04th Jan2019

ລັດຖະມົນຕີ ກະຊວງປ້ອງກັນຄວາມສະຫົງບ ໄດ້ພົບປະໂອ້ລົມຕໍ່ຄະນະພັກ – ຄະນະນຳ ກົມໃຫຍ່ການເມືອງ

by somchan

ໃນວັນທີ່ 3 ມັງກອນ 2019 ນີ້ ພົທ ວິໄລ ຫຼ້າຄໍາຟອງ ເລຂາທິການສູນກາງພັກ ເລຂາຄະນະພັກກະຊວງ ລັດຖະມົນຕີ ກະຊວງປ້ອງກັນຄວາມສະຫົງບ, ໄດ້ພົບປະໂອ້ລົມຕໍ່ຄະນະພັກ-ຄະນະນຳ ກົມໃຫຍ່ການເມືອງປ້ອງກັນຄວາມສະຫງົບ

ໂອກາດນີ້ ພົຈວ ອາລູ ວາລີຊື່ ຄະນະພັກກະຊວງ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ໄດ້ລາຍງານສະພາບການເຄື່ອນໄຫວ ນຳພາຂອງກົມໃຫຍ່ການເມືອງປ້ອງກັນຄວາມສະຫງົບ ເຊີ່ງທ່ານໄດ້ລາຍງານທີ່ຕັ້ງ, ພາລະບົດບາດໜ້າທີ່ ແລະ ໂຄງປະກອບການຈັດຕັ້ງສະພາບການນຳພາຂອງຄະນະພັກກົມໃຫຍ່ການເມືອງປ້ອງກັນຄວາມສະຫງົບໃນໄລຍະຜ່ານມາ ມີຜົນສຳເລັດຫຼາຍດ້ານ ເປັນຕົ້ນ: ວຽກງານສຶກສາອົບຮົມການເມືອງ-ແນວຄິດ ຄະນະພັກ-ຄະນະບັນຊາແຕ່ລະຂັ້ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກ, ພະນັກງານ-ນັກຮົບດ້ວຍແນວທາງນະໂຍບາຍຂອງພັກໃນນັ້ນໄດ້ຈັດຕັ້ງຮ່ຳຮຽນ, ຄົ້ນຄ້ວາເຊືອມຊືມມະຕິ, ຄຳສັ່ງ ແລະເອກະສານສຳຄັນຕ່າງໆ, ວຽກງານກໍ່ສ້າງພັກ ໂດຍປະຕິບັດຕາມ 5 ຫຼັກການ ແລະ 3 ທິດນໍາໃນການເຄື່ອນໄຫວວຽກກໍ່ສ້າງພັກ ສາມາດປັບປຸງການຈັດຕັ້ງພັກ, ສະມາຊິກພັກມີຄວາມເຂັ້ມແຂງຮອບດ້ານໄດ້ດຳເນີນຊີວິດການເມືອງປະຈຳປີຢ່າງເປັນປົກກະຕິ, ປັບປຸງບາງຫົວໜ່ວຍທີ່ມີຄວາມຈຳເປັນ ປັບປຸງກົງຈັກການຈັດຕັ້ງອ້ອມຂ້າງກະຊວງ ແລະທ້ອງຖິ່ນ ກໍ່ສ້າງກຳລັງໃຫ້ມີຄວາມໜັກແໜ້ນເຂັ້ມແຂງ ແລະ ວຽກງານອື່ນໆອີກ.

ໂອກາດດັ່ງກ່າວ ພົທ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ ໄດ້ໂອລົມແລະໃຫ້ທິດຊີ້ນຳ ເຊີ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະພັກ-ຄະນະນຳຍາດມາໄດ້ໃນໄລຍະຜ່ານມາ ແລະ ໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະກົມກອງອ້ອມຂ້າງກະຊວງຈົ່ງເພີ່ມທະວີໃນການຊີ້ນຳ-ນຳພາວຽກງານດ້ານຕ່າງໆ ໂດຍສະເພາະແມ່ນວຽກງານໂຄສະນາສຶກສາອົບຮົມການເມືອງແນວຄິດ, ວຽກງານກໍ່ສ້າງພັກ, ວຽກງານກໍ່ສ້າງພະນັກງານ, ວຽກງານນະໂຍບາຍ, ວຽກງານກວດກາ, ຄຸ້ມຄອງ ແລະ ປ້ອງກັນກຳລັງ ແລະ ວຽກງານອື່ນໆ ເພື່ອສ້າງໃຫ້ກຳລັງປ້ອງກັນຄວາມສະຫົງບມີຄວາມໜັກແໜ້ນ,ປອດໃສ.

 

Off

Comments are closed.