22nd Oct2018

ພິທີມອບເງີນຊຸກຍູ້ເພື່ອອົບຮົມວຽກງານ ວິຊາສະເພາະໃຫ້ແກ່ກຳລັງ ປກສ ແລະເຮືອບີນບັງຄັບຂະນາດນ້ອຍ (ໂດຣນ) ລະຫວ່າງບໍລິການຝືກຊ້ອມກິລາ ຍີງປືນຈຳກັດ

by somchan

ວັນທີ 20 ຕຸລາ 2018 ທີ່ສະໝາມກິລາຍິງປືນ 5 ເມສາ ໄດ້ມີພິທີມອບເງີນຊຸກຍູ້ ຝືກອົບຮົມວຽກງານວິຊາສະເພາະ ແລະ ເຮືອບີນບັງຄັບຂະນາດນ້ອຍ(ໂດຣນ) ໃຫ້ແກ່ກຳລັງປ້ອງກັນຄວາມສະຫງົບເຂົ້າຮ່ວມຂອງ ພົຕ ປອ ສົມຫັວງທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ທ່ານ ປີຊາໄຊ ແກ້ວໄຊຍະຈັກ ປະທານບໍລິສັດ ບໍລິການຝືກຊ້ອມກິລາຍີງປືນ ຈຳກັດ,ມີຫົວໜ້າກົມໃຫ່ຍ,ຫ້ອງການ,ກົມກອງອ້ອມຂ້າງກະຊວງ,ຫົວໜ້າກອງບັນຊາການ, ປກສ ນ.ວ ແລະ ຄະນະອຳນວຍການບໍລິສັດ ບໍລິສັດຝືກຊ້ອມກິລາຍິງປືນຈຳກັດ ເຂົ້າຮ່ວມ.

ເພື່ອເປັນການຊຸກຍູ້ສົ່ງເສີມ ແລະ ພັກທະນາ ກຳລັງປ້ອງກັນຄວາມສະຫງົບ ໃຫ້ເຕີມໃຫ່ຍເຂັ້ມແຂງທັນສະໄໝຂື້ນເທື່ອລະກ້າວ ໃນການປະຕິບັດໜ້າທີ່ວຽກງານວິຊາສະເພາະຕົວຈິງໃນແຕ່ລະໄລຍະ,ທ່ານປະທານບໍລິສັດ ບໍລິການຝືກຊ້ອມກິລາຍິງປືນ ຈຳກັດ ເຫັນໄດ້ຄວາມໝາຍຄວາມສຳຄັນ ຂອງວຽກງານປ້ອງກັນຄວາມສະຫງົບ ຈືງໄດ້ປະກອບສ່ວນຊຸກຍູ້ ດ້ານເສດຖະກິດວິຊາການ,ສະຖານທີ່ ແລະ ສິງອຳນວຍຄວາມສະດວກຕ່າງໆ ໃຫ້ກະຊວງປ້ອງກັນຄວາມສະຫງົບ ເພື່ອເປີດຊຸດຝືກອົມຮົມວຽກງານວິຊາສະເພາະ ໃນໄລຍະ 5 ປີ,ໃນມູນຄ່າ 600.000 ໂດລາ ແລະ ມອບເຮືອບີນບັງຄັບ(ໂດຣນ) ມູນຄ່າ 55.000 ໂດລາ,ເຊີ່ງບໍລິສັດ ບໍລິການຝືກຊ້ອມຍິງປືນ ຈຳກັດຈະເປັນຜູ້ຮັບຜິດຊອບໃນການສະໜອງດ້ານການເງີນ,ຄູຝືກ,ວັດຖຸອຸປະກອນຮັບໃຊ້,ສະຖານທີ່ຝືກແອບ ແລະ ອຳນວຍຄວາມສະດວກດ້າຕ່າງໆ ໃຫ້ແກ່ການຝືກອົບຮົມ ໃນພິທີກໍ່ໄດ້ມີການເຊັນສັນຍາວ່າດ້ວຍ ການມອບເງີນຊຸກຍູ້ ເພື່ອຝືກອົບຮົມໃຫ້ແກ່ລັງປ້ອງກັນຄວາມສະຫງົບ ຕາງໜ້າກະຊວງປ້ອງກັນຄວາມສະຫງົບ ໂດຍທ່ານ ພົຈວ ຄຳໄຄ ຄຳແພງເພັດ ຫົວໜ້າກົມໃຫ່ຍພາລາທິການກະຊວງປ້ອງກັນຄວາມສະຫງົບ ແລະ ທ່ານ ປີຊາໄຊ ແກ້ວໄຊຍະຈັກ ປະທານບໍລິສັດ ບໍລິການຝືກຊ້ອມກິລາຍິງປືນ ຈຳກັດ ແລະ ມອບ ເຮືອບີນ(ໂດຣນ)ໃຫ້ກອງບັນຊາການ ປກສ ນະຄອນຫຼວງວຽງຈັນ,ຕາງໜ້າຮັບໂດຍທ່ານ ພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນມອບໂດຍທ່ານ ປີຊາໄຊ ແກ້ວໄຊຍະຈັກ ປະທານບໍລິສັດ ບໍລິການຝືກຊ້ອມກິລາຍິງປືນ ຈຳກັດ ໂດຍຊອງໜ້າ ພົຈວ ປອ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວບຫົວໜ້າກົມ-ຮອງກົມ ເຂົ້າຮ່ວມເປັນສັກຂີພິຍານ.

Off

Comments are closed.