20th Dec2018

ລັດຖະມົນຕີກະຊວງປ້ອງກັນຄວາມສະຫງົບ ຕ້ອນຮັບແຂກ ສສ ຫວຽດນາມ

by somchan

ໃນວັນທີ 20 ທັນວາ 2018 ອົງການຜູ້ຕາງໜ້າກະຊວງຕຳຫຼວດ ສສ ຫວຽດນາມ ປະຈຳ ສປປລາວ ນຳໂດຍ ພົຈວ ຮ່ວາງ ກວງເຮື່ອງ ຫົວໜ້າອົງການຜູ້ຕາງໜ້າ ກະຊວງຕຳຫຼວດ ສສ ຫວຽດນາມ ປະຈຳລາວ ພ້ອມຄະນະ ໄດ້ເຂົ້າອວຍພອນ ພົທ ວິໄລລັກ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີ ກະຊວງປ້ອງກັນຄວາມສະຫງົບ ໃນໂອກາດທີທ່ານໄດ້ຮັບຕຳແໜ່ງໃໝ່, ໂອກາດດັ່ງກ່າວ ທ່ານລັດຖະມົນຕີ ກະຊວງປ້ອງກັນຄວາມ ສະຫງົບ ໄດ້ສະແດງຄວາມຂອບໃຈ ຕໍ່ອົງການຜູ້ຕາງໜ້າ ກະຊວງຕຳຫຼວດ ສສ ຫວຽດນາມ ພ້ອມທັງຕີລາຄາການພົວພັນຮ່ວມມື ໃນໄລຍະຜ່ານມາ ລະຫວ່າງ ສອງກະຊວງທີ່ໃຫ້ການຊ່ວຍເຫຼືອ ເຊີ່ງກັນ ແລະ ກັນ ໂດຍສະເພາະແມ່ນ ການກໍ່ສ້າງກຳລັງປ້ອງກັນຄວາມສະຫງົບ, ການຊ່ວຍເຫຼືອທາງດ້ານວັດຖຸອຸປະກອນເຕັກນິກ ແລະ ອື່ນໆ ເປັນການປະກອບສ່ວນ ເຂົ້າໃນວຽກງານວີຊາສະເພາະ ພ້ອມທັງສືບຕໍ່ພົວພັນ ຮ່ວມມື ກັນຮອບດ້ານ ລະຫວ່າງສອງຊາດເວົ້າລວມ ເວົ້າສະເພາະ ກໍ່ຄືສອງກະຊວງໃຫ້ມີຄວາມແໜ້ນແຟ້ນຍີ່ງຂື້ນ. ໂອກາດນີ້ ພົຈວ ຮ່ວາງ ກວາງເຮືາອງ ຍັງໄດ້ມອບສານອວຍພອນ ຂອງ ພົທ ໂຕເລີມ ກຳມະການກົມການເມືອງ ລັດຖະມົນຕີກະຊວງ ຕຳຫຼວດ ຫວຽດນາມ ໃຫ້ ພົທ ວີໄລລັກ ຫຼັາຄຳຟອງ ເລຂາທິການສູນກາງພັກ ລັດຖະມົນຕີ ກະຊວງປ້ອງກັນຄວາມສະຫງົບ ແລະ ໂອກາດດຽວກັນ ທ່ານຍັງໄດ້ຕ້ອນຮັບການເຂົ້າພົບປະຂອ ງທ່ານ ນາງ ຫີລເຄີອີ ຫົວໜ້າອົງການຜູ້ຕາງໜ້າ ກະຊວງປ້ອງກັນຄວາມສະຫງົບ ສປປຈີນປະຈຳລາວ ເນື່ອງໃນໂອກາດທີ່ທ່ານໄດ້ຮັບຕຳແໜ່ງ ລັດຖະມົນຕີກະຊວງປ້ອງກັນຄວາມສະຫງົບອີກດ້ວຍ.

Off

Comments are closed.