13th Nov2018

ກອງປະຊຸມສ້າງແຜນກຳນັດພະນັກງານ ນຳພາ-ບັນຊາ ຂັ້ນສູນກາງຄຸ້ມຄອງຢູ່ ກະຊວງ ປກສ

by somchan

ກະຊວງປ້ອງກັນຄວາມສະຫງົບດຳເນີນກອງ ປະຊຸມການສ້າງແຜນກຳນົດພະນັກງານນຳພາ-ບັນຊາ ຂັ້ນສູນກາງຄຸມຄອງຢູ່ກະຊວງປ້ອງກັນ ຄວາມສະຫງົບ ໃນວັນທີ່ 13 ພະຈິກ 2018 ພາຍໃຕ້ການເປັນປະທານ ຂອງ ພົຕ ສົມແກ້ວ ສີລາວົງ ລັດຖະມົນຕີ ກະຊວງປ້ອງກັນ ຄວາມສະຫງົບ , ມີຮອງລັດຖະມົນຕີ, ຫົວໜ້າກົມໃຫ່ຍ , ຫ້ອງວ່າການກະຊວງ,ຮອງວິທະຍາຄານ , ຫົວໜ້າກອງບັນຊາການ ປກສ ແຂວງ ທົ່ວປະເທດ ແລະ

 

 

ພະນັກງານນຳພາ ບັນຊາກົມກອງອ້ອມຂ້າງກະຊວງປ້ອງກັນຄວາມສະຫງົບ ແລະ ແຂກຖືກເຊີນເຂົ້າຮ່ວມ ທ່ານ ພົຕ ສົມແກ້ວ ສີລາວົງ ເລຂາທິການສູນກາງພັກ , ລັດຖະມົນຕີກະຊວງປ້ອງກັນຄວາມສະຫງົບ ໄດ້ກ່າວວ່າ:ເພື່ອຈັດຕັ້ງຜັນ ຂະຫຍາຍມະຕິກ້ອງປະຊຸມໃຫ່ຍ ຜູ້ແທນທົ່ວປະເທດຄັ້ງທີ່ 10 ຂອງພັກກ່ຽວກັບການປ່ຽນແປງໃໝ່ ວຽກງານພະນັກງານເວົ້າລວມເວົ້າສະເພາະ ແມ່ນການຜັນຂະຫຍາຍມະຕິຂອງກົມການເມືອງສູນກາງ ພັກ ວ່າດ້ວຍວຽກງານພະນັກງານພະນັກງານ ສ້າງແຜນກຳນົດພະນັກງານນຳພາ-ຄຸ້ມຄອງໃນໄລຍະໃໝ່

ພ້ອມນີ້ກອງປະຊຸມຍັງໄດ້ເຊື່ອມຊືມມະຕິຂອງກົມການເມືອງສູນກາງພັກວ່າດ້ວຍວຽກງານສ້າງແຜນກຳນົດ ພະນັກງານນຳພາ-ຄຸມຄອງ,ມາດຕະຖານຂອງພະນັກງານນຳພາຄຸ່ມຄອງ,ຄຳສັ່ງແນະນຳວ່າດ້ວຍການ ຈັດຕັ້ງປະຕິບັດມະຕິຂອງກົມການເມືອງສູນກາງພັກ ແລະ ເອກກະສານສຳຄັນອື່ນໆອີກຈຳນວນໜື່ງ ໂດຍກອງປະຊຸມໃນຄັ້ງນີ້ແມ່ນຈະດຳເນີນໄປ 4 ວັນຈືງສຳເລັດ.

Off

Comments are closed.