22nd Aug2019

ພິທີປະກາດຍົກຍ້າຍ ແລະ ຕ່າງຕັ້ງ ພະນັກງານຂັ້ນນຳພາ-ບັນຊາ ປກສ ແຂວງ ອຸດົມໄຊ

by somchan

ໃນວັນທີ 22 ສິງຫາ 2019 ກອງບັນຊາການ ປກສ ແຂວງ ອຸດົມໄຊ ໄດ້ຈັດພິທີປະກາດ ການແຕ່ງຕັ້ງຂຶ້ນ ໂດຍເປັນກຽດເຂົ້າຮ່ວມຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີ ກະຊວງປ້ອງກັນຄວາມ ສະຫງົບ ມີ ທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງໆອຸ ດົມໄຊ ບັນດາທ່ານການນຳພັກ-ລັດ, ອົງການຈັດຕັ້ງຂັ້ນ ແຂວງ, ມີຄະນະພັກ, ພະນັກງານຫຼັກແຫຼ່ງ ທົ່ວກຳລັງ ປກສ ແຂວງ ອຸດົມໄຊ ເຂົ້າຮ່ວມ.

ພັທ ຄອນສະຫວັນ ສົມພະໄຊ ຫົວໜ້າກົມຈັດຕັ້ງພະນັກງານ ກົມໃຫ່ຍການເມືອງປ້ອງກັນຄວາມສະຫງົບ ໄດ້ຜ່ານຂໍ້ຕົກລົງ ຂອງ ທ່ານລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການຍົກຍ້າຍນາຍຕຳຫຼວດ ກອງບັນຊາການ ປກສ ແຂວງ ອຸດົມໄຊ ເຊີ່ງໄດ້ຕົກລົງຍົກຍ້າຍ ພົຈວ ນິລະວົງ ເຈືອງຕະວະລາດ ຈາກກອງບັນຊາການ ປກສ ແຂວງ ອຸດົມໄຊ ໄປຮັບໜ້າທີ່ໃໝ່ຢູ່ ກະຊວງປ້ອງກັນຄວາມສະຫງົບ ແລະ ຂໍ້ຕົກລົງຂອງລັດຖະມົນຕີ ກະຊວງ ປກສ ວ່າດ້ວຍການແຕ່ງຕັ້ງນາຍຕຳຫຼວດ ທີ່ຂຶ້ນກັບກອງບັນຊາການ ປກສ ແຂວງອຸດົມໄຊ ໃນນັ້ນຕົກລົງແຕ່ງຕັ້ງ ພັທ ສີວອນ ໄຊຍະວົງ ຂື້ນເປັນຫົວໜ້າກອງບັນຊາການ ປກສ ແຂວງ ອຸດົມໄຊ, ສ່ວນຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.

 

ໃນໂກກາດດັ່ງກ່າວ ພົທ ວິໄລ ຫຼ້າຄຳຟອງ ໄດ້ມີຄຳເຫັນໂອ້ລົມ ຕໍ່ນາຍ ແລະ ພົນຕຳຫຼວດ ທີ່ໄດ້ຮັບການແຕ່ງຕັ້ງ ແລະ ຍົກຍ້າຍໃນຄັ້ງນີ້ ແມ່ນຍ້ອນຄວາມຮຽກຮ້ອງຕ້ອງການຂອງໜ້າທີ່ການເມືອງ ແລະ ເປັນກົດເກນພາວະວິໄສ ແມ່ນລະບຽບລັກການຂອງພັກ ເພື່ອປັບປຸງການຈັດຕັ້ງ ໃຫ້ມີຄວາມໜັກແໜ້ນ ເຕີບໃຫ່ຍເຂັ້ມແຂງ ສາມາດຕອບສະໝອງຄວາມຮຽກຮ້ອງຕ້ອງການ ຂອງໜ້າທີ່ການເມືອງ ແລະ ວຽກງານວິຊາສະເພາະໃນແຕ່ລະໄລຍະ, ທ່ານ ລັດຖະມົນຕີ ກະຊວງປ້ອງກັນຄວາມສະຫງົບ ຍັງໄດ້ເນັ້ນໜັກໃຫ້ນາຍຕຳຫຼວດທີ່ໄດ້ຮັບການແຕ່ງຕັ້ງ ແລະ ຍົກຍ້າຍ ຈົ່ງເພີ່ມທະວີຍົກສູງສະຕິຄວາມຮັບຜິດຊອບຕໍ່ໜ້າທີ່ການເມືອງທີ່ ໄດ້ຮັບມອບໝາຍ ເປັນແບບຢ່າງໃນການຈັດຕັ້ງປະຕິບັດແນວທາງຂອງພັກ ການຊີ້ນຳຂອງຂັ້ນເທີງ ເອົາໃຈໃສ່ກໍ່ສ້າງ-ປັບປຸງການກຳລັງ ຕາມຄວາມຮັບຜິດຊອບ ໃຫ້ມີແບບແຜນ ມີຄຸນນະພາບເປັນທີ່ໄວ້ເນື້ອເຊື່ອໃຈຂອງປະຊາຊົນ ພ້ອມກັນນັ້ນ ທ່ານຍັງໄດ້ເນັ້ນໜັກ ໃຫ້ເອົາໃຈໃສ່ປະຕິບັດຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ, ບຸກຄົນຮັບຜິດຊອບ ສິ່ງສຳຄັນແມ່ນເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ ເພື່ອເປັນຈິດໜຶ່ງໃຈດຽວໃນການປະຕິບັດຕາມແນວທາງຂອງພັກ ມະຕິຄຳສັ່ງຂອງຂັ້ນເທີງ ເຮັດສຳເລັດໜ້າທີ່ທີ່ໄດຮັບມອບໝາຍ.

Off

Comments are closed.