10th Aug2018

ລມຕ ກະຊວງ ປກສ ສຳເລັດການເຂົ້າຮ່ວມ ກອງປະຊຸມລະດັບເຈົ້າໜ້າທີ່ອາວຸດໂສ ຄັ້ງທີ 7 ຢູ່ບາລີ.

by somchan

ພົຕ ສົມແກ້ວ ສີລາວົງ ລັດຖະມົນຕີ ກະຊວງ ປກສ ພ້ອມດ້ວຍຄະນະ ໄດ້ສຳເລັດການເຂົ້າຮ່ວມ ກອງປະຊຸມລະດັບເຈົ້າໜ້າທີ່ອາວຸໂສ ແລະ ລະດັບລັດຖະມົນຕີ ຄັ້ງທີ 7 ຂອງຂະບວນການບາລີ ກ່ຽວກັບການລັກລອບຄ້າມະນຸດ ແລະ ອາຊາຍະກຳຂ້າມຊາດ, ການລັກລອບເຂົ້າເມືອງຜິດກົດໝາຍ ແລະ ບັນຫາຕ່າງໆ ທີ່ໄດ້ຈັດຂຶ້ນໃນລະຫວ່າງວັນທີ 6-7 ສິງຫາ 2018 ນີ້, ທີ່ປະເທດອິນໂດເນເຊຍ ແລະ ເດີນທາງກັບ ສປປ ລາວ ໃນວັນທີ 8 ສິງຫາ 2018 ນີ້.

ການເຂົ້າຮ່ວມກອງປະຊຸມຄັ້ງນີ້, ມີທັງໝົດ 45 ປະເທດ ແລະ 3 ອົງການເຂົ້າຮ່ວມ, ຜູ້ແທນກອງປະຊຸມໄດ້ພ້ອມກັນປຶກສາຫາລືເພື່ອແກ້ໄຂ ແລະ ການລັກລອບການຄ້າມະນຸດ, ການກົດຂີ່ຂູດຮີດແຮງງານ ແລະ ການນຳໃຊ້ແຮງງານເດັກ ໃນພາກພື້ນອິນໂດປາຊີຟິກ. ກອງປະຊຸມຄັ້ງນີ້, ຍັງເປັນກອງປະຊຸມທີ່ມີສ່ວນຮ່ວມລະຫວ່າງພາກລັດ ແລະ ພາກທຸລະກິດ ເພື່ອຮ່ວມກັນສະກັດກັ້ນ ແລະ ລົບລ້າງຂະບວນການຄ້າມະນຸດ ຫຼືບຸກຄົນທີ່ຕ້ອງເປັນເຫຍື່ອ, ຜູ້ຖືກເຄາະຮ້າຍກັບຄືນສູ່ສັງຄົມ, ໃຫ້ເຂົາເຈົ້າດຳລົງຢ່າງປົກກະຕິ ແລະ ພ້ອມກັນແກ້ໄຂບັນຫາການອົບພະຍົບປະຊາຊົນ.

Off

Comments are closed.