06th Nov2019

ລມຕ ກະຊວງ ປກສ ຕ້ອນຮັບການ ເຂົ້າຢ້ຽມຂ່ຳນັບ ເອກອັກຄະລັດຖະທູດ ຍີ່ປຸ່ນປະຈຳ ສປປ ລາວ

by somchan

ໃນວັນທີ 6 ພະຈິກ ນີ້ ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ເຄອິໂຊະ ທາເຄວະກະ ເອກອັກຄະລັດຖະທູດຍີ່ປຸ່ນ ປະຈຳ ສ ປປລາວ. ເນື່ອງໃນໂອກາດທີ່ມາດຳລົງຕຳແໜ່ງ ເອກອັກຄະລັດຖະທູດຄົນໃໝ່ ປະຈຳລາວ. ໂອກາດດັ່ງກ່າວ ທ່ານ ເຄອິໂຊະ ທາເຄວະກະ ກໍ່ໄດ້ລາຍງານກ່ຽວກັບການທີ່ ໄດ້ມາດຳລົງຕຳແໜ່ງເອກອັກຄະລັດຖະທູດຄົນໃໝ່ ແລະພ້ອມທີ່ຈະສືບຕໍ່ສາຍພົວພັນທີ່ລາວ-ຍີ່ປຸ່ນທີ່ມີມາແຕ່ຍາວນານ ເວົ້າລວມ, ເວົ້າເພາະກໍ່ຄືກຳລັງປ້ອງກັນຄວາມສະຫົງບ ພ້ອມທີ່ຈະໃຫ້ການຊ່ວຍເຫຼືອດ້ານຕ່າງໆ.

ໂອກາດນີ້ ພົທ ວິໄລ ຫຼ້າຄຳຟອງ ໄດ້ສະແດງຄວາມຕ້ອນຮັບຢ່າງອົບອຸ່ນຕໍ່ການເຂົ້າຢ້ຽມຂ່ຳນັບໃນຄັ້ງນີ້ ເຊີ່ງທ່ານໄດ້ກ່າວວ່າ: ໃນໄລຍະຜ່ານມາລາວໄດ້ຮັບການສະໜັບສະໜູນແລະຊ່ວຍເຫຼືອດ້ານຕ່າງໆ ຈາກລັດຖະບານຍີ່ປຸ່ນ ສະເພາະກຳລັງປ້ອງກັນຄວາມສະຫງົບ ກໍ່ໄດ້ຮັບການຊ່ວຍເຫຼືອ ໂດຍສະເພາະແມ່ນການຝຶກອົບຮົມໃຫ້ກຳລັງ ປກສ, ການຮ່ວມມືກັນໃນດ້ານການຕ້ານສະກັດກັ້ນການກໍ່ການຮ້າຍ ແລະ ການຕ້ານອາຊະຍາກຳຕ່າງໆ ສຳລັບໃນຕໍ່ໜ້າແມ່ນ ໃຫ້ສືບຕໍ່ສາຍພົວພັນຮ່ວມມືເຊີ່ງກັນ ແລະ ກັນສືບຕໍ່ເສີມຂະຫຍາຍສາຍພົວພັນດັ່ງກ່າວໃຫ້ງອກງາມຂຶ້ນກ່ວາເກົ່າ.

Off

Comments are closed.