06th May2019

ພິທີເປີດບໍລິສັດຮ່ວມທືນ ໄອທີ ລາວ ຈຳກັດ

by somchan

ໃນວັນທີ 02 ພືດສະພາ 2019 ນີ້ ທີ່ບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ ໄດ້ຈັດພິທີເປີດ ບໍລິສັດຮ່ວມທີນ ໄອທີລາວຈຳກັດ ໂດຍການໃຫ້ກຽດເຂົ້າຮ່ວມຂອງ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ, ທ່ານ ບຸນຍໍ ຮ່ວງພະຈັນ ປະທານບໍລິສັດ ອີນເຕີຄອມພີວເຕີ ຈຳກັດ ມີບັນດາທ່ານຄະນະພັກກະຊວງ, ຄະນະພັກ-ຄະນະນຳກົມໃຫ່ຍພາລາທິການ ປກສ ແລະບໍລິສັດ ອີນເຕີຄອມພີວເຕີ ຈຳກັດ ເຂົ້າຮ່ວມ.

ພົຈວ ກິແກ້ວເນົາວະລັດ ຮອງຫົວໜ້າກົມໃຫ່ຍພາລາທິການ ປ້ອງກັນຄວາມສະຫງົບໄດ້ກ່າວວ່າ: ໂຄງການສ້າງຕັ້ງບໍລິສັດ ຮ່ວທືນໄອເຕັກລາວຈຳກັດ ແມ່ນໂຄງການລົງທືນລະຫວ່າງ ກະຊວງປ້ອງກັນຄວາມສະຫງົບ ແລະ ບໍລິສັດອີນເຕີຄອມພີວເຕີຈຳກັດ, ໃນມູນຄ່າຂອງການລົງທືນ 1 ລ້ານ 8 ແສນໂດລາສະຫະລັດ, ໃນໄລຍະເວລາຮ່ວມດຳເນີນທຸລະກິດ 25 ປີ, ໃນນັ້ນດ ກະຊວງປ້ອງກັນຄວາມສະຫງົບ 20% ບໍລິສັດອີນເຕີຄອມພີວເຕີຖືຮຸນ 80% ໂດຍນຳໃຊ້ທີ່ດີນ ແລະ ອາຄານຂອງບໍລິສັດທີ່ມີຢູ່ແລ້ວ ຈຸດປະສົງຂອງການດຳເນີນທຸລະກິດໃນຄັ້ງນີ້ ກໍ່ເພື່ອເປັນທີປືກສາ ໃຫ້ບໍລິການດ້ານໄອທີ ພັດທະນາບຸຄະລາກອນດ້ານລະບົບໄອທີ ໃຫ້ກຳລັງປ້ອງກັນຄວາມສະຫງົບ ແລະ ສັງຄົມທົ່ວໄປ ເຮັດໃຫ້ທັງສອງຝ່າຍມີຜົນປະໂຫຍດຮ່ວມກັນທາງດ້ານເສດຖະກິດ ໃຫ້ຖືກກັບທິດນຳຂອງຂັ້ນເທີງ ໃນການສ້າງພາລະທິການກັບທີ ຕາມທິດເພີ່ງຕົນເອງດ ກຸມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ, ຈາກນັ້ນ ຄູ່ຮ່ວທຸລະກິດ ທັງສອງຝ່າຍກໍ່ໄດ້ພ້ອມກັນຂື້ນຕັດແຖບຜ້າ ເພື່ອເປັນການເປີດ ບໍລິສັດ ຮ່ວທືນໄອທີລາວ ຈຳກັດຢ່າງເປັນທາງການ.

Off

Comments are closed.