26th Apr2018

ມ້າງກຸ່ມເປົ້າໝາຍຄ້າ-ຂາຍຢາເສບຕິດ ຂອງກາງ 15.000 ກວ່າເມັດ

by somchan

ໃນວັນທີ 21 ເມສາ 2018 ເຈົ້າໜ້າທີ່ຕຳຫຼວດ ກອງບັນຊາການ ປກສ ເມືອງນາໝໍ້ ແຂວງອຸດົມໄຊ ໄດ້ນຳກຳລັງລົງປະຕິບັດໜ້າທີ່ສະກັດກັ້ນ ແກ້ໄຂກຸ່ມເປົ້າໝາຍຄ້າ-ຂາຍຢາເສບຕິດ ຢູ່ທີ່ເຮືອນພັກແຫ່ງໜຶ່ງ ເຂດບ້ານນາຕອງ ເມືອງນາໝໍ້ ແຂວງອຸດົມໄຊ ສາມາດຈັບຜູ້ກະທຳຜິດໄດ້ 4 ຄົນ ພ້ອມດ້ວຍຂອງກາງຢາເສບຕິດ ປະເພດຢາບ້າ 77 ຖົງ ເທົ່າກັບ 15,393ເມັດ. ຜູ້ກະທຳຜິດມີທ້າວ ສົມຈິດ ອາຍຸ 49 ປີ ອາຊີບຂັບລົດ, ຢູ່ບ້ານຫ້ວຍອ່ອນ, ທ້າວຈັນມຽນ ອາຍຸ 83 ປີ ຢູ່ບ້ານາແຊ, ເມືອງນາໝໍ້, ທ້າວບຸນຈີມ ອາຍຸ 45 ປີ ແລະ ທ້າວຈັນທອງ ອາຍຸ 46ປີ ຢູ່ບ້ານໄລ ເມືອງແບ່ງ ທັງ 4 ຄົນຢູ່ແຂວງອຸດົມໄຊ.

ປະຈຸບັນ, ເຈົ້າໜ້າທີ່ຕຳຫຼວດ ກອງບັນຊາການ ປກສ ເມືອງນາໝໍ້ ໄດ້ໃຫ້ຕຳຫຼວດພະແນກສະກັກກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ດຳເນີນການສືບສວນ-ສອບສວນຂະຫຍາຍຜົນ ແລະ ດຳເນີນຄະດີຕາມລະບຽບກົດໝາຍ.

Off

Comments are closed.