20th Nov2019

ລມຕ ຕ້ອນຮັບການເຂົ້າຢ້ຽມຂ່ຳນັບ ຂອງ ພົຈວ ໂດເລຈີ ຈາກກະຊວງຕຳຫຼວດ ສສ ຫວຽດນາມ

by somchan

ໃນວັນທີ 19 ພະຈິກ 2019 ນີ້ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ພົຈວ ໂດເລຈີ ຫົວໜ້າກົມວິທະຍາສາດ, ຍຸດທະສາດ ແລະ ປະຫັວດສາດ ກະຊວງຕຳຫຼວດ ສສ ຫວຽດນາມ ພ້ອມຄະນະ ໃນໂອກາດທີ່ທ່ານເດີນທາງມາພົບປະແລກປ່ຽນບົດຮຽນກັບກົມຄົ້ນຄ້ວາວິທະຍາສາດ-ປະຫັວດສາດ ກະຊວງປ້ອງກັນຄວາມສະຫົງບລາວ.

ໂອກາດນີ້,  ພົຈວ ໂດເລຈີ ໄດ້ລາຍງານໃຫ້ທ່ານລັດຖະມົນຕີກະຊວງປ້ອງກັນຄວາມສະຫງົບຮັບຊາບກ່ຽວກັບການພົບປະແລກປ່ຽນບົດຮຽນກັບກົມຄົ້ນວິທະຍາສາດ-ປະຫັວດສາດ ກະຊວງ ປກສ ລາວ ມີຜົນສຳເລັດຕາມຄາດໝາຍ ໂດຍປະຕິບັດຕາມແຜນການຮ່ວມມືປະຈຳປີ 2019 ຂອງສອງກະຊວງ ໂດຍສະເພາະແມ່ນການຈັດຕັ້ງຄົ້ນຄ້ວາ ຮຽບຮຽງປະຫັວດສາດ ຄະນະຊ່ຽວຊານ ກະຊວງຕຳຫຼວດ ສສ ຫວຽດນາມ ຢູ່ ສປປ ລາວ ແຕ່ປີ 1961-2016.

ພ້ອມດຽວກັນນີ້ ພົທ ວິໄລ ຫຼ້າຄຳຟອງ

ລັດຖະມົນຕີ ກະຊວງປ້ອງກັນຄວາມສະຫົງບ ລາວ ກໍ່ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ຜົນສຳເລັດ ໃນການພົບປະແລກປ່ຽນບົດຮຽນເຊິ່ງກັນ ແລະ ກັນໃນຄັ້ງນີ້ ແລະ ໃຫ້ສືບຕໍ່ພົວພັນຮ່ວມມືປຶກສາຫາລືແລກປ່ຽນບົດຮຽນເຊິ່ງກັນແລະກັນໃນການຄົ້ນຄ້ວາຮຽບຮຽງປະຫັວດສາດ ຄະນະຊ່ຽວຊານ ກະຊວງຕຳຫຼວດຫວຽດນາມ ຢູ່ ສປປລາວ ໃຫ້ປະສົບຜົນສຳເລັດຕາມຈຸດປະສົງຄາດໝາຍທີ່ວາງໄວ້. ເພື່ອເປັນການເສີມຂະຫຍາຍສາຍພົວພັນຮ່ວມມື, ຊ່ວຍເຫຼືອເຊິ່ງກັນ ແລະ ກັນລະຫ່ວາງສອງພັກສອງຊາດໃນໄລຍະຜ່ານມາເວົ້າລວມ, ເວົ້າສະເພາະແມ່ນສອງກະຊວງປ້ອງກັນຄວາມສະຫົງບລາວ ແລະ ກະຊວງຕຳຫຼວດຫວຽດນາມ ທີ່ໄດ້ຄຽງບ່າຄຽງໄຫຼ່ກັນໃນການຕໍ່ສູ້, ຊ່ວຍເຫຼືອເຊິ່ງກັນ ແລະ ກັນ ເພື່ອພາລະກິດປົດປ່ອຍຊາດ ແລະ ພາລະກິດສ້າງສາພັດທະນາປະເທດຊາດຂອງສອງປະເທດ.

Off

Comments are closed.