03rd Jul2018

ພົຕ ສິນທະວົງ ໄຊຍະກອນ ຮອງລັດຖະມົນຕີ ກະຊວງ ປກສ ໄດ້ຕ້ອນຮັບ ການເຂົ້າຢ້ຽມ ຂອງ ພົອ ມາວ ບຸນນາຣິນ ແຫ່ງຣາຊະອານາຈັກ ກຳປູເຈຍ

by somchan

ພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງ ປ້ອງກັນຄວາມສະຫງົບ ແຫ່ງ ສປປ ລາວ ພ້ອມດ້ວຍ ຄະນະ ໄດ້ຕ້ອນຮັບການເຂົ້າຢ້ຽມຄຳນັບ ຂອງ ພົອ ມາວ ບຸນນາຣິນ ຫົວໜ້າກົມໃຫ່ຍພະລາທິການ ແລະ ການເງີນກະຊວງ ພາຍໃນແຫ່ງຣາຊະອານາຈັກ ກຳປູເຈຍ ພ້ອມດ້ວຍຄະນະໃນ ວັນທີ 29 ມິຖຸນາ 2018 ນີ້ ທີ່ຫ້ອງຮັບແຂກ ກະຊວງ ປ້ອງກັນຄວາມສະຫງົບ

ເນື່ອງໃນໂອກາດທີ່ທ່ານໄດ້ເດີນທາງມາເຮັດວຽກຢູ່ ສປປ ລາວ ຮ່ວມກັບກົມໃຫ່ຍພາລາທິການ ກະຊວງປ້ອງກັນ ຄວາມສະຫງົບ ແຫ່ງ ສປປ ລາວ ໃນໂອກາດນີ້ ທ່ານ ພົອ ມາວ ບຸນນາຣິນ ໄດ້ລາຍງານຈຸດປະສົງໃນການມາຢ້ຽມຢາມ ແລະ ເຮັດວຽກຮ່ວມກັບກົມໃຫ່ຍພະລາທິການ ກະຊວງປ້ອງກັນຄວາມສະຫງົບໃນຄັ້ງນີ້ ເປັນການແລກປ່ຽນວຽກງານ ວິຊາສະເພາະກ່ຽວກັບວຽກງານພະລາທິການ ແລະ ວຽກງານອື່ນໆໃຫ້ທ່ານຮອງລັດຖະມົນຕີ ທັງນີ້, ກໍ່ເພື່ອປະຕິບັດ ຕາມບົດບັນທຶກຮ່ວມມື ລະຫວ່າງສອງກະຊວງປ້ອງກັນຄວາມສະຫງົບ ລາວ-ກຳປູເຈຍ ທີ່ໄດ້ລົງນາມຮ່ວມກັນໃຫ້ໄດ້ ຮັບໝາກຜົນຕາມຈຸດປະສົງຄາດໝາຍ.ທ່ານຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ສະແດງຄວາມ ຕ້ອນຮັບຢ່າງອົບອຸ່ນ ມິໄມຕີຈິດມິດຕະພາບ ແລະ ຕີລາຄາສູງຕໍ່ການພົບປະຢ້ຽມຢາມ ແລະ ເຮັດວຽກຮ່ວມກັບ ກົມໃຫ່ຍພະລາທິການ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ໃນຄັ້ງນີ້ ເປັນຂີດໝາຍອັນສຳຄັນໃນການ ພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ໃນດ້ານວຽກງານປ້ອງກັນຄວາມສະຫງົບ ກໍ່ຄືວຽກງານພະລາທິການ ລະຫວ່າງສອງກົມໃຫ່ຍ ໃຫ້ນັບມື້ເຕີບໃຫ່ຍຂະຫຍາຍຕົວເຂົ້າສູ່ລວງເລິກ ແລະ ໄດ້ຮັບໝາກຜົນສູງສຸດ. ພ້ອມກັນນຳ ເອົາເນື້ອໃນຈິດໃຈທີ່ໄດ້ພົບປະແລກປ່ຽນບົດຮຽນກັນໃນຄັ້ງນີ້ ນຳໄປຈັດຕັ້ງຜັນຂະຫຍາຍ ໃຫ້ເຂົ້າສູ່ວຽກງານຕົວຈິງ ລະຫວ່າງສອງກະຊວງ ກໍ່ຄືສອງກົມໃຫ່ຍພະລາທິການໃຫ້ດີຂື້ນເປັນກ້າວໆ.

Off

Comments are closed.