10th May2019

ພິທີມອບຮັບໜ້າທີ່ ຫົວໜ້າກົມໃຫຍ່ພະລາທິການ ປ້ອງຄວາມສະຫງົບ

by somchan

 

ວັນທີ 09 ພຶດສະພາ 2019 ທີ່ສະໂມສອນກົມໃຫຍ່ພະລາທິການ ປກສ ໄດ້ມີພິທີມອບຮັບໜ້າທີຫົວໜ້າ ກົມໃຫ່ຍພາລາທິການ ປກສ ໂດຍການເປັນກຽດເຂົ້າຮ່ວມຂອງ ພົຕ ສົມຫວັງ ທຳມະສິດ ຄະນະປະຈຳພັກກະຊວງ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີຫົວໜ້າກົມໃຫຍ່ພະລາທິ ການຜູ່ເກົ່າ, ຜູ່ໃໝ່ ແລະ ມີຄະນະພັກກົມໃຫຍ່ ຄະນະຫ້ອງ, ກົມ, ຄະນະອຳນວຍການໂຮງໝໍ 5 ເມສາ ພ້ອມດ້ວຍພະນັກງານນຳພາ-ບັນຊາທົ່ວກົມໃຫຍ່ພະລາທິການ ເຂົ້າຮ່ວມຢ່າງພ້ອມ ພຽງ.

ໃນພິທີ ທ່ານ ພົຈວ ຄຳໄຕ ຄຳແພງເພັດ ຄະນະປະຈຳພັກກະຊວງ ເລຂາຄະນະພັກ ຫົວໜ້າ ກົມຫຍ່ພະລາທິການຜູ່ເກົ່າ ໄດ້ຂຶ້ນລາຍງານການເຄື່ອນໄຫວ ຊີ້ນຳ-ນຳພາວຽກງານພະລາທິ ການ  ຕະຫຼອດໄລຍະ 10 ປີ ໄດ້ຊີ້ນຳນຳພາ-ບັນຊາກຳລັງພະລາທິການເຫັນວ່າກຳລັງພະລາທິການແມ່ນໄດ້ມີການເຕີບໃຫຍ່ຂະຫຍາຍຕົວຂຶ້ນເລື້ອຍໆ ເວລາໃດກໍ່ໄດ້ຖືເອົາ ການສຶກສາອົບຮົມການເມືອງນຳພາແນວຄິດເປັນກົກ ຕິດພັນກັບການແກ້ໄຂຊີວິດການເປັນຢູ່ຂອງພະນັກງານ-ນັກຮົບ, ພ້ອມທັງເອົາໃຈໃສ່ປັບປຸງບູລະນະກົງຈັກການຈັດຕັ້ງ ໃຫ້ສອດຄ່ອງກັບການປະຕິບັດໜ້າທີ່ ໃນການຮັບປະກັນພະລາທິການຮອບດ້ານ ໃຫ້ແກ່ກຳລັງ ປ້ອງກັນຄວາມສະຫງົບ ປະຊາຊົນ, ສາມາດຮັບສຳເລັດໜ້າທີ່ວຽກງານຕາມການມອບໝາຍໃນແຕ່ລະໄລຍະ; ຈາກນັ້ນ ທ່ານ ພົຈວ ຄຳໄຕ ຄຳແພງເພັດ ຫົວໜ້າກົມໃຫຍ່ພະລາທິການຜູ່ເກົ່າ ແລະ ທ່ານ ພັອ ໜູດີ ມີໄຊຍະລາດ ຫົວໜ້າກົມໃຫຍ່ພະລາທິການຜູ່ໃໝ່ ກໍ່ໄດ້ພ້ອມກັນລົງນາມໃສ່ບົດບັນ ທຶກມອບຮັບໜ້າທີ່ ໂດຍການໃຫ້ກຽດຂອງ ທ່ານຮອງລັດຖະມົນຕີ ກະຊວງປ້ອງກັນຄວາມສະຫງົບ ແລະ ຄະນະພັກກົມໃຫຍ່ພະລາທິການ ເຂົ້າຮ່ວມເປັນສັກຂີພະຍານ; ຕໍ່ມາທ່ານຮອງລັດຖະມົນຕີກະຊວງປ້ອງກັນຄວາມສະຫງົບ ກໍ່ໃຫ້ກຽດໂອ້ລົມຕໍ່ພິທີມອບຮັບໜ້າທີ່ໃນຄັ້ງນີ້ ໂດຍທ່ານໄດ້ສະ ແດງຄວາມຊົມເຊີຍຕໍ່ຜົນງານທີ່ສະຫາຍ ຫົວໜ້າກົມໃຫຍ່ພະລາທິການຜູ່ເກົ່າຍາດມາໄດ້ໄລຍະ 10 ປີຜ່ານມາ ພ້ອມທັງຍົກໃຫ້ເຫັນເຖິງບັນຫາທີ່ພົ້ນເດັ່ນ ແລະ ຈຸດທີ່ຈະຕ້ອງໄດ້ພ້ອມກັນປັບປຸງໃນຂັ້ນຕໍ່ໄປ ແລະ ທ່ານຍັງໄດ້ເນັ້ນໜັກໃຫ້ຫົວໜ້າກົມຜູ່ໃໝ່ ຈົ່ງສຶບຕໍ່ຊີ້ນຳ-ນຳພາ ການຈັດຕັ້ງປະຕິບັດວຽກງານພະລາທິການໃນຕໍ່ໜ້າ ໃຫ້ໄປຕາມເປົ້າໝາຍ ແລະ ແຜນຍຸດທະສາດທີ່ກຳນົດໄວ້ ໃຫ້ປະກົດຜົນເປັນຈິງ; ຈາກນັ້ນ, ທ່ານ ພັອ ໜູດີ ມີໄຊຍະລາດ ຫົວໜ້າກົມໃຫຍ່ພະລາທິການຜູ່ໃໝ່ ກໍ່ໄດ້ຂຶ້ນຮັບຄຳໂອວາດ, ກ່າວຮັບໜ້າທີ່ ພ້ອມທັງປະຕິຍານຕົນຕໍ່ພິທີວ່າ ຈະຕັ້ງໜ້າເອົາໃຈໃສ່ສຸມທຸກເຫື່ອແຮງ ແລະ ຄວາມຮູ້, ຄວາມສາມາດ ທີ່ມີມານຳພາຈັດຕັ້ງປະຕິບັດວຽກງານພະລາທິການ ໃຫ້ມີບາດກ້າວຂະຫຍາຍຕົວຢ່າງບໍ່ຢຸດຢັ້ງ.

Off

Comments are closed.