍ້ອງຍໍຊົມເຊີຍ ຕໍ່ຜູ້ທີ່ໄດ້ຮັບການເລື່ອນຊັ້ນຄັ້ງນີ້ເຊີ່ງສະແດງເຖິງ ຄວາມໄວ້ເນື້ອເຊື່ອໃຈຂອງພັກ-ລັດຕໍ່ກຳລັງປ້ອງກັນຄວາມສະຫົງບ, ເວົ້າສະເພາະຕໍ່ຜູ້ທີ່ໄດ້ຮັບ ການເລື່ອນຊັ້ນມັນແມ່ນໝາກຜົນຂອງ ການປະຕິບັດໜ້າທີ່ວຽກງານ ທ່ານຍັງໄດ້ເນັ້ນໜັກຜູ້ທີ່ໄດ້ຮັບການ ເລື່ອນຊັ້ນຈົ່ງເອົາໃຈໃສ່ປະ ຕິບັດໜ້າທີ່ວຽກງານໂດຍສະເພາະແມ່ນການຊີ້ນຳໆພາພະນັກງານັກຮົບ ໃຫ້ສຸມໃສ່ແກ້ໄຂບັນຫາຄວາມບໍ່ສະຫົງບຄວາມບໍ່ເປັນ ລະບຽບຮຽບ ຮ້ອຍໃນສັງຄົມ, ບັນຫາສຽງຈົ່ມວ່າຂອງສັງຄົມຕໍ່ກຳລັງປ້ອງກັນຄວາມສະຫົງບ, ເອົາໃຈໃສ່ດ້ານວິຊາສະເພາະການແກ້ໄຂຄະດີຕ່າງໆໃຫ້ມີຄວາມໂປ່ງໃສ ຖືກຕ້ອງຕາມກົດໝາຍແລະບັນຫາອື່ນໆ.

Off

Comments are closed.