05th Dec2017

ລັດຖະມົນຕີກະຊວງ ປກສ ຕ້ອນຮັບຄະນະ ຜູ້ແທນຂັ້ນສູງກະຊວງຕຳຫຼວດຫວຽດນາມ

by somchan

ໃນວັນທີ 4 ທັນວາ 2017 ຄະນະຜູ້ແທນຂັ້ນສູງ ກະຊວງຕຳຫຼວດ ສສ ຫວຽດນາມ ນຳໂດຍ ພົນໂທ ເລກຸຍເວືອງ ຮອງລັດຖະມົນຕີກະຊວງຕຳຫຼວດ ຫວຽດນາມ ໄດ້ເຂົ້າພົບປະຢ້ຽມຢາມ ພົຕ ສົມແກ້ວ ສີລາວົງ ລັດຖະມົນກະຊວງ ປກສ ລາວ ພ້ອມຄະນະ ເພື່ອລາຍງານສະພາບ ການເຄື່ອນໄຫວຢ້ຽມຢາມ ແລະ ເຮັດວຽກຮ່ວມ ກັບກະຊວງ ປກສ ລາວ ລະຫວ່າງວັນທີ 3-8 ທັນວາ 2017.

ໃນໂອກາດ ພົນຕີ ເລກຸຍເວືອງ ຮອງລັດຖະມົນຕີກະຊວງຕຳຫຼວດຫວຽດນາມໄດ້ລາຍງານສະພາບການເຄື່ອນໄຫວຢ້ຽມຢາມ ແລະພົບປະແລກປ່ຽນບົດຮຽນຮ່ວມກັບຄະນະຜູ້ແທນຂັ້ນສູງ ແລະ ບັນດາກອງກົມອ້ອມຂ້າງກະຊວງ ປກສ ລາວ ຂອງຄະນະຜູ້ແທນຂັ້ນສູງກະຊວງຕຳຫຼວດຫວຽດນາມໃນຄັ້ງນີ້ ພ້ອມທັງຕີລາຄາສູງ ຕໍ່ການພົວພັນຮ່ວມມືວຽກງານປ້ອງກັນຄວາມສະຫງົບ ລະຫວ່າງສອງກະຊວງຕະຫຼອດໄລຍະຜ່ານມາ ແລະ ອວຍພອນໃຫ້ທ່ານລັດຖະມົນຕີ ຄະນະນຳກະຊວງ ແລະ ທົ່ວກຳລັງ ປກສ ລາວ ພ້ອມຄອບຄົວ ຈົ່ງມີສຸຂະພາບເຂັ້ມແຂງ ມີຄວາມສຳເລັດໃນໜ້າທີ່ວຽກງານ ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 42 ປີ.

ພ້ອມກັນນີ້ ພົນຕີ ສົມແກ້ວ ສີລາວົງ ລັດຖະມົນຕີ ກະຊວງ ປກສ ລາວ ກໍໄດ້ສະແດງຄວາມຕ້ອນຮັບທ່ານ ຮອງລັດຖະມົນຕີກະຊວງຕຳຫຼວດຫວຽດນາມ ພ້ອມຄະນະຢ່າງອົບອຸ່ນ, ສະໜິດສະໜົມ ແລະ ເຕັມໄປດ້ວຍໄມຕີຈິດມິດຕະພາບ; ພ້ອມທັງໄດ້ຕີລາຄາສູງຕໍ່ການເຄື່ອນໄຫວຢ້ຽມຢາມ ແລະ ພົບປະແລກປ່ຽນບົດຮຽນຮ່ວມກັບຄະນະຜູ້ແທນຂັ້ນສູງ ແລະ ບັນດາກົມກອງອ້ອມຂ້າງກະຊວງ ປກສ ລາວ ຂອງຄະນະຜູ້ແທນຂັ້ນສູງກະຊວງຕຳຫຼວດຫວຽດນາມໃນຄັ້ງນີ້ ເຊິ່ງເປັນການປະກອບສ່ວນທີ່ສຳຄັນເຂົ້າໃນການເສີມຂະຫຍາຍ, ເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມືພິເສດ ຮອບດ້ານລະຫວ່າງ ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ທີ່ເປັນມູນເຊື້ອມາແຕ່ດົນນານ ທີ່ເປັນມູນເຊື້ອມາແຕ່ດົນນານ ເວົ້າສະເພາະແມ່ນການພົວພັນຮ່ວມມືລະຫວ່າງກະຊວງ ປກສ ລາວ ແລະ ກະຊວງຕຳຫຼວດຫວຽດນາມຕະຫຼອດໄລຍະຜ່ານມາ ໃນການຮັບປະກັນເຮັດໃຫ້ສອງປະເທດ ລາວ-ຫວຽດນາມ ມີຄວາມສະຫງົບ, ປອດໄພ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ.

 

Off

Comments are closed.