08th Feb2019

ປາຖະກະຖາວັນເກີດປະທານ ກິມ ເຈິງ ອິນ ຜູ້ນຳຂອງ ສປປ ເກົາຫຼີ

by somchan

 

ສະຖານເອກອັກຄະລັດຖະທູດແຫ່ງ ສາທາລະນະລັດປະຊາຊົນ ເກົາຫຼີ ຮ່ວມກັບສະມາຄົມມິດຕະພາບ ລາວ-ສປປ ເກົາຫຼີ ຈັດພິທີປາຖະກາຖາວັນເກີດຂອງປະທານ ກິມ ເຈິງ ອິນ ຄົບຮອບ 77 ປີ (16 ກຸມພາ 1942-16 ກຸມພາ 2019 ) ໃນວັນທີ່ 6 ກຸມພານີ້ ທີ່ວິທະຍາຄານສັນຕິບານ ປະຊາຊົນ ໃຫ້ກຽດເຂົ້າຮ່ວມໂດຍ ພົຈວ ປອ ວັນເຮືອງ ນັນທະຈັກ ອຳນວຍການວິທະຍາຄານສັນຕິບານປະຊາຊົນ, ມີບັນດາທ່ານຕາງໜ້າຈາກຄະນະພົວພັນຕ່າງປະເທດສູນກາງພັກ, ສະມາຄົມມິດຕະພາບລາວ-ສປປ ເກົາຫຼີ  ແລະ ນັກສືກສາເຂົ້າຮ່ວມ.

ໃຫ້ກຽດປາຖະກາຖາໂດຍ ທ່ານ ລີ ຢົງ ຊົນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ເກົາຫຼີ ປະຈຳ ສປປ ລາວ ການປະຖະກາຖາໃນຄັ້ງນີ້ ແມ່ນເປັນການເຜີຍແຜ່ນຳພາຂອງ ທ່ານ ກິມ ເຈິງ ອິນ ຜູ້ນຳທີ່ຍີ່ງໃຫ່ຍຂອງປະຊາຊົນ ສປປ ເກົາຫຼີ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະຜ່ານມາ ໃຫ້ພະນັກງານນັກຮົບ, ຄູອາຈານ ແລະ ນັກສືກສາຂອງວິທະຍາຄານສັນຕິບານປະຊາຊົນ ໄດ້ຮັບຮູ້ສະພາບການພັດທະນາຂອງ ສປປ ເກົາຫຼີ ພາຍໃຕ້ການນຳພາຂອງພັກແຮງງານ ເກົາຫຼີ ບົນເສັ້ນທາງສູ່ຈຸດໝາຍສັງຄົມນິຍົມ ພ້ອມທັງຍົກໃຫ້ເຫັນສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງຊາດ ແລະ ສປປ ເກົາຫຼີ.

ປະທານ ກິມ ເຈິງ ອິນ ເປັນຜູ້ນຳທີຍີງໃຫ່ຍຂອງປະຊາຊົນ ສປປ ເກົາຫຼີ, ທ່ານເກີດຢູ່ພູແປກຕູ ໃນວັນທີ່ 16 ກຸມພາ 1942, ເຊີ່ງເປັນໄລຍະສົງຄາມຕໍ່ຕ້ານຈັກກະພັດຍີ່ປຸ່ນ ທ່ານຍັງເປັນນັກທິດສະດີແນວຄິດທີດີເດັ່ນ ແລະ ລັດທະບູລຸດຂອງການເມືອງທີ່ດີເລີດ ໄດ້ນຳພາກໍ່ສ້າງສັງຄົມນິຍົມ ແລະ ການປະຕິວັດຂອງ ສປປ ເກົາຫຼີ ກ່າວສູ່ເສັ້ນທາງແຫ່ງໄຊຊະນະ ມີຄວາມເປັນເອກະລາດ ແລະ ຄວາມສາມັກຄີອັນຍີ່ງໃຫ່ຍແຫ່ງຊາດອີກດ້ວຍ.

Comments are closed.