14th Mar2018

ລມຕ ກະຊວງ ປກສ ຕ້ອນຮັບທູດອົດສະຕຣາລີປະຈຳລາວ

by somchan

ໃນວັນທີ 12 ມີນາ 2018 ນີ້ ທີ່ຫ້ອງຮັບແຂກກະຊວງ ປ້ອງກັນຄວາມສະຫງົບ ພົນຕີ ສົມແກ້ວ ສີລາວົງ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ຈ໋ອງ ເບີນາ ຄາຣາສໂກ ເອກອັກຄະລັດຖະທູດ ອົດສະຕາລີ ປະຈຳລາວ ພ້ອມດ້ວຍຄະນະໃນໂອກາດນີ້ ທ່ານເອກອັກຄະລັດຖະທູດ ອົດສະຕາລີ ປະຈຳລາວ ໄດ້ລາຍງານກ່ຽວກັບການພົວພັນຮ່ວມມື ລາວ-ອົດສະລີ ແລະ ຈຸດປະສົງໃນການຢ້ຽມຢາມໃນຄັ້ງນີ້ ຕົ້ນຕໍແມ່ນ ເຊີນທ່ານລັດຖະມົນຕີກະຊວງປ້ອງກັນຄວາມສະຫງົບພ້ອມຄະນະ ເຂົ້າຮ່ວມກອງປະຊຸມຕ້ານອາຊະຍາກຳຂ້າມຊາດ ທີ່ຈະຈັດຂຶ້ນທີ່ປະເທດອົດສະຕາລີ ໃນລະຫວ່າງກາງເດືອນມີນານີ້. ພ້ອມກັນນີ້, ທ່ານລັດຖະມົນຕີກະຊວງປ້ອງກັນຄວາມສະຫງົບ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ກັບການພົວພັນຮ່ວມມື ລະຫວ່າງສອງປະເທດໃນໄລຍະຜ່ານມາ ໂດຍສະເພາະແມ່ນການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນໃນດ້ານຕ່າງໆ ເປັນຕົ້ນແມ່ນ ການພົວພັນຮ່ວມມືກັນສະກັດກັ້ນຕ້ານອາຊະຍາກຳຂ້າມຊາດເຊັ່ນ: ບັນຫາການຟອກເງິນ, ຄ້າ-ຂາຍຢາເສບຕິດ, ການກໍ່ອາຊະຍາກຳທາງດ້ານຄອມພິວເຕີ ການເຂົ້າເມືອງຜິດກົດໝາຍ ແລະ ບັນຫາອື່ນໆ. ທ່ານ ລັດຖະມົນຕີຢັ້ງຢືນວ່າ: ຈະນຳພາຄະນະຜູ້ແທນຂັ້ນສູງກະຊວງ ປກສ ລາວ ເຂົ້າຮ່ວມກອງປະຊຸມອົດສະຕາລີ ຂອບເຂດອການຮ່ວມມືອາຊຽນ ຫຼື ກອງປະຊຸມວ່າດ້ວຍການຕ້ານອາຊະຍາກຳຂ້າມຊາດ ທີ່ປະເທດອົດສະຕຣາລີຈະເປັນເຈົ້າພາບຈັດຂຶ້ນຢ່າງແນ່ນອນ.

Off

Comments are closed.