06th Aug2019

ລມຕ ກະຊວງ ປກສ ພ້ອມດ້ວຍຄະນະ ເດີນທາງເຂົ້າຮ່ວມກອງປະຊຸມ ທີ່ນະຄອນຫຼວງ ປັກກິ່ງ ສປ ຈີນ

by somchan

ວັນທີ 5 ສິງຫາ 2019 ນີ້ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ເດີນທາງໄປສາທາລະນະລັດ ປະຊາຊົນຈີນ ເພື່ອຢ້ຽມຢາມແລະເຂົ້າຮ່ວມກອງປະຊຸມ ພົບປະສອງຝ່າຍປະຈຳປີ 2019 ລະຫວ່າງ ກະຊວງປ້ອງກັນຄວາມສະຫງົບ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ

ແລະ ກະຊວງປ້ອງກັນຄວາມສະຫງົບ ແຫ່ງ ສາທາລະນະລັດ ປະຊາຊົນຈີນ ທີ່ຈະຈັດຂື້ນໃນວັນທີ 6 ສິງຫາ 2019 ນີ້ ທີ່ນະຄອນຫຼວງປັກກິ່ງ ສາທາລະນະລັດ ປະຊາຊົນຈີນ ເຊີ່ງໃຫ້ກຽດອອກສົ່ງ ຄະນະທ່ານລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ທີ່ສະໝາມບີນສາກົນວັດໄຕ ໂດຍທ່ານ ຈຽງ ຈ້າຍຕົ່ງ ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງສາທາລະນະລັດ ປະຊາຊົນຈີນ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ ແລະ ນາຍຕຳຫຼວດກົມກອງວິຊາສະເພາະ ອອກສົ່ງໃນໂອກາດທີ່ມີຄວາມໝາຍສຳຄັນນີ້ ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕ້ມ ແຫ່ງ ສາທາລະນະລັດ ປະຊາຊົນຈີນ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ອວຍພອນໃຫ້ຄະນະທ່ານ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະ ຈົ່ງເດີນທາງໄປຢ້ຽມຢາມ ແລະ ເຮັດວຽກຢູ່ ສາທາລະນະລັດ ປະຊາຊົນຈີນ ດ້ວຍຄວາມສະຫວັດດີພາບ ແລະ ເຮັດສຳເລັດໜ້າທີ່ການເມືອງ ທີ່ພັກ-ລັດ ແລະ ປະຊາຊົນມອບໝາຍໃຫ້.

ພ້ອມນີ້, ທ່ານລັດຖະມົນຕີ ກະຊວງປ້ອງກັນຄວາມສະຫງົບ ໄດ້ສະແດງຄວາມຂອບໃຈ ຕໍ່ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດ ປະຊາຊົນຈີນ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ ແລະ ນາຍຕຳຫຼວດທີ່ໄດ້ອອກສົ່ງໃນຄັ້ງນີ້ ແລະ ຈະນຳເອົາເນື້ອໃນຈິດໃຈຜົນສຳເລັດ ຂອງກອງປະຊຸມພົບປະທັງສອງຝ່າຍ ຂອງສອງກະຊວງປ້ອງກັນຄວາມສະຫງົບໃນຄັ້ງນີ້ ມາສຶບຕໍ່ເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງຍາວນານລະຫວ່າງສອງຊາດ ສອງກຳລັງປ້ອງກັນຄວາມສະຫງົບ ລາວ-ຈີນ ໃຫ້ນັບມື້ແຕກດອກອອກຜົນຂື້ນເລື້ອຍໆ.

Off

Comments are closed.