12th Sep2019

ລມຕ ລົງພົບປະ ແລະ ເຮັດວຽກ ຢູ່ວິທະຍາຄານຕຳຫຼວດປະຊາຊົນ

by somchan

ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ໄດ້ລົງເຮັດວຽກ ແລະ ພົບປະໂອ້ລົມ ຄະນະພັກ-ຄະນະອຳນວຍການ, ຄູ-ອາຈານ ແລະ ນັກຮຽນ-ນັກສຶກສາ ວິທະຍາຄານຕຳຫຼວດປະຊາຊົນ ກະຊວງປ້ອງກັນຄວາມສະຫງົບ. ໃນວັນທີ 11 ກັນຍາ 2019 ໂດຍມີ ພົນຈັດຕະວາ ປອ ບຸນຊູ ນາມມະຈັກ ອຳນວຍການວິທະຍາຄານຕຳຫຼວດປະຊາຊົນ ພ້ອມດ້ວຍຄະນະ, ຄູ-ອາຈານ, ນັກຮຽນ-ນັກສຶກສາ ໃຫ້ການຕ້ອນຮັບ .

ໃນໂອການນີ້ ຄະນະອຳນວຍການ ວິທະຍາຄານຕຳຫຼວດປະຊາຊົນ ໄດ້ລາຍງານສະພາບ, ທີ່ຕັ້ງ, ພາລະບົດບາດ, ກົງຈັກການຈັດຕັ້ງ-ບຸກຄະລາກອນ ແລະ ການເຄື່ອນໄຫວວຽກງານ ປີ 2019 ຂອງວິທະຍາຄານຕຳຫຼວດປະຊາຊົນ; ມີພາລະບົດບາດເປັນເສນາທິການໃຫ້ແກ່ກະຊວງປ້ອງກັນຄວາມສະຫງົບ ກ່ຽວກັບການຄົ້ນຄ້ວາ, ຜັນຂະຫຍາຍແຜນຍຸດທະສາດພັດທະນາກຳລັງຕຳຫຼວດ ໃຫ້ມີຄວາມໜັກແໜ້ນເຂັ້ມແຂງ ທາງດ້ານການເມືອງແນວຄິດ ການຈັດຕັ້ງ ແລະ ວິຊາສະເພາະ. ໂດຍການຫັນເອົາແນວທາງນະໂນບາຍຂອງພັກ, ແນວທາງປ້ອງກັນຊາດ-ປ້ອງກັນຄວາມສະຫງົບ ໄປຈັດຕັ້ງຜັນຂະຫຍາຍຢ່າງຮອບດ້ານ ຍົກລະດັບການຮຽນ-ການສອນ ໃຫ້ສອດຄ່ອງສະພາບການຂະຫຍາຍຕົວຂອງສັງຄົມ, ເຊື່ອມໂຍງເຂົ້າກັບສາກົນ ແລະ ພາກພຶ້ນ, ສົມຄູ່ກັບການປະຕິວັດອຸດສາຫະກຳ ຄັ້ງທີ 4 ຫຼືເອີ້ນວ່າ: ຍຸກອຸດຫະກຳ 4,0 ໃຫ້ແກ່ນັກສຶກສາ-ນັກຄົ້ນຄວ້າຮຸ່ນຕ່າງໆ.

ໃນໂອກາດນີ້ ທ່ານລັດຖະມົນຕີ ກະຊວງປ້ອງກັນຄວາມສະຫງົບ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສຳເລັດ ທີ່ຄະນະພັກ-ຄະນະອຳນວຍການ, ຄູ-ອາຈານ, ນັກຮຽນ-ນັກສຶກສາ. ພ້ອມທັງຮຽກຮ້ອງ ແລະ ເໜັ້ນໜັກ ໃຫ້ຄະນະພັກ-ຄະນະອຳນວຍການ, ຄູ-ອາຈານ ວິທະຍາຄານຕຳຫຼວດປະຊາຊົນ, ຕ້ອງສຶບຕໍ່ຮັກສາ ເສີມຂະຫຍາຍມູນເຊື້ອຜົນງານທີ່ຍາດມາໄດ້ໃນໄລຍະຜ່ານມາ, ປັບປຸງແບບແຜນວິທີເຮັດວຽກໃຫ້ຖືກຕ້ອງ ສອດຄ່ອງສະພາບຄວາມເປັນຈິງໃນໄລຍະໃຫມ່ ເຊິ່ງບາງຕອນທ່ານໄດ້ມີຄຳເຫັນເໜັ້ນນັກວ່າ:

Comments are closed.