15th Oct2018

ພິທີເປີດສູນປະສານງານແມ່ນ້ຳຂອງປອດໄພ ສປປລາວ ເປັນເຈົ້າພາບ

by somchan

ພິທີເປີດສູນປະສານງານແມ່ນ້ຳຂອງປອດໄພ ສປປ ລາວ ເປັນເຈົ້າພາບໃນໄລຍະ 3 ເດືອນທ້າຍປີ 2018  ໄດ້ຈັດຂື້ນໃນວັນທີ່ 12 ຕຸລານີ້ ພາຍໃຕ້ການເປັນປະທານຂອງ ທ່ານ ພົຕ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ , ຫົວໜ້າຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດກະຊວງປ້ອງກັນ ຄວາມສະຫງົບ , ໂດຍມີຜູ້ເຂົ້າຮ່ວມຈາກ ປະເທດສະມາຊິກໂຄງການ ແມ່ນ້ຳຂອງປອດໄພ ທັງ 6 ປະເທດ , ປະກອບມີ ສປ ຈີນ , ສປປ ລາວ, ສະຫະພາບ ມຽ່ນມາ , ລາສະອານາຈັກ ໄທ , ລາສະອານາຈັກກຳປູເຈຍ ແລະ ສສ ຫວຽດນາມ  ພ້ອມດ້ວຍພະນັກງານຂັນສູງອ້ອມຂ້າງສູນກາງ , ຄະນະຜູ້ແທນຈາກບັນດາກະຊວງ , ທຸຕານຸດ ແລະ ອົງການຈັດຕັ້ງສາກົນຈຳນວນ 100 ກ່ວາທ່ານເຂົ້າຮ່ວມ.

ທ່ານ ພົຕ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ກ່າວວ່າ:ຈຸດປະສົງໃນການຈ້ດຕັ້ງສູນປະສານງານຄັ້ງນີ້ ເພື່ອສະກັດກັ້ນເຄມີ ເປັນຕົ້ນບໍ່ໃຫ້ເຂົ້າເຖີງແຫຼ່ງພະລິດ ຢາເສບຕິດ ໃຫ້ຫຼາຍທີ່ສຸດ, ສະກັດກັ້ນ ຢາເສບຕິດ ທີ່ຜະລິດແລັວບໍ່ໃຫ້ຖືກລັບລອບ ຂົນສົ່ງນຳອອກຈາກແຫຼ່ງຜະລິດ ໄດ້ຂອງກຸ່ມຜະລິດ ແລະ ຜູ້ຄ້າຂາຍຢາເສບຕິດ , ສ້າງຄວາມຮ່ວມມືລະຫ່ວາງ ເຈົ້າໜ້າທີ່ກວດກາ ແລະ ຄວບຄຸມຢາເສບຕິດຂອງແຕ່ລະປະເທດ ໃຫ້ມີຄວາມເປັນເອກະພາບສາມາດປະຕິບັດໜ້າທີ່ສະກັດກັ້ນຢາເສບຕິດຮ່ວມກັນ. ເຊີງບັນຫາຢາເສບຕິດ ໄດ້ສ້າງຄວາມໜັກໃຈ ໃຫ້ແກ່ລັດຖະບານຂອງຫຼາຍ ປະເທດ ໃນໂລກເປັນສີງທີ່ກົດໜ່ວງທວງດືງການພັດຖະນ າເສດຖກິດ-ສັງຄົມ , ຄວາມເປັນລະບຽບຮຽບຮ້ອຍຂອງສັງຄົມ , ສະຖຽນລະພາບ ແລະ ຄວາມໝັ້ນຄົງຂອງປະເທດຊາດໃນທົ່ວໂລກ ບັນຫາດັ່ງກ່າວ ມັນຮຽກຮ້ອງ ໃຫ້ມີການຮ່ວມມືກັນຢ່າງແໜ້ນແຟ້ນ ແລະ ຈິງໃຈລວມທັງການນຳໃຊ້ຊັບພະຍາກອນມະນຸດຢ່າງຫຼວງຫຼາຍ ແລະ ທືນຮອນອັນມະຫາສານຈືງຈະສາມາດເອົາສະນະຕໍ່ໄພຂົ່ມຂູ່ດັງກ່າວນີ້ໄດ້ , ຍ້ອນແນວນັ້ນ ສປປ ລາວ ຈືງໄດ້ເຂົ້າຮ່ວມປະຕິບັດໂຄງການແມ່ນ້ຳຂອງປອດໄພນັບແຕ່ມື້ສ້າງຕັ້ງຂື້ນແຕ່ຕົ້ນປີ 2013 ເປັນຕົ້ນມາ , ຊື່ງໃນເບື້ອງຕົ້ນມີປະເທດສະມາຊິກໂຄງການແມ່ນ້ຳຂອງປອດໄພ 4 ປະເທດ: ປະກອບດ້ວຍ ສປປ ລາວ, ສປ ຈີນ, ສະຫະພາບມ່ຽນມາ ແລະ ລາດສະອານາຈັກໄທ, ຕໍ່ມາໃນປີ 2015 ໄດ້ເຊື້ອເຊີນກຳປູເຈຍ ແລະ ສສ ຫວຽດນາມ ເຂົ້າເປັນສະມາຊິກ.ການເປັນເຈົ້າພາບ ສູນກາງ ປະສານງານແມ່ນ້ຳຂອງປອດໄພ ໃນໄລຍະ 6 ປີ 2013-2015 ແມ່ນມີ 8 ຄັ້ງ ໃນນັ້ນປະເທດຈີນ ເປັນເຈົ້າພາບມາແລ້ວ 3 ຄັ້ງ, ປະເທດໄທ 4 ຄັ້ງ, ປະເທດ ມ່ຽນມາ 1 ຄັ້ງ. ສປປ ລາວໄດ້ຮັບກຽດເປັນເຈົ້າພາບສູນປະສານງານແມ່ນ້ຳຂອງປອດໄພຄັ້ງທີ່ 9 ເຊີ່ງເປັນຄັ້ງທຳອິດ.

ທ່ານຍັງໄດ້ກ່າວຕື່ມອີກວ່າ: ຖືວ່າການເປີດສູນປະສານງານແມ່ນ້ຳຂອງປອດໄພ-ນະຄອນຫຼວງວຽງຈັນ ໃນຄັ້ງນີ້ ແມ່ນເຫດການປະຫວັດສາດໃນຂົງເຂດວຽກງານຄວບຄຸມຢາເສບຕິດຂອງອານຸພາກນີ້ ແລະ ເປັນເຫດການສຸດທີ່ມີຄວາມສຳຄັນເປັນຢ່າງຍີ່ງ ເຊີ່ງເປັນໂອກາດອັນດີໃຫ້ແກ່ລາວທີ່ໄດ້ແລກປ່ຽນບົດຮຽນ, ປະສົບການ ແລະ ຂໍ້ມູນຂ່າວສານຂອງບັນດາປະເທດສະມາຊິກທັງໝົດ 6 ປະເທດເພື່ອຮ່ວມກັນຄົ້ນຄ້ວາ ແລະ ວ່າງມາດຕະການໃນການສະກັດກັ້ນລັກລອບລຳລຽງຂົນສົ່ງຢາເສບຕິດ, ສານເຄມີ ເຂົ້າ-ອອກ ເຂດສາມລ່ຽມທອງຄຳ ໃຫ້ມີປະສິດທິຜົນດີຂື້ນກ່ວາເກົ່າ.

 

Off

Comments are closed.