26th Jun2013

ລັດຖະມົນຕີວ່າການກະຊວງ ປກສ ລົງຊີ້ນຳວຽກງານປ້ອງກັນຄວາມສະຫງົບຢູ່ ແຂວງວຽງຈັນ

by somchan

ທ່ານ ດຣ ທອງບັນ ແສງອາພອນ ເລຂາທິການສູນກາງພັກ ລັດຖະມົນຕີວ່າການກະຊວງປ້ອງກັນຄວາມສະຫງົບໄດ້ລົງ ຊີ້ນຳວຽກງານປ້ອງຄວາມສະຫງົບຢູ່ແຂວງວຽງຈັນ, ໃນວັນທີ 20 ມິຖຸນາ 2013 ໃຫ້ກຽດຕ້ອນຮັບມີທ່ານ ພັອ ດຣ ຄຳມ້າວ ຫຼ້າຈັນເພັດ ຫົວໜ້າກອງບັນຊາການ ປກສ ແຂວງວຽງຈັນ ມີຄະນະກອງບັນຊາການ ແລະ ຫົວໜ້າ ປກສ ເມືອງອ້ອມຂ້າງ ແຂວງວຽງຈັນເຂົ້າຮ່ວມ.

ໃນໂອກາດລົງຊີ້ນຳວຽກງານໃນຄັ້ງນີ້ ທ່ານລັດຖະມົນຕີ ໄດ້ຮັບຟັງການລາຍງານສະພາບຈຸດພິເສດແລະ ການເຄື່ອນ ໄຫວປະຕິບັດວຽກງານໃນໄລຍະຜ່ານມາຂອງແຂວງວຽງຈັນ ຈາກ ທ່ານ ພັອ ດຣ ຄຳມ້າວ ຫຼ້າຈັນເພັດ ຫົວໜ້າກອງບັນຊາການ ປກສ ແຂວງວຽງຈັນໂດຍສະເພາະແມ່ນສຸມໃສ່ຄົ້ນຄ້ວາເຊື່ອມຊືມ ຈັດຕັ້ງປະຕິບັດ 4 ຄາດໝາຍ 4 ບຸກທະລຸ 13 ແຜນວຽກ, ຈັດຕັ້ງປະຕິບັດມະຕິກອງປະຊຸມຄັ້ງທີ 6 ສະໄໝທີ 3 ການແກ້ໄຂປະກົດການຫຍໍ້ທໍ້ ແລະ ວຽກງານດ້ານອື່ນໆອີກຈຳນວນໜຶ່ງ.

ຈາກນັ້ນທ່ານ ດຣ ທອງບັນ ແສງອາພອນ ເລຂາທິການສູນກາງພັກ ລັດຖະມົນຕີວ່າການກະຊວງ ປກສ ໄດ້ຕີລາຄາຕໍ່ຜົນສຳເລັດໃນການຈັດຕັ້ງປະຕິບັດວຽກງານໃນໄລຍະຜ່ານມາ ເຊິ່ງແຂວງວຽງຈັນສາມາດຮັກສາໄດ້ສະຖຽນລະພາບທາງດ້ານການເມືອງ; ສັງຄົມມີຄວາມເປັນລະບຽບຮຽບຮ້ອຍໂດຍພື້ນຖານ, ຈາກນັ້ນ ທ່ານຍັງໄດ້ເໜັ້ນໜັກຫຼາຍບັນຫາ ໃນນີ້ໃຫ້ເອົາໃຈໃສ່ຄຸ້ມຄອງການກວດກາຄືນບາງສະພາບຢູ່ແຂວງວຽງຈັນ ເປັນຕົ້ນແມ່ນສະພາບການເຄື່ອນໄຫວຂອງພວກສັດຕູ ແລະ ກຸ່ມຄົນບໍ່ດີທີ່ເກາະຫ້ອຍຢູ່ບາງພື້ນທີ່ພາຍໃນແຂວງວຽງຈັນ, ຈາກບັນຫາດັ່ງກ່າວຕ້ອງມີແຜນການຕອບຕ້ານ ສະກັດກັ້ນ ແລະ ແກ້ໄຂໃຫ້ມີຄວາມສະຫງົບ 100% ສືບຕໍ່ປະຕິບັດ 4 ຄາດໝາຍ 4 ບຸກທະລຸ 13 ແຜນວຽກ, ພ້ອມກັນນັ້ນຈະຕ້ອງໄດ້ເອົາໃຈໃສ່ປັບປຸງກໍ່ສ້າງກຳລັງຢູ່ຮາກຖານ ປັບປຸງ ປກສ ກຸ່ມບ້ານ, ປກສ ບ້ານ ໃຫ້ມີຄຸນນະພາບສູງ ປະສານສົມທົບກັບພາກສ່ວນກ່ຽວຂ້ອງ, ເອົາໃຈໃສ່ດຳເນີນຄະດີໃຫ້ຖືກຕ້ອງຕາມກົດໝາຍ, ສືບສວນ-ສອບສວນ ໃຫ້ຮັດກຸມ, ຄຸ້ມຄອງຕ້ອງຫາ, ຮັກສານັກໂທດໃຫ້ດີ, ມີຄວາມຊຳນິຊຳນານໃນການເຮັດວຽກງານວິຊາສະເພາະ, ສ້າງໃຫ້ໄດ້ພະນັກງານສືບທອບປ່ຽນແທນ ຕຳແໜ່ງງານຕ່າງໆ, ເລືອກເອົາພະນັກງານທີ່ດີມີຄວາມຮູ້ຄວາມສາມາດເພື່ອເຮັດລ້ອນໜ້າທີ່ທີ່ພັກ-ລັດມອບໝາຍໃຫ້.

 

Off

Comments are closed.