09th Jan2020

ລມຕ ກະຊວງ ປກສ ໂອ້ລົມແລະໃຫ້ທິດຊີ້ນຳແກ່ຄະນະບັນຊາ ແລະ ບັນດາ ປກສ ແຂວງ ທົ່ວປະເທດ

by somchan

ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ໂອ້ລົມ ແລະ ໃຫ້ທິດຊີ້ນີ້ນຳແກ່ຄະນະບັນຊາ, ພະນັກງານຫຼັກແຫຼ່ງ ກົມກອງອ້ອມຂ້າງ ແລະ ບັນດາ ປກສ ແຂວງ ທົ່ວປະເທດ ໃນກອງປະຊຸມສະຫຼູບວຽກງານ ປ້ອງກັນຄວາມສະຫງົບ ປະຈຳປີ 2019 ໃນວັນທີ 7-8 ມັງກອນນີ້ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ຂອງກຳລັງປ້ອງກັນຄວາມສະຫງົບ ຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະພັກ ຄະນະບັນຊາເພີມທະວີ ການເຄື່ອນໄຫວວຽກງານວິຊາສະເພາະໃຫ້ແຂງແຮງຢູ່ແຕ່ລະຂັ້ນ ໂດຍສະເພາະວຽກງານສືບຂ່າວ, ເກັບກຳເປົ້າໝາຍທີກ່ຽວຂ້ອງກັບກົນອຸບາຍ, ການເຄື່ອນໄຫວມ້າງເພທຳລາຍ ຂອງກຳລັງປໍລະປັກ, ເຂັ້ມງວດກວດກາການຮັບລັດຖະກອນ ຂອງສຳນັກງານອົງການ ທັງຕິດຕາມກຳແໜ້ນ ການເຄື່ອນໄຫວຂອງອົງການຈັດຕັ້ງສັງຄົມ, ມູນລະນິທິ, ການຈັດຕັ້ງ, ການເຄືອນໄຫວຂອງອົງການຈັດຕັ້ງທີ່ບໍ່ຂື້ນກັບລັດຖະບານ, ການສວຍໃຊ້ຮູບການລົງທືນ, ການທ່ອງທ່ຽວ, ຢ້ຽມຢາມແອບແຝງ ເພື່ອສ້າງໜໍແໜງຄວາມບໍ່ສະຫງົບ ຢູ່ພາຍໃນປະເທດທຸກຮູບແບບ, ສຸມໃສ່ການຄຸມຄອງກວດກາ,ການນຳໃຊ້ຊື່ສັງຄົມອ່ອນລາຍ, ດ້ານເຂົ້າອອກເມືອງ, ວຽກງານຄຸ້ມຄອງສຳມະໂນຄົວ ໂດຍສະເພາະການຄຸມຄອງຄົນຕ່າງດ້າວ ແລະ ການເຄື່ອນຍ້າຍພູມລຳເນົາແບບບໍ່ຖືກຕ້ອງ ວຽກງານຫຼຸ່ດຜ່ອນອຸປະຕິເຫດຕາມທ້ອງຖະໜົນ, ວຽກງານຄຸມຂັງດັດສ້າງ, ການສືບສວນ-ສອບສວນ ແກ້ໄຂຄະດີໃຫ້ເຂົ້າສູ່ນິຕິກຳ ແລະ ກົດໝາຍທັງສືບຕໍ່ແກ້ໄຂຫາສຽງຂອງສັງຄົມ ພ້ອມທັງເອົາໃຈໃສ່ຂົງເຂດວຽກງານປັບປຸງກໍ່ສ້າງພັກ, ກໍ່ສ້າງກຳລັງປ້ອງກັນຄວາມສະຫງົບ, ວຽກງານຮັບປະກັນດ້ານພາລາທິການ, ວຽກງານພົວພັນ ຮ່ວມມືກັບຕ່າງປະເທດ ແລະ ວຽກງານອື່ນໆ

Off

Comments are closed.