07th Jun2018

ລັດຖະບານລາຍງານຄວາມຄືບໜ້າ ບັນດາໂຄງການໃຫຍ່ລະດັບຊາດ.

by somchan

ກອງປະຊຸມສະໄໝສາມັນເທືອທີ 5 ຂອງສະພາ ແຫ່ງຊາດຊຸດທີ 8 ໄດ້ໄຂຂຶ້ນໃນວັນທີ 5 ມິຖຸນາ 2018 ນີ້ ໂດຍການເປັນປະທານ ຂອງທ່ານນາງ ປານີ ຢາທໍ່ຕູ້ ປະທານສະພາ ແຫ່ງຊາດ ໃຫ້ກຽດເຂົ້າຮ່ວມຂອງພະນະທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ, ມີຜູ້ນຳ, ອາດີດການນຳຂັ້ນສູງຂອງພັກ-ລັດ, ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງເຂົ້າຮ່ວມ.

ກອງປະຊຸມໄດ້ຮັບຟັງບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດປະຈຳປີ 4 ເດືອນ, ຄາດຄະເນການປະຕິບັດແຜນ 6 ເດືອນຕົ້ນປີ 2018 ແລະ ທິດທາງວຽກງານຈຸດສຸມ ປະຈຳ 6 ເດືອນທ້າຍປີ 2018 ຂອງ ທ່ານທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຕະຫຼອດໄລຍະ 4 ເດືອນຜ່ານມາ ຄະນະລັດຖະບານໄດ້ຈັດຕັ້ງປະຕິບັດວຽກງານຈຸດສຸມຕາມທີ່ໄດ້ສະເໜີໃນກອງປະຊຸມສະໄໝສາມັນເທື່ອທີ 4 ໂດຍໄດ້ຜັນຂະຫຍາຍບັນດາມະຕິຂອງສະພາ ແຫ່ງຊາດ ເປັນແຜນວຽກຕົວຈິງ ເຮັດການຄຸ້ມຄອງລັດ ກໍ່ຄືການຈັດຕັ້ງປະຕິດບັດແຜນພັດທະນາເສດຖະກິດ-ສັງຄົມ ດຳເນີນໄປຕາມລະດັບຄາດໝາຍ ຕາມແຜນການທີ່ວາງໄວ້ ເຊິ່ງໃນໄລຍະຜ່ານມາລັດຖະບານໄດ້ຖືກເອົາວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ຮັກສາຄວາມເປັນລະບຽບຮຽບຮ້ອຍໃນສັງຄົມ ເປັນວຽກງານທີ່ສຳຄັນ ແລະ ສາມາດຮັກສາໄດ້ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ, ສ້າງເງື່ອນໄຂທີ່ອຳນວຍຄວາມສະດວກໃຫ້ແກ່ການພັດທະນາປະເທດຊາດ, ໂດຍເອົາໃຈໃສ່ເປັນພິເສດຕໍ່ການແກ້ໄຂບັນຫາຢາເສບຕິດ, ອຸປະຕິເຫດຕາມທ້ອງຖະໜົນ ແລະ ປະກົດການຫຍໍ້ທໍ້ຕ່າງໆຢ່າງຮອບຄອບ, ເປັນບາດກ້າວ ແລະ ມີຄວາມຄືບໜ້າເປັນຢ່າງດີ ແລະຄ່ຽງຄູ່ກັນນີ້ ຍັງໄດ້ເອົາໃຈໃສ່ໃນການພັດທະນາທາງດ້ານເສດຖະກິດ ໂດຍລວມ ດຳເນີນໄປຕາມຄາດໝາຍ ແລະ ແຜນການທີ່ວາງໄວ້, ສະແດງອອກອັດຕາການເຕີບໂຕຂອງເສດຖະກິດ 6 ເດືອນຕົ້ນປີ ຄາດວ່າຈະບັນລຸໄດ້ລະດັບ 67%; ໃນນັ້ນ, ຂະແໜງກະສິກຳຄາດວ່າຈະເພີ່ມຂຶ້ນ 2,9%, ມະຕິສະພາຮັບຮອງ 2,8% ກວມ 15,9% ຂອງ GDP ຂະແໜງອຸດສາຫະກຳເພີ່ມຂຶ້ນ 7% GDPF, ພາສີຈາກການນຳເຂົ້າເພີ່ມຂຶ້ນ 6,8% ຄາດຄະເນສະເລ່ຍຕໍ່ຫົວຄົນ 2.000 ກວ່າໂດລາ, ປະຕິບັດລາຍຮັບ-ລາຍຈ່າຍງົບປະມານ 6 ເດືອນຕົ້ນປີ ຄາດຄະເນລາຍຮັບປະຕິບັດໄດ້ 12 ຕື້ກວ່າກີບ, ລາຍຈ່າຍປະຕິບັດໄດ້ 15 ຕື້ກວ່າກີບ, ການປະຕິບັດບັນດາໂຄງການລະດັບຊາດ ເປັນຕົ້ນແມ່ນບັນດາເສັ້ນທາງຫຼວງແຫ່ງຊາດ, ໂຄງການກໍ່ສ້າງທາງລົດໄຟລາວ-ຈີນ ຊຶ່ງມາເຖິງເດືອນພຶດສະພາ 2018ນີ້ ມີຄວາມຄືບໜ້າ 33,7% ລື້ນຄາດໝາຍ 4%, ໂຄງການຂະຫຍາຍສະໝານບິນ ສາກົນວັດໄຕ99,2%, ອະນຸມັດການເຊັນສັນຍາສຳປະທານໂຄງການກໍ່ສ້າງທາງດ່ວນ ແຕ່ນະຄອນຫຼວງວຽງຈັນ ຄວາມຍາວ 109 ກິໂລແມັດ ແລະ ກຳລັງກະກຽມຈະລົງມືກໍ່ສ້າງໃນທ້າຍປີ 2018 ນີ້, ປັບປຸງບູລະນະຮັກສາເສັ້ນທາງຫຼວງແຫ່ງຊາດ ເປັນຕົ້ນແມ່ນເສັ້ນທາງເລກທີ 13, ເສັ້ນທາງ R 3 ເສັ້ນທາງເລກທີ 12 ແລະ ເສັ້ນທາງອື່ນໆ. ເພື່ອໃຫ້ນຳໃຊ້ເປັນປົກກະຕິ ລັດຖະບານໄດ້ຊຸກຍູ້ ແລະ ອຳນວຍຄວາມສະດວກ ໃຫ້ແກ່ການກໍ່ສ້າງໂຄງການລົງທຶນຕ່າງໆ ທີ່ໄດ້ອານຸມັດເຊັ່ນ: ໂຄງການສາຍສົ່ງແຫ່ງຊາດ 5 ໂຄງການ, ໂຄງການເຂື່ອນໄຟ້ຟ້າພະລັງງານນ້ຳຈຸດ ໄຊຍະບູລີ, ດອນສະໂຮງ, ນ້ຳເທີນ 1, ເຊປຽນ-ເຊນ້ຳນ້ອຍ, ນ້ຳງຽບ 1 , ນ້ຳອູ ໄລຍະ2, ນ້ຳທາ1 ແລະ ເຊລະຂອງ 1, ໂຄງການພຽນທ່ານບົກ ຢູ່ຂອງສະຫວັນນະເຂດ ແລະ ຫຼວງນ້ຳທາ ແລະ ໂຄງການອື່ນໆ.

ສັງລວມແລ້ວ ເສດຖະກິດມະຫາພາກ ໃນຕັ້ນປີ 2018 ແມ່ນມີຄວາມໝັ້ນທ່ຽງ ແລະ ເຕີບໂຕໃນລະດັບດີ, ເມື່ອທຽບໃສ່ບັນດາປະເທດສະມາຊິກອາຊຽນ ກໍ່ມີອັດຕາເຕີບໂຕທີ່ສູງ ສ່ວນການພັດທະນາໃນຂົງເຂດສັງຄົມ ກໍ່ມີຄວາມຄືບໜ້າໃນຫຼາຍດ້ານ ອົງກາສະຫະປະຊາຊາດຕີລາຄາວ່າປະເທດລາວ ສາມາດບັນລຸໄດ້ 2 ໃນ 3 ມາດຕະຖານ ເພື່ອຫຼຸດພົ້ນອອກຈາກສະພາບດ້ອຍພັກທະນາ. ຖ້າຮັກສາທ່າອ່ຽງນີ້ ໃນ 3 ປີ ຂ້າງໜ້າ ໃນເວລາປະເມີນຄັ້ງ 2 ຄາດວ່າ ສປປລາວ ຈະຫຼຸດພົ້ນອອກຈາກ ສະຖານະພາບການເປັນປະເທດດ້ອຍພັດທະນາ ໃນປີ 2024.

Off

Comments are closed.