10th Aug2018

ພິທີມອບຮັບໂຄງການຂະຫຍາຍອາຄານ ຜູ້ໂດຍສານສະໜາມບິນສາກົນວັດໄຕ

by somchan

ພິທີມອບ{ຮັບໂຄງການຂະຫຍາຍອາຄານຜູ້ໂດຍສານ ສະໜາມບິນສາກົນວັດໄຕ ແລະ ພິທີເຊັນສັນຍາ ການຕໍ່ສັນຍາການດຳເນີນງານພາຍໃນສະຫນາມບິນ ໄດ້ຈັດຂຶ້ນໃນວັນທີ 9 ສິງຫາ 2018 ນີ້. ເຂົ້າຮ່ວມ ໂດຍທ່ານ ສົມດີ ດວງດີ ຮອງນາຍົກລັດຖະມົນຕີ ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ຝ່າຍຍີ່ປຸ່ນນຳໂດຍ ທ່ານຄາຊຸຢຸກິ ນາກະນິ ຮອງລັດຖະມົນຕີກະຊວງການຕ່າງປະເທດຍີ່ປຸ່ນ ພ້ອມດ້ວຍເອອັກຄະລັດສະທູດຍີ່ປຸ່ນປະຈຳລາວ, ​ບັນດາຮອງລັດຖະມົນຕີ, ​ຮອງເຈົ້າຄອງ, ຫົວໜ້າອົງການໄຈກ້າປະຈຳລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂຄງການຂະຫຍາຍອາຄານຜູ້ໂດຍສານສະໜາມບິນສາກົນວັດໄຕ ເປັນປະຕູສູ່ ສປປ ລາວ ໂດຍອີງໃສ່ສະຖິຕິການຂະຫຍາຍຕົວຂອງການຂົນສົ່ງທາງອາກາດ ຈຳນວນຜູ້ໂດຍສານທີ່ມາໃຊ້ບໍລິການສະໜາມບິນສາກົນວັດໄຕມີຈຳນວນເພີ່ມຂຶ້ນ,​ ໂດຍສະເພາະປີ 2017 ຈຳນວນຜູ້ໂດຍສານທັງໝົດມີ 1 ລ້ານ3ແສນກວ່າຄົນ ໃນນີ້, ຜູ້ໂດຍສານພາຍໃນ 7 ແສນກວ່າຄົນ. ດັ່ງນັ້ນ,​ ໂຄງການຂະຫຍາຍອາຄານຜູ້ໂດຍສານສະໜາມບິນສາກົນວັດໄຕ ຈະເປັນການຮອງຮັບຈຳນວນຜູ້ໂດຍສານທີ່ເພີ່ມຂຶ້ນໃນອະນາຄົດ. ຊຶ່ງສາມາດຮອງຮັບ ຜູ້ໂດຍສານໃນຊົ່ວໂມງເລັ່ງດ່ວນ ໄດ້ 700 ຄົນຕໍ່ຊົ່ວໂມງ, ໂຄງການນີ້ເປັນໜຶ່ງໃນໂຄງການບູລິມາສິດຂອງລັດຖະບານ. ໂຄງການດັ່ງກ່າວ, ໄດ້ນຳໃຊ້ທຶນກູ້ຢືມຈາກລັດຖະບານຍີ່ປຸ່ນ, ໂດຍຜ່ານອົງການໄຈກ້າໃນມູນຄ່າ 9.017 ລ້ານເຢັນ ແລະ ໄດ້ເລີ່ມຈັດຕັ້ງປະຕິບັດມາຕັ້ງແຕ່ເດືອນ ທັນວາ 2015, ມາຮອດປະຈຸບັນໂຄງການແມ່ນໄດ້ສຳເລັດການສ້າງກໍ່ແລ້ວ 100%, ດ້ວຍໄລຍະເວລາການກໍ່ສ້າງ 32 ເດືອນ ເຊິ່ງໜ້າວຽກທີ່ໄດ້ປະຕິບັດມີ: ວຽກຂະຫຍາຍອາຄານຜູ້ໂດຍສານສາກົນ, ວຽກປັບປຸງພື້ນທີ່ກໍ່ສ້າງອາຄານຜູ້ໂດຍສານພາຍໃນຫຼັງໃໝ່, ກໍ່ສ້າງອາຄານຜູ້ໂດຍສານພາຍໃນຊົ່ວຄາວ, ອາຄານບຳລຸງຮັກສາສ້ອມແປງສະໜາມບິນ, ກໍ່ສ້າງລານຈອດລົດ ແລະ ວຽກງານຕິດຕັ້ງບັນດາອຸປະກອນອຳນວຍຄວາມສະດວກຕ່າງໆຈຳນວນໜຶ່ງ.

ໃນພິທີ ຍັງໄດ້ຕັດແຂບຜ້າມອບ-ຮັບໂຄງການຂະຫຍາຍອາຄານສະໜາມບິນ ຜູ້ໂດຍສານຢ່າງເປັນທາງການ. ພ້ອມທັງ, ໄດ້ເຊັນບົດບັນທຶກສັນຍາການຕໍ່ສັນຍາການດຳເນີນງານຂອງສະໜາມບິນລະຫວ່າງກອງສະໜາມບິນລາວ ແລະ ບໍລິສັດຈາລຸສອິນ ແລະ ບໍລິສັດ TOYOTA ຊູໂຊ.

Off

Comments are closed.