10th Jul2019

ລມຕ ກະຊວງ ປກສ ເນັ້ນໜັກໃຫ້ນາຍ ແລະ ພົນຕຳຫຼວດຂັ້ນສູງ ກະຊວງ ປກສ ຍົກສູງບົດບາດການຊີ້ນຳ-ນຳພາ

by somchan

ພົທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ມີຄຳເຫັນໂອ້ລົມຕໍ່ພິທີປະກາດເລື່ອນຊັ້ນ ພັນເອກ ໃຫ້ນາຍແລະພົນຕຳຫຼວດຂັ້ນສູງ ກະຊວງປ້ອງກັນຄວາມສະຫງົບ.

ເພື່ອສືບຕໍ່ໜ້າທີ່ຂອງກຳລັງປ້ອງກັນຄວາມສະຫງົບ ໃຫ້ເປັນກຳລັງປະຕິວັດມີແບບແຜນ, ວິໄນ, ມີຄວາມກ້າວໜ້າທັນສະໄໝເທື່ອລະກ້າວຕາມທິດ ຊີ້ນຳຂອງກົມການເມືອງສູນກາງພັກກໍ່ຄືລັດຖະບານເຊີ່ງທ່ານໄດ້ເນັ້ນໜັກໃຫ້ຄະນະພັກ-ຄະນະບັນຊາ, ພະນັກງານຫຼັກແຫຼ່ງກົມກອງອ້ອມຂ້າງກະຊວງ ໂດຍສະເພາະແມ່ນຜູ້ທີ່ໄດ້ຮັບການເລື່ອນຊັ້ນ, ຈົ່ງເພີ່ມທະວີຄວາມຮັບຜິດຊອບ ໃນການຊີ້ນຳ-ນຳພາ, ຕ້ອງມີແບບແຜນວິທີເຮັດວຽກ, ເຊີດຊູຄວາມເປັນແບບຢ່າງນຳໜ້າ, ຕັ້ງໜ້າສຶກສາອົບຮົມການເມືອງແນວຄິດໃຫ້ພະນັກງານ, ສະມາຊິກພັກທີ່ຢູ່ໃນຄວາມຮັບຜິດຊອບຂອງຕົນ, ຕັ້ງໜ້າແກ້ໄຂປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມເພື່ອເຮັດໃຫ້ສັງຄົມມີຄວາມສະຫງົບ, ຄວາມເປັນລະບຽບຮຽບຮ້ອຍໂດຍພື້ນຖານ.

Comments are closed.