10th Jan2020

ພິທີມອບຮັບໜ້າທີ່ຫົວໜ້າ ກົມຊື່ມວນຊົນ ປກສ ກົມໃຫ່ຍການເມືອງ ກະຊວງ ປກສ ຜູ້ເກົ່າ ແລະ ຜູ້ໃໝ່

by somchan

ພິທີເຊັນບົດບັນທືກມອບ-ຮັບໜ້າທີ່ຫົວໜ້າ ກົມຊື່ມວນຊົນ ປກສ ກົມໃຫ່ຍການເມືອງກະຊວງປ້ອງກັນຄວາມສະຫງົບ ຜູ້ເກົ່າແລະຜູ້ໃໝ່ ໄດ້ຈັດໃນວັນທີ 9 ມັງກອນ 2012 ນີ້ ໂດຍການເຂົ້າຮ່ວມເປັນກຽດຂອງ ພົຈວ ອຸ່ນລ້າ ວົງພະຈັນ ຮອງຫົວໜ້າກົມໃຫ່ຍການເມືອງກະຊວງປ້ອງກັນຄວາມສະຫງົບ ມີຄະນະພັກ ຄະນະບັນຊາ ແລະ ພະນັກງານນັກຮົບເຂົ້າຮ່ວມ.

ໃນພິທີອັນມີຄວາມໝາຍສຳຄັນ ນີ້ ພັອ ສີພັນດອນ ຫວ່າງປົວຊົງ ຫົວໜ້າກົມຊື່ມ່ວນຊົນປ້ອງກັນຄວາມສະຫງົບຜູ້ເກົ່າ ໄດ້ຜ່ານບົດລາຍງານ ການຈັດຕັ້ງຊີ້ນຳ-ນຳພາ ຄະນະພັກ ພະນັກງານນັກຮົບ ກົມຊື່ມ່ວນຊົນກະຊວງປ້ອງກັນຄວາມສະຫງົບ ໃນໄລຍະ 10 ປີ ຜ່ານມາ ທ່ານໄດ້ຍົກໃຫ້ເຫັນດ້ານດີຜົນງານ ແລະ ດ້ານອ່ອນຂໍ້ຄົງຂ້າງ ຕະຫຼອດໄລຍະຜ່ານມາ ນຳພາຄະນະພັກ ຄະນະກົມ ແລະ ພະນັກງານນັກຮົບ ເຮັດໜ້າທີວຽກງານວິຊາສະເພາະທີ່ໄດ້ຮັບມອບໝາຍຈາກພັກ-ລັດ ການຈັດຕັ້ງຂັ້ນເທີງ ແລະ ປະຊາຊົນມອບໝາຍໃຫ້ໄດ້ເປັນຢ່າງດີ ຕີຖອຍແກ້ໄຂປະກົດການຫຍໍ້ທໍ້ໃນສັງຄົມໄດ້ຢ່າງແຂງແຮງແລະພ້ອມນີ້ຍັງໄດ້ເປັນເຈົ້າການກໍ່ສ້າງພະນັກງານເລົ່າລົບຊື່ມວນຊົນ ປ້ອງກັນຄວາມສະຫງົບ ມີຄວາມເຕີບໃຫ່ຍເຂັ້ມແຂງທາງດ້ານປະລິມານ ແລະ ຄຸນນະພາບ ຕາມທິດຊີ້ນຳຈາກການຈັດຕັ້ງຂັ້ນເທີງໄດ້ເປັນຢ່າງດີ ແລະ ພ້ອມທັງກ່າວມອບໜ້າທີອັນມີກຽດນີ້ໃຫ້ ຫົວໜ້າກົມຊື່ມວນຊົນຜູ້ໃໝ່ສືບຕໍ່ເອົາໃຈໃສ່ຊີ້ນຳຕໍ່ໄປໃຫ້ມີຜົນງານອັນໃໝ່ແລະຍີງໃຫ່ຍກ່ວາເກົ່າໃນຕໍ່ໜ້າ ຈາກນັ້ນ ພັອ ເພີນຄຳ ແສງດາລາ ຫົວໜ້າກົມຊື່ມວນຊົນກະຊວງປ້ອງກັນຄວາມສະຫງົບ ຜູ້ໃໝ່ ໄດ້ຂື້ນຮັບໜ້າທີ່ ແລະ ໄດ້ປະຕິຍານຕົນເອງຈະສືບຕໍ່ເອົາໃຈໃສ່ຊີ້ນຳ-ນຳພາ ຄະນະພັກພະນັກງານນັກຮົບ ສືບຕໍ່ເອົາໃຈໃສ່ຈັດຕັ້ງປະຕິບັດວຽກງານວິຊາສະເພາະທີໄດ້ຮັບມອບໝາຍໃຫ້ດີຂື້ນເປັນກ້າວໆຕາມທິດຊີ້ນຳຂອງພັກ.

ພ້ອມນີ້ທັງສອງທ່ານກໍ່ໄດ້ເຊັ້ນບົດບັນທືກ ມອບ-ຮັບ ໜ້າທີຮ່ວມກັນ ໂດຍຊ່ອງໜ້າ ພົຈວ ອຸນຫຼ້າ ວົງພະຈັນ ຮອງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ແລະ ຄະນະພັກຄະນະບັນຊາ ພະນັກງານນັກຮົບ ພ້ອມນີ້ ພັທ ພອນພິລຸນ ປັນຍາສິລິ ຮອງຫົວໜ້າກົມຊື່ມວນຊົນ ປ້ອງກັນຄວາມສະຫງົບ ໄດ້ຜ່ານຂໍ້ຕົກລົງ ຂອງລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການປ່ຽນ ບັນດາກົມກອງ ກົມໃຫ່ຍການເມືອງປ້ອງກັນຄວາມສະຫງົບ ໃນນີ້ປ່ຽນຊື່ ຄະນະບັນນາທິການຂ່າວສານ ປ້ອງກັນຄວາມສະຫງົບ ມາເປັນ ກົມຊື່ມວນຊົນ ປ້ອງກັນຄວາມສະຫງົບ.

Off

Comments are closed.