20th Mar2019

ປະຊາຊົນຖືກຜົນກະທົບຈາກຟາມໄກ່ ເຂດດົງໂດກລໍຖ້າບໍ່ໄຫວພາກັນຈັດສັນ ທີດີນເອງຢູ່ບ້ານນາໂນ

by somchan

 

ມີປະຊາຊົນຖືກຜົນກະທົບຈາກຟາມໄກ່ ເຂດດົງໂດກ ເມືອງໄຊທານີ ນະຄອນຫຼວງວຽງຈັນ 10 ກ່ວາຂອບຄົວ ລໍຖ້າພັກລັດຈັດສັນທີ່ດີນທົດແທນໃຫ້ບໍ່ໄຫວ ຈືງລົງປະຕິບັດຈັດສັນທີ່ດີນເອງ ຢູ່ເຂດບ້ານນາໂນ ເມືອງໄຊເຊດຖາ ນັບແຕ່ວັນທີ 1 ມີນາ ເປັນຕົ້ນມາແຕ່ໄປບຸກເບີກດີນທີຖືກເຈົ້າຂອງ ທີ່ດີນທີມີໃບຕາດີນຂອບທອງ ຈືງມີການຕໍ່ວ່າຢ່າງຮຸ່ນແຮງຍີ່ງກວ່ານັ້ນ ມີການເອົາປືນອອກມາຍີງຂູ່ກັນ ຈົນກາຍເປັນບັນຫາທີ່ສັງຄົມມີຄວາມສົນໃຈ ເກີດສຽງວິພາກວິຈານຕ່າງໆໃນສັງຄົມອອນໄລ ເຊີ່ງຕໍ່ກັບລສຍລະອຽດແລະຄວາມຈີງຂອງເຫດການດັ່ງກ່າວນີ້

ທ່ານດວງຕາ ຈັນທະລັດ ນາຍບ້ານ ບ້ານນາໂນ ເມືອງໄຊເຊດຖາ ໃຫ້ສຳພາດຕໍ່ນັກຂ່າງປ້ອງກັນຄວາມສະຫງົບ ໃນວັນທີ 19 ມີນາ 2019 ວ່າ: ມີປະຊາຊົນຈຳນວນໜືງມີຜົນກະທົບຈາກການຈັດສັນຈາກຟາມໄກ່ ເຂດດົງໂດກເມືອງໄຊທານີ ທີ່ຖືກຍົກຍ້າຍແຕ່ປີ 2012 ເຊີ່ງມີຫຼາຍຄອບຄົວບໍ່ມີທີ່ຢູ່ອາໄສ ລໍຖ້າພາກສ່ວນທີ່ກ່ຽວຂ້ອງຈັດສັນໃຫ້ ແຕ່ລໍຖ້າແລ້ວ ເປັນເວລາ 9 ປີ ແຕ່ກໍ່ບໍ່ມີພາກສ່ວນໃດ ຮັບຜິດຊອບຕໍ່ຜູ້ທີ່ໄດ້ຮັບຜົນກະທົບ ຮອດວັນທີ 1 ມີນາ 2019 ປະຊາຊົນຜູ້ທີໄດ້ຮັບຜົນກະທົບດັ່ງກ່າວຈືງໄດ້ພາກັນເຂົ້າໄປບຸກເບີກ ທີ່ດີນເອງດ້ວຍການເກັບເງີນແລ້ວຈ້າງລົດໄຖເຂົ້າບຸກເບີກ ເຊີ່ງມີເນື້ອທີດີນຖືກບຸກເບີກປະມານ 17 ເຮັກຕາ ໃນເນື້ອທີ່ດີນຈຳນວນດັ່ງກ່າວ ເປັນເນື້ອທີດີນຂອງທະຫານກອງ 988 ກະຊວງປ້ອງກັນປະເທດ 5 ເຮັກຕາ ,ດີນຈັດສັນ 7 ເຮັກຕາ ແລະ ດີນທີ່ມີໃບຕາດີນຂອບທອງຖືກຕ້ອງຕາມກົດໝາຍມີ 18 ຕອນຈຳນວນ 5 ເຮັກຕາ ເຊີ່ງໄດ້ເຮັດໃຫ້ເຈົ້າຂອງທີດີນ ທີ່ມີໃບຕາດີນຢ່າງຖືກຕ້ອງນັ້ນເກີດຄວາມບໍ່ພໍໃຈ ຈົນມີປາກສຽງຖຽງກັນເຖີງຂັ້ນບາງຄົນເອົາປືນອອກມາຍີງຂູ່ກັນ ເຮັດໃຫ້ມີສຽງວິພາກວິຈານໃນສັງຄົມ.

ທ່ານພຸດທະສອນ ໂຄດປັນຍາ ຮອງເຈົ້າເມືອງໄຊເຊດຖາໄດ້ກ່າວວ່າ: ຕໍ່ກັບເຫດການທີ່ເກີດຂື້ນນັ້ນທາງພັກ-ລັດກໍ່ຄືການນຳນະຄອນຫຼວງວຽງຈັນ, ການນຳເມືອງໄຊເຊດຖາ ກໍ່ບໍ່ໄດ້ເມີນເສີຍ ແລະ ໄດ້ຈັດຕັ້ງໜ່ວຍງານສະເພາະກິດລົງແກ້ໄຂ ໂດຍປະສານສົມທົບກັບອຳນາດການປົກຄອງບ້ານນາໂນ ໃນການອອກແຈ້ງການເພື່ອຢຸດຕິການບຸກເບີກເນື້ອທີ່ດີນຕອນດັ່ງກ່າວ ພ້ອມທັງແຕ່ງຕັ້ງພະນັກງານລົງປະຈຳຢູ່ບ້ານ ເພື່ອເກັບກຳຂໍ້ມູນ ແລະ ຮິບຮ້ອນແກ້ໄຂບັນຫາດັ່ງກ່າວໂດຍໄວແລະເປັນທຳ.

Off

Comments are closed.