05th Mar2019

ລມຕ ປກສ ເດີນທາງເຂົ້າຮ່ວມກອງປະຊຸມສອງຝ່າຍ ຢູ່ກຳປູເຈຍ

by somchan

 

 

ໃນວັນທີ່ 4 ມີນາ 2019 ນີ້ ຄະນະນຳກະຊວງປ້ອງກັນຄວາມສະຫງົບ ເຊີ່ງນຳໂດຍ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະໄດ້ເດີນທາງໄປເຄື່ອນໄຫວຢ້ຽມຢາມ ແລະ ເຂົ້າຮ່ວມກອງປະຊຸມຮ່ວມມືສອງຝ່າຍ ລະຫວ່າງກະຊວງປ້ອງກັນຄວາມສະຫງົບລາວ ແລະ ກະຊວງພາຍໃນ ກຳປູເຈຍ ຢູ່ທີນະຄອນຫຼວງພະນົມເປັນ ໃນລະຫວ່າງວັນທີ 3-5 ມີນາ 2019.

ໂດຍອີງຕາມການເຊີນຂອງລັດຖະມົນຕີກະຊວງພາຍໃນກຳປູເຈຍ ດັ່ງນັ້ນ ພົທ ວິໄລ ຫຼ້າຄຳຟອງ ພ້ອມຜູ້ແທນຂັ້ນສູງຂອງກະຊວງ ປກສ ລາວ ໄດ້ເດີນທາງໄປເຄື່ອນໄຫວຢ້ຽມຢາມສັນທະວະໄມຕີ ແລະ ເຂົ້າຮ່ວມ ກອງປະຊຸມວ່າດ້ວຍການຮ່ວມມືສອງຝ່າຍລະຫວ່າງສອງກະຊວງ ເພື່ອພ້ອມກັນສະຫຼູບຕີລາຄາການປະຕິບັດແຜນການຮ່ວມມືໃນປີຜ່ານມາ ປືກສາຫາລື ແລະ ລົງນາມເຊັນບົດບັນທືກວ່າດ້ວຍການຮ່ວມ ມືວຽກງານປ້ອງກັນຄວາມສະຫງົບ ແລະ ຮັກສາຄວາມເປັນລະບຽບຮຽບຮ້ອຍໃນສັງຄົມ ແລະ ຕາມຊາຍແດນຂອງທັງສອງປະເທດໃນປີຕໍ່ໜ້າ.

Off

Comments are closed.