11th Nov2019

ລມຕ ກະຊວງ ປກສ ຕ້ອນຮັບເອກອັກຄະລັດຖະທູດລັດເຊຍ

by somchan

ໃນວັນທີ 11 ພະຈິກ 2019 ນີ້ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ວາລາດີເມຍ ກາລີນິນ ເອກອັກຄະລັດ ຖະທູດ ແຫ່ງສະຫະພັນລັດເຊຍ ປະຈຳ ສ.ປ.ປ ລາວ ເນື່ອງໃນໂອກາດທີ່ທ່ານມາດຳລົງຕຳ ແໜ່ງໃໝ່.

ໂອກາດນີ້ທ່ານ ລັດຖະມົນຕີ ກະຊວງປກສ ກໍ່ໄດ້ສະແດງຄວາມຕ້ອນຮັບຕໍ່ທ່ານເອກອັກຄະລັດຖະທູດລັດເຊຍຄົນໃໝ່ ຢ່າງອົບອຸ່ນ ພ້ອມທັງຕີລາຄາສູງຕໍ່ການຢ້ຽມຂ່ຳນັບໃນຄັ້ງນີ້ ໄລຍະຜ່ານມາ ສະຫະພັນລັດເຊຍກໍ່ໄດ້ໃຫ້ການຊ່ວຍເຫຼືອແກ່ກຳລັງ ປກສ ຫລາຍດ້ານເປັນຕົ້ນ ການຮ່ວມມືຕ້ານການກໍອາດສະຍາກຳ, ການກໍ່ການຮ້າຍ, ບັນຫາຄ້າ-ຂາຍຢາເສບຕິດ, ຄ້າມະນຸດ ພ້ອມທັງສືບຕໍ່ໃຫ້ການຊ່ວຍເຫຼືອ ແລະ ຮ່ວມມືກັບ ສປປລາວ ໃນທຸກດ້ານ.

ໂອກາດນີ້ທ່ານ ລັດຖະມົນຕີ ກໍ່ໄດ້ອວຍພອນໃຫ້ ເອກອັກຄະລັດຖະທູດລັດເຊຍຄົນ   ໃໝ່  ຈົ່ງປະສົບຜົນສຳເລັດໃນໜ້າທີ່ຕະຫຼອດໄລຍະເວລາທີ່ດຳລົງຕຳແໜ່ງ ຢູ່ ສປປ ລາວ.

 

Off

Comments are closed.