27th Aug2018

ພິທິມອບ-ຮັບອຸປະກອນ ຂອງໂຮງພິມ ປ້ອງກັນຄວາມສະຫງົບ

by somchan

ພິທິມອບ-ຮັບອຸປະກອນ ຂອງໂຮງພິມປ້ອງກັນ ຄວາມສະຫງົບ ເຂົ້າຮ່ວມດຳເນີນທຸລະກິດ ກັບໂຮງພິມໂຊກໄຊຈຳກັດ ໄດ້ຈັດໃນວັນທີ 24 ສິງຫາ 2018 ນີ້ ທີ່ຫ້ອງປະຊຸມໂຮງພິມປ້ອງກັນ ຄວາມສະຫງົບ ໂດຍການເຂົ້າຮ່ວມ ເປັນກຽດຂອງ ພົຈວ ອຸ່ນຫຼ້າ ວົງພະຈັນ ຮອງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ມີຕາງໜ້າຄະນະພັກ, ຄະນະກົມວິຊາສະເພາະທີ່ກ່ຽວຂ້ອງ ແລະ ພະນັກງານນັກຮົບ, ພະນັກງານວິຊາການ ທັງສອງຝ່າຍ ເຂົ້າຮ່ວມ.

ພັທ ຄອນສະຫວັນ ປະເສີດກຸນ ຫົວໜ້າພະແນກໂຮງພິມ ກົມໂຄສະນາອົບຮົມ ກົມໃຫ່ຍການເມືອງ ປ້ອງກັນຄວາມສະຫງົບ ໄດ້ມີຄຳເຫັນວ່າ: ໂຄງການປັບປຸງໂຮງພິມ ປ້ອງກັນຄວາມສະຫງົບ ໃຫ້ທັນສະໄໜ ແມ່ນໜຶ່ງໃນ 4 ແຜນງານ 41 ໂຄງການ ຂອງກະຊວງປ້ອງກັນຄວາມສະຫງົບ ພາຍຫຼັງເຊັນສັນຍາຮຸ້ນສ່ວນ ວ່າດ້ວຍການຮ່ວມດຳເນີນທຸລະກິດ ໂຄງການປັບປຸງໂຮງພິມ ປ້ອງກັນຄວາມສະຫງົບ ໃຫ້ທັນສະໄໜ ລະຫວ່າງ ກົມໃຫ່ຍພະລາ ທິການ ກະຊວງປ້ອງກັນຄວາມສະຫງົບ ກັບບໍລິສັດ ລິດປັນຍາອອກແບບ-ກໍ່ສ້າງຈຳກັດຜູ້ດຽວ ໃນຄັ້ງວັນທີ 29 ພຶດສະພາ 2017 ທາງບໍລິສັດ ກໍ່ໄດ້ເລີ່ມລົງມືກໍ່ສ້າງອາຄານ ການຜະລິດ A ແລະ C ດ້ວຍຄວາມຮັບຜິດຊອບສູງ ມາຮອດປະຈຸບັນ ທັງສອງອາຄານ ເຫັນວ່າສຳເລັດ ແລະ ໃນຕໍ່ໜ້າກໍ່ໄດ້ມີການປັບປຸງອາຄານ ໂຮງພິມປ້ອງກັນຄວາມສະຫງົບ ໃຫ້ເປັນຫ້ອງການບໍລິຫານໂຮງພິມ ໂຊກພາໄຊຈຳກັດ ໃຫ້ທັນສະໄໜ ເພື່ອຮອງຮັບ ໃຫ້ແກ່ການ ເຊື່ອມຈອດການຮ່ວມມືດຳເນີນທຸລະກິດ. ໂດຍສະເພາະ ໂຮງພິມປ້ອງກັນຄວາມສະຫງົບ ກົມໂຄສະນາອົບຮົມ ກົມໃຫ່ຍການເມືອງປ້ອງກັນຄວາມສະຫງົບ ໄດ້ມອບອາຄານສິ່ງປຸກສ້າງ ແລະ ເຄື່ອງຈັກການພິມ ແລະ ວັດຖຸ ອຸປະກອນ ການພິມຕ່າງໆ ທີ່ເປັນຊັບສິນຂອງລັດ ເຂົ້າຮ່ວມການດຳເນີນທຸລະກິດ ກັບໂຮງພິມ ໂຊກພາໄຊຈຳກັດ ເຊິ່ງປະກອບມີ 11 ປະເພດ 287 ລາຍການ ລວມມູນຄ່າຊັບສິນທັງໝົດ ສິບຫ້າຕື້ແປດຮ້ອຍລ້ານກວ່າກີບ ແລະ ອື່ນໆ.

ໂອກາດນີ້ ທັງສອງຝ່າຍ ກໍ່ໄດ້ເຊັນບົດບັນທຶກມອບ-ຮັບຊັບສິນ ຂອງໂຮງພິມປ້ອງກັນຄວາມສະຫງົບ ເຂົ້າຮ່ວມດຳເນີນທຸລະກິດກັບ ໂຮງພິມໂຊກພາໄຊຈຳກັດ ຕາງໜ້າຄະນະພັກ ຄະນະກົມໂຄສະນາອົບຮົມ ໂດຍ ພັທ ໂພໄຊ ວົງຈຳປາ ຮອງຫົວໜ້າກົມໂຄສະນາອົບຮົມ ແລະ ທ່ານ ນາງ ສຸນັດຕາ ລິດປັນຍາ ອຳນວຍການໂຮງພິມ ໂຊກພາໄຊຈຳກັດ ໂດຍຊ້ອງໜ້າ ພົຈວ ອຸ່ນຫຼ້າ ວົງພະຈັນ ຮອງຫົວໜ້າກົມໃຫ່ຍການເມືອງປ້ອງກັນຄວາມ ສະຫງົບ ແລະ ພະນັກງານກົມກອງທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.

Off

Comments are closed.