10th Apr2018

ລັດຖະມົນຕີກະຊວງ ປກສ ວາງພວງມະລາ ຢູ່ອານຸສາວະລີນັກຮົບນິລະນາມ ແລະ ວາງກະຕ່າດອກໄມ້ ຢູ່ອານຸສອນສະຖານ ປະທານໄກສອນ ພົມວິຫານ

by somchan

ໃນວັນທີ 5 ເມສາ 2018 ນີ້ ການນຳຂັ້ນສູງຂອງ ກະຊວງປ້ອງກັນຄວາມສະຫງົບ ນຳໂດຍ ພົນຕີ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສຫງົບ ໄດ້ວາງພວງມະລາ ຢູ່ອານຸສາວະລີນັກຮົບ ນິລະນາມ ແລະ ວາງກະຕ່າດອກໄມ້ ຢູ່ອານຸສອນສະຖານ ປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກ ຂອງປວງຊົນລາວ ເນື່ອງໃນໂອກາດວັນສ້າງຕັ້ງ ກຳລັງປ້ອງກັນຄວາມສະຫງົບ ຄົບຮອບ 57 ປີ ຄື ວັນທີ 5 ເມສາ 1961 ຫາ ວັນທີ 5 ເມສາ 2018 ເພື່ອເປັນການສະແດງເຖິງຄວາມຮູ້ບຸນຄຸນ ຄຸນງາມຄວາມດີ, ນ້ຳໃຈເສຍສະຫຼະ ນ້ຳໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈຳນົນຂອງບັນພະບູລຸດລາວ ກໍ່ຄື ບັນດານັກຮົບປະຕິວັດທີ່ໄດ້ເສຍສະຫຼະຊີວິດ ເລືອດເນື້ອເພື່ອປະເທດຊາດ ແລະ ປະຊາຊົນຢ່າງອົງອາດກ້າຫານ ພາຍໃຕ້ການນຳພາຂອງພັກປະຊາຊົນປະຕິວັດລາວ ຈົນໄດ້ຮັບໄຊຊະນະ ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ເຊິ່ງຜົນງານ ຄຸນງາມຄວາມດີ ອັນຍິ່ງໃຫຍ່ ໄດ້ຖືກຈາລຶກໄວ້ໃນຈິດໃຈ ຂອງປວງຊົນລາວທັງຊາດຕະຫຼອດມາ.

Off

Comments are closed.