31st Jan2019

ພົຈວ ສີສະຫວາດ ແກ້ວມາລາວັນ ກອງປະຊຸມສະຫຼູບວຽກງານ ປກສ ທົ່ວປະເທດ

by somchan

 

ພົຈວ ສີສະຫວາດ ແກ້ວມາລາວັນ ຄະນະປະຈຳພັກກະຊວງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບໄດ້ລາຍງານ ການເຄື່ອນໄຫວວຽກງານປ້ອງກັນຄວາມສະຫງົບ ປະຈຳປີ 2018 ຕໍ່ ກອງປະຊຸມສະຫຼູບວຽກງານ ປກສ ທົ່ວປະເທດ ຫວ່າງບໍ່ດົນມານີ້ວ່າ: ຕະຫຼອດໄລຍະ 1 ປີ ຜ່ານມາຄະນະພັກຄະນະນຳ ກະຊວງປ້ອງກັນຄວາມສະຫງົບໄດ້ເອົາໃຈໃສ່ໃນການ ສືກສາອົບຮົມການເມືອງນຳພາແນວຄິດ ໃຫ້ພະນັກງານຫຼັກແຫຼ່ງໃນຂອບ ເຂດທົ່ວປະເທດເພື່ອພ້ອມກັນເປັນເຈົ້າການເຮັດວຽກງານຕ້ານສະກັດກັ້ນແກ້ໄຂປະກົດການຫຍໍ້ທໍ້ໃນສັງຄົມສະແດງອອກທົ່ວປະເທດມີຄະດີອາຍາເກີດຂື້ນທັງໝົດ 6,365 ລາຍ ໃນນີ້ສາມາດມ້າງຄະດີໄດ້ 5,141 ລາຍ ກັກຜູ້ຖືກຫາໄດ້ 7,591 ຄົນ ໃນນີ້ຄະດີປະຕິເຫດ ມີ 5,793 ລາຍ ພາຫານະເປເພ 10,258 ຄັນ ມີອັກຄີໄພເກີດຂື້ນ 177 ຄັ້ງ ສາມາດແກ້ໄຂຄະດີຢາເສບຕິດໄດ້ 3,300 ລາຍ ກັກຜູ້ຖືກຫາໄດ້ 4,674 ຄົນ,ຍີງ 580 ຄົນ,ຄົນຕ່າງປະເທດ 63 ຄົນ ທຽບໃສ່ປີຜ່ານມາຄະດີເພີມຂື້ນ 530 ລາຍ ພ້ອມນີ້ຍັງໄດ້ສຸ່ມໃສ່ຫັນກຳລັງລົງກໍ່ສ້າງຮາກຖານການເມືອງຕິດພັນກັບວຽກງານສາມສ້າງຢູ່ນະຄອນຫຼວງວຽງຈັນ, ແຂວງບໍ່ແກ້ວ ແລະ ແຂວງອື່ນໆ.ຜ່ານການລົງເຮັດວຽກຕົວຈີງໃນນີ້ສາມາດອອກປືມສຳມະໂນຄົວໄດ 1 ລ້ານກ່ວາຄອບຄົວ ແລະ ອອກບັດປະຈຳຕົວແບບໃໝ່ໄດ້ທັງໝົດ 68 ພັນກ່ວາຄົນ.

Off

Comments are closed.