06th Aug2018

ລັດຖະມົນຕີກະຊວງ ປກສ ເດີນທາງເຂົ້າ ຮ່ວມກອງປະຊຸມລະດັບເຈົ້າໜ້າທີ່ອາວຸໂສ

by somchan

ວັນ​ທີ 5 ສິງຫາ 2018 ພົຕ ສົມ​ແກ້ວ ສີ​ລາ​ວົງ ລັດຖະມົນຕີ​ກະຊວງ ປກສ ພ້ອມ​ຄະນະ ​ໄດ້​ເດີນທາງ​ເຂົ້າ​ຮ່ວມ​ກອງ​ປະຊຸມ​ລະດັບ​ເຈົ້າ​ໜ້າ​ທີ່​ອາວຸ​ໂສ ​ແລະ ລະດັບ​ລັດຖະມົນຕີ ຄັ້ງ​ທີ່ 7 ຂອງ​ຂະ​ບວນການ​ບາ​ລຼີ ກ່ຽວ​ກັບ​ການ​ລັກລອບ​ຄ້າ​ມະນຸດ, ການ​ຄ້າ​ມະນຸດ ​ແລະ ອາຊາ​ຍະ​ກຳ​ຂ້າມ​ຊາດ, ການ​ລັກ​ເຂົ້າ​ເມືອງ​ຜິດ​ກົດໝາຍ ​ແລະ ບັນຫາ​ຕ່າງໆ ​ເຊິ່ງຈະ​ໄດ້​ຈັດ​ຂື້ນ ​ໃນ​ລະຫວ່າງວັນ​ທີ 6-7 ສິງຫາ 2018 ທີ່​ ບາ​ລຼີ ປະ​ເທດ​ອິນ​ໂດ​ເນ​ເຊຍ.

ກອງ​ປະຊຸມ​ດັ່ງກ່າວ ​ແມ່ນ​ມີ 45 ປະ​ເທດ ​ແລະ 3 ອົງການ​ເຂົ້າ​ຮ່ວມ, ​ເຊິ່ງຈະ​ໄດ້​ປຶກສາ​ຫາລື​ເພື່ອ​ແກ້​ໄຂ ຫຼື ລົບ​ລ້າງ​ບັນຫາ​ການ​ລັກລອບ​ການ​ຄ້າ​ມະນຸດ, ການ​ກົດ​ຂີ່​ຂູດ​ຮີດ​ທາງ​ແຮງ​ງານ ​ແລະ ການ​ນຳ​ໃຊ້​ແຮງ​ງານ​ເດັກ, ​ໃນ​ພາກ​ພື້ນ​ອິນ​ໂດ​ປາຊີ​ຟິກ, ​ເຊິ່ງ​ເປັນ​ກອງ​ປະຊຸມ​ທີ່​ມີ​ສ່ວນ​ຮ່ວມ​ລະຫວ່າງ ພາກ​ລັດ ​ແລະ ພາກ​ທຸລະ​ກິດ, ​​ໂດຍພາກ​ທຸລະກິດຈະ​ມີ​ສ່ວນ​ຮ່ວມ​ແກ້​ໄຂ​ບັນຫາ ຮ່ວມ​ກັບ​ພາກ​ລັດ, ​ເພື່ອ​ຮ່ວມ​ກັນ​ສະກັດ​ກັ້ນ ​ແລະ ລົບ​ລ້າງ​ຂະ​ບວນການ​ຄ້າ​ມະນຸດ ຫຼື ບຸກຄົນ​ທີ່​ເປັນ​ເຍື່ອຜູ້​ຖືກ​ເຄາະ​ຮ້າຍ ກັບ​ຄືນ​ສູ່​ສັງຄົມ ​ໃຫ້​ເຂົາ​ເຈົ້າ​ດຳລົງ​ຊີວິດ​ຢ່າງ​ປົກກະຕິ ​ແລະ ຮ່ວມ​ກັນ​ແກ້​ໄຂ​ບັນຫາ​ການ​ອົບ​ພະ​ຍົບຂອງ​ປະຊາຊົນ.

Off

Comments are closed.