11th Jan2017

ລັດຖະມົນຕີກະຊວງ ປກສ ຊີ້ນຳການກະກຽມແຜນການ ປ້ອງກັນງານມະຫາກຳກິລາ ແຫ່ງຊາດຄັ້ງທີ່ 11 ທີແຂວງຊຽງຂວາງ

by somchan

ພົຕ ສົມແກ້ວສີລາວົງ ເລຂາທິການສູນກາງພັກ ລັດຖະມົນຕີກະຊວງ ປກສ  ພ້ອມດ້ວຍຄະນະ ໄດ້ເຄື່ອນໄຫວຊີ້ນຳການກະກຽມວາງແຜນປ້ອງກັນຄວາມສະຫງົບ ໃຫ້ແກ່ງານມະຫາກຳກິລາແຫ່ງຊາດ ຄັ້ງທີ 11 ຢູ່ແຂວງຊຽງຂວາງ ໃນວັນທີ່ 9 ມັງກອນ 2017 ນີ້.

ພັອ ບຸນລົດ ຄຳແພງພັນ ຫົວໜ້າກອງບັນຊາການ ປກສ ແຂວງຊຽງຂວາງ  ໄດ້ລາຍງານສະພາບ ຄວາມສະ ຫງົບຄວາມ ເປັນລະບຽບ ຮຽບຮ້ອຍ ເປ້ນຕົ້ນ ແມ່ນການເຄື່ອນໄຫວຂອງສັດຕູ, ພວກຄົນບໍ່ດີທີ່ກໍ່ກວນ ສ້າງປະກົດການຫຍໍ້ທໍ້ຕ່າງໆ ທົ່ວແຂວງຊຽງຂວາງ ໃນໄລຍະຜ່ານມາ ພ້ອມທັງໄດ້ລາຍງານການຄົ້ນຄວ້າວາງແຜນ ການປ້ອງກັນເພື່ອຮັບປະກັນຄວາມສະຫງົບ,ປອດໄພ ແລະ ຄວາມເປັນລະບຽບຮຽບຮ້ອຍ ໃຫ້ແກ່ງານມະຫາກຳກິລາແຫ່ງຊາດຄັ້ງທີ 11  ທີແຂວງຊຽງຂວາງ ຈະເປັນເຈົ້າພາບຈັດຂື້ນໃນທ້າຍປີ 2017 ນີ້.

ພົຕ ສົມແກ້ວສີລາວົງ ເລຂາທິການສູນກາງພັກ ລັດຖະມົນຕີກະຊວງ ປກສ ໄດ້ເນັ້ນໜັກໃຫ້ຄະນະພັກ-ຄະນະກອງບັນຊາການ ປກສ ແຂວງ ຊຽງ ຂວາງ ,ເອົາໃຈໃສນຳພາ ແລະ ປະສານສົມທົບກັບບັນດາຫ້ອງ, ປກສ ເມືອງ ແລະ ປກສ ບໍລິການປະຊາຊົນ ໃນການເກັບກຳຕີລາຄາສະພາບ ເພື່ອຄົ້ນຄ້ວາ ວາງແຜນການ ປ້ອງກັນໃຫ້ແກ່ງານມະຫາກຳກິລາແຫ່ງຊາດຄັ້ງທີ່ 11 ເພືອຮັບປະກ້ນ ໃຫ້ງານດັງກ່າວ ມີຄວາມສະ ຫງົບຮຽບຮ້ອຍ ໂດຍພື້ນຖານ, ສຳລັບ ວຽກງານຕ້ານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມ ແມ່ນໃຫ້ສຸມໃສ່ປະຕິບັດເປ້ນປົກກະຕິ ແລະ ມີຄວາມເຂັ້ມງວດ ເປັນຕົ້ນແມ່ນບັນ ຫາຢາເສບຕິດ, ການລັບລອບຕັດໄມ້, ລັກຂຸດຄົ້ນແຮ່, ບັນຫາຂີລັກງັດແງະ, ກຸ່ມແກ້ງກວນເມືອງ ແລະ ອື່ນໆ. ພ້ອມນັນ ຄະນພັກ-ຄະນະບັນຊາ ທຸກຂັ້ນ ຕ້ອງ ໄດ້ເອົາໃຈໃສ່ເຮັດວຽກງານສືກສາອົບຮົມ ການເມືອງນຳເອົາແນວຄິດ ໃນຖັນແຖວສະມາຊິດພັກ, ພະນັກງານນ້ກຮົບ ໃຫ້ມີຄວາມໜັກແໜ້ນ ທາງດ້ານການເມືອງແນວຄິດ, ມີຄວາມອຸນອ່ຽນທຸ່ນທຽ່ງ, ມີຄວາມອົດທົນ, ພ້ອມທັງນຳພາເຝີກແອບ, ສືກສາຄົ້ນຄ້ວາ ຮ່ຳຮຽນ ເພື່ອຍົກລະດັບ, ຄວາມສຳນິ ສຳນານ ທາງດ້ານຄວາມຮູ້ ຄວາມສາມາດ ວິຊາສະເພາ ະ  ແລະ  ການໝູນໃ ຊ້ອຸປະກອນ ເຕ້ກນິກ ທັນສະໄໝ ເຂົ້າ ໃນການປະຕິບັດໜ້າທີ່. ນອກນີ້ກໍ່ຕ້ອງ ໄດ້ ປະສານສົມທົບ ກັບອຳນາດການປົກຄອງບ້ານ ເພື່ອປຸກລະດົມ ຂົ້ນຂວາຍປະຊາຊົນ ໃຫ້ມີຄວາມຕືນຕົວ ໃຫ້ການຮ່ວມມື ແລະ ເຂົ້າຮ່ວມ ການປ້ອງກັນ ແນໃສ່ຮັບປະກັນ ເຮັດໃຫ້ການເປັນເຈົ້າພາບ ຈັດງານມະຫາກຳກິລາແຫ່ງຊາດ ຄັ້ງທີ 1 1 ຂອງແຂວງຊຽງຂວາງ ໃນທ້າຍປີ 2017 ນີ້ ມີຄວາມສະຫງົບ, ປອດໄພ 100%

 

 

 

 

 

 

 

Off

Comments are closed.