06th Sep2019

ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ມອບທຸງໄຊ ຂອງຫ້ອງວ່າການ ກະຊວງປ້ອງກັນຄວາມສະຫງົບ

by somchan

ຫ້ອງວ່າການກະຊວງປ້ອງກັນຄວາມສະຫງົບ ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກ, ປອດໃສ, ເຂັ້ມແຂງ, ໜັກແໜັກ ພ້ອມຮັບທຸງໄຊ ແລະ ປາຖະຖາຫວນຄືມູນເຊື້ອສອງວັນປະຫວັດສາດທີສຳຄັນ ໃວັນທີ 5 ກັນຍາ 2019 ໂດຍການເຂົ້າຮ່ວມຂອງສະຫາຍ ພົຕ ວັນທອງ ກອງມະນີ ຄະນະປະຈຳພັກ ກະຊວງ ເລຂາຄະນະພັກກົມໃຫ່ຍ ຫົວໜ້າກົມໃຫ່ຍການເມືອງ ປກສ ແລະ ພົຈວ ສົມວັນ ສາຍລ້ອງພາ ຄະນະພັກກະຊວງ ເລຂາຄະນະພັກຫ້ອງວ່າການ ຫົວໜ້າຫ້ອງວ່າການກະຊວງ ປກສ ມີຄະນະພັກ, ຄະນະບັນຊາ, ພະນັກງານຫຼັກແຫຼງອ້ອມຂ້ອງຫ້ອງວ່າການເຂົ້າຮ່ວມ.

ພັອ ອານຸເດັດ ຄູນຄໍາ ຄະນະພັກຫ້ອງວ່າການ ຮອງຫົວໜ້າຫ້ອງວ່າການ ກະຊວງ ປກສ ໄດ້ຜ່ານຂໍ້ຕົກລົງ ຂອງຄະນະພັກກະຊວງ ປກສ ວ່າດ້ວຍການຮັບຮອງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ ຈຳນວນ 143 ໜ່ວຍພັກ ໃນນັ້ນມີ ຫ້ອງວ່າກະຊວງ ຈຳນວນ 8 ໜ່ວຍພັກ ຄື: ໜ່ວຍພັກຮາກຖານ ກົມບໍລິຫານ-ພະລາທິການ ຫ້ອງວ່າການກະຊວງ 7 ປີ ຕິດຕໍ່ກັນ, ໜ່ວຍພັກຮາກຖານກົມເສນາທິການ, 2 ປີຕິດຕໍ່ກັນ, ໜ່ວຍພັກຮາກຖານກົມພົວພັນຕ່າງປະເທດ, ໜ່ວຍພັກຮາກຖານກົມກົດລັບ, ໜ່ວຍພັກຮາກຖານກົມຄຸ້ມຄອງເອກະສານ, ໜ່ວຍພັກຮາກຖານຫ້ອງການເມືອງ, ໜ່ວຍພັກກົມເລຂານຸການ 3 ປີຕິດຕໍ່ກັນ ແລະ ໜ່ວຍພັກຮາກຖານກົມນິຕິກຳ-ກົດໝາຍ ຫ້ອງວ່າການກະຊວງ ປກສ 5 ປີຕິດຕໍ່ກັນ. ຈາກນັ້ນ, ຍັງໄດ້ຜ່ານຂໍ້ຕົກລົງຂອງຄະນະພັກກະຊວງ ປກສ ວ່າດ້ວຍການມອບທຸງໄຊໃຫ້ບັນດາໜ່ວຍພັກ ທີ່ຮັກສາມູນເຊື້ອເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ 5 ປີຕິດຕໍ່ກັນ ຈຳນວນ 20 ໜ່ວຍພັກ. ໃນນັ້ນ ມີຫ້ອງວ່າການກະຊວງ ໄດ້ 1 ໜ່ວຍ ຄື: ໜ່ວຍພັກຖານກົມນິຕິກຳ-ກົດໝາຍ ຫ້ອງວ່າການກະຊວງ ປກສ. ໂດຍການມອບຂອງ ພົຕ ວັນທອງ ກອງມະນີ ຄະນະປະຈຳພັກກະຊວງ ເລຂາຄະນະພັກກົມໃຫ່ຍ ຫົວໜ້າກົມໃຫ່ຍການເມືອງ ປກສ.

ໃນໂອກາດດັ່ງກ່າວ ຜູ້ເຂົ້າຮ່ວມຍັງໄດ້ຮັບຝັງມູນເຊື້ອວັນຢຶດອຳນາດ 23 ສິງຫາ ແລະ ວັນສ້າງຕັ້ງລັດຖະທຳມະນູນ ແຫ່ງ ສປປລາວ ຄົຍຮອບ 28 ປີ, ໂດຍການປາຖະກະຖາຂອງ ພົຈວ ສົມວັນ ສາຍລ້ອງພາ ຫົວໜ້າຫ້ອງວ່າການ ກະຊວງ ປກສ, ທັງນີ້ກໍ່ເພື່ອເຮັດໃຫ້ພະນັກງານ-ນັກຮົບ ໃຫ້ຮັບຮູ້-ເຂົ້າໃຈ ແລະກໍາແໜ້ນໄດ້ບັນດາເນື້ອໃນ, ຄວາມໝາຍ-ຄວາມສໍາຄັນຕ່າງໆ ເພື່ອນໍາໄປຈັດຕັ້ງປະຕິບັດເຂົ້າໃນການປະຕິບັດໜ້າທີ່ວຽກງານຂອງຕົນ ໃຫ້ມີຜົນສໍາເລັດ ແລະ ສືບຕໍ່ເສີມຂະຫຍາຍມູນເຊື້ອອັນດີງາມຂອງພັກ-ຂອງຊາດ.

 

Comments are closed.