07th Jan2019

ພິທີມອບ-ຮັບໂຄງການສື່ສານທັນສະໄໝຮັບ ໃຊ້ວຽກງານປ້ອງກັນຄວາມສະຫງົບ

by somchan

ພິທີມອບ-ຮັບໂຄງການສື່ສານທັນສະໄໝຮັບ ໃຊ້ວຽກງານປ້ອງກັນຄວາມສະຫງົບລາວ ລະຫ່ວາງກົມໃຫ່ຍພາລາທິການ, ກະຊວງປ້ອງກັນຄວາມສະຫງົບ ແລະ ບໍລິສັດຊື່ສານໄຮເທຣາ ຈຳກັດ ຈັດຂື້ນໃນວັນທີ່ 4 ມັງກອນ 2019 ນີ້ ຢູ່ທີ່ຄ້າຍສື່ສານ ກົມສື່ສານ ກະຊວງ ປກສ ໂດຍການເປັນກຽດເຂົ້າຮ່ວມຂອງ ທ່ານ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ, ມີຮອງລັດຖະມົນຕີ ມີຄະນະຮັບຜິດຊອບບໍລິສັດ ສື່ສານ ໄຮເທຣາ ຈຳກັດ, ບໍລິສັດກຸ່ມຄຳໄພຊະນະຈຳກັດ, ມີບັນດາຫົວໜ້າກົມໃຫ່ຍ, ກົມກອງວິຊາສະເພາະອ້ອມຂ້າງ ກະຊວງປ້ອງກັນຄວາມສະຫງົບ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.

ທ່ານ ເຟີງ ຊີເຣີງ ຮອງປະທານບໍລິສັດ ສື່ສານ ໄຮເທຣາຈຳກັດ ຫຼື ຮັບເໝົາໂຄງການດັ່ງກ່າວ ໄດ້ຂື້ນກ່າວ ມອບໂຄງການສື່ສານທັນສະໄໝຮັບໃຊ້ວຽກງານປ້ອງກັນຄວາມສະຫງົບ ບົນພື້ນຖານເຫັນດີໃນສັນຍາ ທີ່ລັດຖະບານສາທາລະນະລັດ ປະຊາທິປະໄຕ ປະຊາຊົນລາວ ເຊີ່ງຕາງໜ້າໂດຍກະຊວງປ້ອງກັນຄວາມສະຫງົບ ແລະ ບໍລິສັດຊື່ສານ ໄຮເທຣ!ຈຳກັດ ໄດ້ຕົກລົງຮ່ວມກັນສ້າງ ໂຄງການສື່ສານ ທັນສະໄໝຮັບໃຊ້ວຽກງານ ປ້ອງກັນຄວາມສະຫງົບທົ່ວປະເທດ ໃນງົບປະມານທັງໝົດ 44,800,000 ໂດລາສະຫະລັດ, ບໍລິສັດ ສື່ສານ ໄຮເທຣາຈຳກັດ ໄດ້ດຳເນີນການຜະລິດອຸປະກອນເຕັກນິກ ກໍ່ສ້າງພື້ນຖານໂຄງລ່າງຕ່າງໆ ຜ່ານການຈັດຕັ້ງປະຕິບັດໂຄງການ ທາງ ບໍລິສັດ ສື່ສານ ໄຮເທຣາຈຳກັດ ສາມາດຈັດຕັ້ງບັນດາໜ້າວຽກຕ່າງໆໄດ້ທັງໝົດສຳເລັດຕາມເປົ້າໝາຍເປັນຕົ້ນ:ບໍລິສັດສື່ສານ ໄຮເທຣາຈຳກັດ ໄດ້ສົມທົບກັບຄະນະວິຊາການ ກົມສື່ສານ ກະຊວງປ້ອງກັນຄວາມສະຫງົບ ລົງສຳຫຼວດຈຸດຕິດຕັ້ງໃນຂອບເຂດທົ່ວປະເທດ, ໄດ້ສຳເລັດການກໍ່ສ້າງພື້ນຖານໂຄງລ່າງຕ່າງໆໄດ້ທັງໝົດ 150 ຈຸດສະຖານີ ແລະ ພ້ອມກໍ່ສ້າງຕິດຕັ້ງອຸປະກອນເສົາອັງແຕນໃໝ່ທັງໝົດ 108 ຈຸດສະຖານີ ແລະ ອີກ 42 ສະຖານີ ແມ່ນຮ່ວມກັບບັນດາເສົາຂອງບໍລິສັດລາວໂທລະຄົມ, ບໍລິສັດ ອີທີແອວ ແລະ ບໍລິສັດຢູນີທຽວໄດ້ສຳເລັດການກໍ່ສ້າງ ສູນຄວບຄຸມຢູ່ 17 ສູນ ແລະ ກໍ່ສ້າງສະຖານີເຮືອນເກັບອຸປະກອນເຄື່ອວສົ່ງ 133 ສະຖານີ ສຳເລັດກໍ່ສ້າງລະບົບເຊື່ອມຕໍ່ລະບົບໄຟລ້ຽງ, ລະບົບອີນເນັດ ເຊື່ອມຕໍ່ແຕ່ລະສະຖານີ, ແຕ່ລະຂອບເຂດທົ່ວປະເທດເປັນຕົ້ນ ຕິດຕໍ່ສືສານທາງ ປກສ ກຸ່ມ ຫາ ປກສ ກຸ່ມ, ປກສ ກຸ່ມ ຫາ ປກສ ເມືອງ, ປກສ ເມືອງ ຫາ ປກສ ແຂວງ, ປກສ ແຂວງ ຫາ ປກສ ແຂວງ ແລະ ປກສ ແຂວງ ຫາສູນກາງໃນຂອບເຂດທົ່ວປະເທດ ຈຸດປະສົງຂາດໝາຍຕາມສັນຍາ ພ້ອມທັງກ່າວມອບໃຫ້ ກົມໃຫ່ຍພາລາທິການ, ໃນໂອກາດດັ່ງກ່າວນີໄດ້ມີການມອບຮັບ ໂຄງການສືສານ ທັນສະໄໝຮັບໃຊ້ວຽກງານປ້ອງກັນຄວາມສະຫງົບ ແລະ ຕາງໜ້າຄະນະພັກ-ຄະນະນຳກະຊວງປ້ອງກັນຄວາມສະຫງົບ ໂດຍ ພົຈວ ຄຳໄຕ ຄຳແພງເພັດ ຄະນະປະຈຳພັກກະຊວງ, ຫົວໜ້າກົມໃຫ່ຍພາລາທິການ, ກະຊວງປ້ອງກັນຄວາມສະຫງົບ ແລະ ເຊັນມອບຮັບແມ່ນ ທ່ານ ເຟີງຊີເຣີງ ຮອງປະທານບໍລິສັດ ສື່ສານ ໄຮເທຣາ ຈຳກັດ ໂດຍຊ່ອງໜ້າ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ແລະ ຄະນະພັກຄະນະນຳ ກະຊວງປ້ອງກັນຄວາມສະຫງົບ ແລະ ຂະແໜງການກ່ຽວຂ້ອງທີ່ເຂົ້າຮ່ວມ ແລະ ພ້ອມນີກົມໃຫ່ຍພາລາທິການກະຊວງປ້ອງກັນຄວາມສະຫງົບ, ເປັນຜູ້ຄຸັມນຳໃຊ້ຕົວຈິງ ແລະ ສືບຕໍ່ປົກປັກຮັກສາບູລະນະໃຫ້ດີມີຄວາມຮັບຜິດຊອບສູງ ແລະ ນຳໃຊ້ໃຫ້ມີປະສິດທິຜົນເຂົ້າໃນວຽກງານປ້ອງກັນຄວາມສະຫງົບ.

Off

Comments are closed.