02nd Apr2019

ລມຕ ກະຊວງ ປກສ ໄດ້ລົງພົບປະຢ້ຽມຢາມ ຄະນະອຳນວຍການ, ພະນັກງານ-ນັກຮົບໂຮງໝໍ 5 ເມສາ

by somchan

ວັນທີ່2ເມສາ2019ນີ້ການນຳກະຊວງປ້ອງກັນຄວາມສະຫງົບ ນຳພາໂດຍ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະໄດ້ລົງພົບປະຢ້ຽມຢາມຄະນະພັກ, ຄະນະອຳນວຍການ, ພະນັກງານຫຼັກແຫຼ່ງ, ພະນັກງານນັກຮົບໂຮງໝໍ 5 ເມສາ ກົມໃຫ່ຍພາລາທິການ ກະຊວງປ້ອງກັນຄວາມສະຫງົບ ແລະ ພະນັກງານ-ນັກຮົບ ຜູ້ເຈັບປ່ວຍທີ່ນອນປີ່ນປົວ ຢູ່ໂຮງໝໍ 5 ເມສາ ເນື່ອງໃນໂອກາດຂັບນັບຊົມເຊີຍ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 58 ປີ ໂດຍການໃຫ້ກຽດຕ້ອນຮັບຂອງ ພົຈວ ຄຳໄຕ ຄຳແພງເພັດ, ຫົວໜ້າກົມໃຫ່ຍພາລາທິການ ກະຊວງປ້ອງກັນຄວາມສະຫງົບ, ພັອດຮ ຄຳບານ ຫຼ້າຄູນເຮືອນ ອຳນວຍການໂຮງໝໍ 5 ເມສາ ພ້ອມດ້ວຍຄະນະພັກ, ພະນັກງານຫຼັກແຫຼ່ງ, ພະນັກງານ-ນັກຮົບ ໂຮງໝໍ 5 ເມສາໃຫ້ການຕ້ອນຮັບຢ່າງອົບອຸ່ນ.

ພັອ ດຮ ຄຳບານ ຫຼ້າຄູນເຮືອນ ອຳນວຍການໂຮງໝໍ 5 ເມສາ ຕາງໜ້າຄະນະພັກ ຄະນະບັນຊາ ພະນັກງານຫຼັກແຫຼ່ງ ໂຮງໝໍ 5 ເມສາ ໄດ້ສະແດງຄວາມຕ້ອນຮັບ ທ່ານ ລັດຖະມົນຕີກະຊວງປ້ອງກັນຄວາມສະຫງົບ ດ້ວຍຄວາມອົບອຸ່ນ ແລະ ໄດ້ລາຍງານສະພາບການຈັດຕັ້ງປະຕິບັດນຳພາບັນຊາ ເຮັດໜ້າທີວຽກງານວິຊາສະເພາະໃນ 1 ປີຜ່ານມາ ໂຮງໝໍ 5 ເມສາ ແມ່ນຍາດໄດ້ຜົນງານຫຼາຍດ້ານສະແດງອອກໄດ້ເອົາໃຈໃສ່ບໍລິການຮັບຕ້ອນຄົນເຈັບມາກວດເຂດນອກໄດ້ໝົດ ໜື່ງໝື່ນກ່ວາຄົນ ກວດປີ່ນປົວສຸກເສີນໄດ້ ຫົກພັນກ່ວາເທື່ອຄົນ, ຮັບເຂົ້ານອນໂຮງໝໍ ໜື່ງພັນກ່ວາເທື່ອຄົນ ຊ່ວຍເກີດລູກໄດ້ ໜື່ງຮ້ອຍກ່ວາເທື່ອຄົນ, ກວດທ້ອງແມ່ຖືພາໄດ້ ສອງພັນກ່ວາເທື່ອຄົນ, ສັກຢາເດັກນ້ອຍໄດ້ ໜື່ງພັນກ່ວາເທື່ອຄົນ, ກວດລັງສີເອັກໂກໄດ້ຫົກພັນກ່ວາເທື່ອຄົນ ແລະ ກວດສຸຂະພາບການນຳປະຈຳປີ 2018 ກົມກອງອ້ອມຂ້າງກະຊວງປ້ອງກັນຄວາມສະຫງົບໄດ້ໜື່ງພັນກ່ວາເທື່ອຄົນ.

ໃນໂອກາດດຽວກັນນີ້ທ່ານລັດຖະມົນຕີ ກະຊວງປ້ອງກັນຄວາມສະຫງົບ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະພັກ, ພະນັກງານຫຼັກແຫຼ່ງ ແລະ ພະນັກງານ-ນັກຮົບ ໂຮງໝໍ 5 ເມສາ ຍາດມາໄດ້ໃນໄລຍະຜ່ານມາ ພ້ອມທັງໂອລົມໃຫ້ທິດຊີ້ນຳ ແລະ ເນັ້ນໜັກຫຼາຍວຽກງານໃຫ້ຄະນະພັກ, ຄະນະອຳນວຍການ ໂຮງໝໍ 5 ເມສາ ຕ້ອງໄດ້ເອົາໃຈໃສ່ສືບຕໍ່ເປັນຕົ້ນແມ່ນການບໍລິການໃຫ້ໄດ້ຄຸນນະພາບ ເພີມທະວີເອົາໃຈໃສ່ປັບປຸງວຽກງານພັກ ວຽກງານພະນັກງານ ແລະ ປັບປຸງແບບແຜນການເຮັດວຽກວິຊາສະເພາະໃຫ້ດີມີຄຸນນະພາບ ແລະ ວຽກງານອື່ນໆໃຫ້ມີປະສິດທິຜົນ.

ພ້ອມນີ້ ທ່ານ ລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍຄະນະກໍ່ໄດ້ເຂົ້າຢ້ຽມຢາມພະນັກງານຜູ້ປ່ວຍທີ່ນອນໂຮງໝໍຢູ່ໂຮງໝໍ 5 ເມສາ ພ້ອມທັງມອບກະຕ່າຂອງຂັວນໃຫ້ຄົນເຈັບ ແລະ ອ່ວຍພອນໃຫ້ພະນັກງານ-ນັກຮົບ ທີ່ນອນປີ່ນປົວຢູ່ໂຮງໝໍ ໃຫ້ຫາຍດີຈາກພະຍາດຕ່າງໆແລ້ວກັບຄືນສູ່ຄອບຄົວ ແລະ ກົມກອງສືບຕໍ່ພາລະກິດ ທີພັກລັດ ແລະ ການຈັດຕັ້ງຂັ້ນເທີງມອບໝາຍຢ່າງມີປະສິດທິຜົນ.

Off

Comments are closed.