03rd May2018

ມ້າງຄະດີຄ້າຂາຍຢາເສບຕິດ ຂອງກາງເຮໂຣອິນ 6 ແທ່ງ

by somchan

ໃນທີ 28 ເມສາ 2018 ນີ້ ເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດແຂວງຫຼວງນ້ຳທາ ສາມາດມ້າງຄະດີລັກລອບຄ້າຂາຍຢາເສບຕິດ  ຢູ່ເຮືອນພັກແຫ່ງໜຶ່ງເຂດເມືອງສິງສາມາດ ຈັບຕົວຜູ້ກະທຳຜິດໄດ້ 4 ຄົນ ພ້ອມຂອງກາງຢາເສບຕິດປະເພດ ເຮໂຣອິນ ຈຳນວນ 6 ແທ່ງນ້ຳໜັກ 2 ກິໂລກຣາມ. ຜູ້ຖືກຫາຈຳນວນມີ 4 ຄົນມີ: ທ້າວໄມອິນ ອາຍຸ 39 ປີ ຢູ່ບ້ານຊະ, ທ້າວໄມຄຳນົນ ອາຍຸ 36 ປີ, ຢູ່ບ້ານໃຫມ່, ແລະ ທ່ານຈ່າທໍ່ ອາຍຸ 39 ປີ ບ້ານຄາລັງ ທັງ3 ຄົນແມ່ນຢູ່ເມືອງລອງ ແຂວງຫຼວງນ້ຳທາ, ແລະ ທ້າວຈ່າແຮ ອາຍຸ 28 ປີ ຢູ່ບ້ານນາແງະ ເມືອງຊຽງລາບ ແຂວງທ່າຂີ້ເຫຼັກ ປະເທດມ້ຽນມາ. ຕໍ່ກັບຄະດີລາຍດັ່ງກ່າວທ່ານ ພັຕ ຄອນສະຫວັນ ວິລາຫວ່າງ ຫົວໜ້າພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງຫຼວງນ້ຳທາໃຫ້ຮູ້ວ່າ: ໃນວັນທີ 28 ເມສາ 2018 ໄດ້ຮັບແຈ້ງຄວາມຈາກພົນລະເມືອງດີວ່າ: ຈະມີການເຄື່່ອນໄຫວຊື້້-ຂາຍເຮໂຣອິນ ຢູ່ເຮືອນພັກເຂດເມືອງສິງ ຈາກນັ້ນຈຶ່ງໄດ້ສົ່ງພະນັກງານລົງເກັບກຳຂໍ້ມູນ ເຫັນວ່າມີຄວາມຈິງ ຈຶ່ງໄດ້ຈັດວາງກຳລັງເຂົ້າຈັບກຸມ ໄດ້ຜູ້ຖືກຫາຈຳນວນ 4 ຄົນ ພ້ອມຂອງກາງເຮໂຣອິນຈຳນວນ 6 ແທ່ງໜັກ 2 ກິໂລກຣາມ ທີ່ຊຸກເຊືອງຢູ່ໃນກະເປົ່າເປ, ໂທລະສັບ 6 ໜ່ວຍ, ລົດຈັນ 2 ຄັນ. ປັດຈຸບັນ ຜູ້ຖືກຫາທັງ 4 ຄົົນຖືກເຈົ້າໜ້າທີ່ກັກຕົວໄວ້ທີ່ຄ້າຍຂຸມຄັງ-ດັດສ້າງ ປກສ ແຂວງຫຼວງນ້ຳທາ ເພື່ອສືບຕໍ່ສືບສວນ-ສອບສວນຂະຫຍາຍຜົນຕາມລະບຽບກົດໝາຍ

Off

Comments are closed.