10th Oct2017

ລມຕ ກະຊວງ ປກສ ສຳເລັດການເຂົ້າຮ່ວມ ກອງປະຊຸມທີ່ປະເທດຣັດເຊຍ

by somchan

ພົນຕີ ສົມແກ້ວ ສີລາວົງ ລັດຖະມົນຕີ ກະຊວງ ປ້ອງກັນຄວາມສະຫງົບພ້ອມດ້ວຍຄະນະ ໄດ້ສຳເລັດການເຂົ້າຮ່ວມກອງປະຊຸມຫົວໜ້າ ການປະຕິບັດການພິເສດ, ຫົວໜ້າອົງການ ຮັກສາຄວາມໝັ້ນຄົງ, ອົງການປະຕິບັດກົດໝາຍ ຄັ້ງທີ 16 ທີ່ປະເທດຣັດເຊຍ ໃນລະຫວ່າງວັນທີ 4-5 ຕຸລາ 2017 ນີ້.

ໃນໂອກາດເຂົ້າຮ່ວມກອງປະຊຸມດັ່ງກ່າວ ລັດຖະມົນຕີກະຊວງປ້ອງກັນຄວາມສະຫົງບ ໄດ້ເຂົ້າຮ່ວມປຶກສາຫາລືກ່ຽວກັບການຕ້ານການກໍ່ການຮ້າຍ ແລະ ການແລກປ່ຽນທັດສະນະການກໍ່ການຮ້າຍໃນປັດຈຸບັນ, ພ້ອມທັງຕີລາຄາທ່າອ່ຽງການກໍ່ການຮ້າຍໃນຕໍ່ໜ້າ ແລະ ວິທີການຕອບຕ້ານຢ່າງທັນການໃນອະນາຄົດ, ພ້ອມນັ້ນ, ທ່ານລັດຖະມົນຕີກະຊວງປ້ອງກັນຄວາສະຫງົບ ຍັງໄດ້ເຂົ້າພົບປະຢ້ຽມຢາມທ່ານຮອງລັດຖະມົນຕີກະຊວງພາຍໃນຂອງຣັດເຊຍ ໂດຍໄດ້ປຶກສາຫາລື ແລະ ແລກປ່ຽນວຽກງານຮ່ວມກັນ ໂດຍສະເພາະ ຄວາມເປັນໄປໄດ້ໃນການສະໜອງຂໍ້ມູນຂ່າວສານດ້ານການສະກັດກັ້ນ ແລະ ຕ້ານການກໍ່ການຮ້າຍ, ການຝຶກອົບຮົມວຽກງານວິຊາສະເພາະໃຫ້ກຳລັງທີ່ເຮັດວຽກງານຕົວຈິງ ການປະກອບພາຫະນະອຸປະກອບເຕັກນິກທີ່ທັນສະໄໝ ລວມໄປເຖິງຂໍ້ກຳນົດຕ່າງໆ ແລະ ກົນໄກການປະສານງານວຽກງານຮ່ວມກັນຢ່າງເປັນປົກກະຕິ ແລະ ວຽກງານອື່ນໆ.

 

Off

Comments are closed.