29th Jun2020

ລັດຖະບານຊີ້ແຈ້ງບັນຫາທີ່ສະມາຊິກສະພາ ແລະ ສັງຄົມມີຄວາມສົນໃຈ.

by somchan

ໃນວາລະດຳເນີນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ໃນວັນທີ 25 ມິຖຸນາ 2020 ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ໃນກອງປະຊຸມບັນດາສະມາຊິກສະແຫ່ງຊາດແຕ່ລະເຂດເລືອກຕັ້ງ ໄດ້ຮັບຟັງການຊີ້ແຈ້ງຕໍ່ຄຳຊັກຖາມຂອງສະພາແຫ່ງຊາດ ຈາກ ປອ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ກ່ຽວກັບການຈັດຕັ້ງປະຕິບັດ ແລະ ການຄຸ້ງຄອງທຶນ ແລະ ແຜນພັດທະນາເສດຖະກິດ-ສັງຄົມ.

ຫຼັງຈາກນັ້ນ ບັນດາສະມາຊິກສະພາແຫ່ງຊາດແຕ່ລະເຂດເລືອກຕັ້ງໄດ້ປະກອບຄຳເຫັນເພື່ອໃຫ້ເນື້ອໃນມີຄວາມກະຈ່າງແຈ້ງ ເພື່ອນຳໄປຈັດຕັ້ງປະຕິບັດໃຫ້ມີປະສິດທິຜົນ, ຈາກນັ້ນ ໃນກອງປະຊຸມ ກໍໄດ້ຮັບການຊີ້ແຈ້ງຈາກທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ກ່ຽວກັບມາດຕະການໃນການເພີ່ມທະວີ ການຈັດເກັບລາຍຮັບ, ພ້ອມທັງ ການຈຳກັດ ແລະ ປະຫຍັດລາຍຈ່າຍ ແລະ ລະດົມທຶນຈາກພາຍໃນ ແລະຕ່າງປະເທດ ເພື່ອມາດຸ່ນດ່ຽງງົບປະມານ, ມາປະຕິບັດການຊຳລະໜີ້ສິນການກູ້ຢືມ ທັງພາຍໃນ ແລະ ຕ່າງປະເທດ.

 

Off

Comments are closed.